அனல் மின் நிலையங்களில் பயன்படுத்தப்படும் நீர் ….

நாட்டில் 11 மாநிலங்களில் தண்ணீர் தட்டுப்பாடு ஏற்பட்டுள்ள
நிலையில், அனல் மின் நிலையங்களில் பயன்படுத்தப்படும்
நீரால் 25 கோடி மக்களின் குடிநீர் தேவையைப் பூர்த்தி செய்ய
முடியும் என்று தன்னார்வ சுற்றுச்சூழல் அமைப்பான கிரீன்பீஸ்
இந்தியா தெரிவித்துள்ளது.

இதுதொடர்பாக அந்த அமைப்பு வெளியிட்டுள்ள ஆய்வறிக்கையில்
தெரிவிக்கப்பட்டுள்ளதாவது:

நிகழாண்டில் கடுமையான தண்ணீர் தட்டுப்பாடு ஏற்பட்டுள்ள
மகாராஷ்டிரம், மத்தியப் பிரதேசம், உத்தரப் பிரதேசம், கர்நாடகம்,
ஆந்திரப் பிரதேசம், தெலங்கானா, சத்தீஸ்கர் ஆகிய 7 மாநிலங்களிலும்
அனல் மின் நிலையங்கள் உள்ளன.

நிலக்கரி மட்டுமல்லாமல் தூய்மையான தண்ணீரும் மின்சாரம்
தயாரிப்பதற்காக இந்த அனல் மின் நிலையங்களில் பயன்
படுத்தப்பட்டு வருகிறது.

மேல் குறிப்பிட்டுள்ள அனல் மின் நிலையங்களில் பயன்படுத்தப்படும்
தண்ணீரைக் கொண்டு 5 கோடி மக்களின் குடிநீர் தேவையை
ஓராண்டுக்குப் பூர்த்தி செய்ய முடியும்.

நாடு முழுவதும் உள்ள அனல் மின் நிலையங்களில் ஓராண்டுக்கு
செலவழிக்கப்படும் தண்ணீரைக் கொண்டு 25 கோடி மக்களின்
அடிப்படைத் தண்ணீர் தேவையைப் பூர்த்தி செய்ய முடியும்.

மேலும், திட்டமிடப்பட்டுள்ள அனல் மின் நிலையங்கள் கட்டி
முடிக்கப்பட்டு அவை பயன்பாட்டுக்கு வந்தால், தண்ணீர் பயன்பாடு
மேலும் அதிகரிக்கும்.

இந்த ஆண்டு நாட்டில் நிலவிவரும் தண்ணீர் தட்டுப்பாடு, மின்சார
உற்பத்தியில் மாற்றத்தைக் கொண்டுவர வேண்டிய தேவையை
மத்திய அரசுக்கு ஏற்படுத்தியுள்ளது.

எனவே, அனல் மின் நிலையங்களுக்கு மாற்றாக புதுப்பிக்கத்தக்க
எரிசக்தித் துறையில் மத்திய அரசு முதலீடு செய்யலாம் என்று அந்த
ஆய்வறிக்கையில் கூறப்பட்டுள்ளது.
–
————————————
தினமணி