பாலசந்தர் மருத்துவமனையில் அனுமதி!

**krishnaamma** · **krishnaamma** Mon Dec 15, 2014 8:37 pm

சென்னை: உடல்நலக்குறைவு காரணமாக பிரபல திரைப்பட இயக்குநர் கே.பாலசந்தர் மருத்துவமனையில் அனுமதிக்கப்பட்டுள்ளார். நீர்குமிழி படத்தின் மூலம் இயக்குநராக அறிமுகமானவர் பாசந்தர். தொடர்ந்து நாகேஷை வைத்து பல்வேறு வெற்றி படங்களை இயக்கினார். ரஜினி, கமல் ஆகியோரை வைத்து நிறைய படங்களை கொடுத்தார். வித்தியாசமான படங்களை இயக்கி, தமிழ் சினிமாவின் இயக்குநர் சிகரமாக திகழ்ந்தார். இயக்குநராக மட்டுமல்லாது கவிதாலாயா எனும் தயாரிப்பு நிறுவனம் தொடங்கி படங்களும் தயாரித்தார். வௌ்ளித்திரை தவிர்த்து சின்னத்திரையிலும் நிறைய சிரீயல்களை எடுத்துள்ளார்.

இன்றைக்கு தமிழ்சினிமாவில் இருக்கும் பல பிரபலங்களை அறிமுகம் செய்த பெருமை இவருக்கு உண்டு. தற்போது 84வயதாகும் பாலசந்தருக்கு இன்று(டிச.,15ம் தேதி) திடீரென உடல்நலக் குறைவு ஏற்பட்டது. இதனையடுத்து அவர் உடனடியாக ஆழ்வார்பேட்டையில் உள்ள தனியார் மருத்துவமனை ஒன்றில் அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வருகிறது.இதனிடையே, இயக்குநர் பாலசந்தரை, நடிகர் ரஜினிகாந்த் சந்தித்தார். இதன் பின்னர், பாலசந்தர் நலமுடன் உள்ளார் என ரஜினிகாந்த் கூறினார்.