தமிழகத்தில் போராட்டம்: கர்நாடகாவில் தமிழ் சேனல் ஒளிபரப்பு, திரைப்படங்கள் நிறுத்தம்!

தமிழகத்தில் போராட்டம்: கர்நாடகாவில் தமிழ் சேனல் ஒளிபரப்பு, திரைப்படங்கள் நிறுத்தம்!



பெங்களூரு: கர்நாடக அரசு மேகதாதுவில் அணை கட்டுவதற்கு எதிர்ப்பு தெரிவித்து, தமிழகத்தில் நடக்கும் போராட்டத்திற்கு எதிராக கர்நாடக அமைப்பினரும் போராட்டத்தில் ஈடுபட்டனர். மேலும் தமிழ் சேனல் ஒளிபரப்பு மற்றும் தமிழ் திரைப்படங்கள் திரையிடுவதும் நிறுத்தப்பட்டன.

கர்நாடக அரசு காவிரி அணையின் குறுக்கே மேகதாதுவில் அணை கட்டுவதற்கு நடவடிக்கை எடுத்து வருகிறது. இதற்கு எதிர்ப்பு தெரிவித்து தமிழகம் முழுவதும் இன்று கடை அடைப்பு போராட்டம் நடத்தப்பட்டு வருகிறது. இதற்கு அனைத்து அரசியல் கட்சிகளும் ஆதரவு தெரிவித்துள்ளன.

இந்நிலையில், தமிழகத்திற்கு எதிராக கர்நாடகத்தைச் சேர்ந்த பல்வேறு அமைப்புகளும் போராட்டத்தில் ஈடுபட்டுள்ளன. கர்நாடக-தமிழக எல்லையான அத்திப்பள்ளி பகுதியில் தமிழக அரசை கண்டித்து ஜெயகர்நாடக அமைப்பைச் சேர்ந்தவர்கள் ஆர்ப்பாட்டம் நடத்தினர்.

இதைத்தொடர்ந்து, தமிழக விவசாயிகள் சங்கம் சார்பில், கர்நாடக முதல்வர் சித்தராமைய்யாவின் உருவபொம்மையை எரிக்கும் போராட்டம் நடத்துவதற்காக, அத்திப்பள்ளி நோக்கி தமிழக விவசாயிகள் சென்றனர். இதனால் அங்கு பதட்டம் ஏற்பட்டது. இதையடுத்து, அங்கு ஈரோடு, தர்மபுரி, நாமக்கல் உள்ளிட்ட 6 மாவட்ட போலீசார் குவிக்கப்பட்டுள்ளனர்.

இதேபோல், கர்நாடகாவைச் சேர்ந்த கன்னட ரக்ஷன வேதிகே அமைப்பைச் சேர்ந்தவர்கள் சாலை மறியல் போராட்டம் நடத்தினர். மேலும், அவர்கள் தமிழக முதல்வர் ஓ.பன்னீர்செல்வத்தின் உருவபொம்மையையும் எரித்ததால் அங்கு பதட்டம் ஏற்பட்டுள்ளது.

தமிழ் சேனல் நிறுத்தம்

மேலும், தமிழகத்தில் நடக்கும் போராட்டத்திற்கு எதிர்ப்பு தெரிவித்து, கர்நாடகாவில் உள்ள தமிழ் சேனல்கள் இன்று மாலை 4 மணி வரை ஒளிபரப்பு செய்யப்படாது என கர்நாடக கேபிள் ஆபரேட்டர்கள் அறிவித்துள்ளனர்.

இதேபோல், கன்னடர்கள் அதிகம் வாழும் பகுதிகளில் உள்ள தியேட்டர்களில், தமிழ் படங்கள் திரையிடப்படாமல் நிறுத்தப்பட்டுள்ளன.

விகடன்

ஆமாம் காலை இல் இருந்து எங்களுக்கு எந்த தமிழ் channalum வரலை ......சாயங்காலத்துக்கு மேலே வந்தது

காவிரி பாயவில்லை இங்கு
கன்றாவி அங்கு பாய்ந்தால்
என்ன பாயாமல் போனால் என்ன!!!

நதிகளை தேசிய மயமாக்க வேண்டிய நேரம் வந்து விட்டது .

எந்த ஒரு மாநிலமும் தங்களுக்குதான் சொந்தம் என்று 
எந்த நதியையும் சொந்தம் கொண்டாட முடியாதபடி 
சட்டம் இயற்றப்படவேண்டும் .    

ரமணியன்

ayyasamy ram wrote:

மேற்கோள் செய்த பதிவு: 1127527

கர்நாடக அரசு ஆணை கட்டக்கூடாது என்று எதிர்ப்பு தெரிவிக்கும் 
மனுவை , பிரதமரிடம்  சமர்பித்த குழுவில் 
சுதர்சன நாச்சியப்பன் , காங்கிரஸ் பிரதிநிதி 
கலந்துகொள்ளவே  இல்லையே .

ரமணியன்