மக்களவையில் கார்கேவுக்கு எதிர்க்கட்சித் தலைவர் இருக்கை

**ayyasamy ram** · **ayyasamy ram** Sat Nov 22, 2014 11:46 am

-

நாடாளுமன்றக் குளிர்காலக் கூட்டத்தொடர் வரும் திங்கள்கிழமை
(நவ.23) தொடங்கி நடைபெறவுள்ளது.

இதனை முன்னிட்டு, மக்களவையில் உறுப்பினர்கள் அமரும்
இடங்களும், அவர்களுக்கான இருக்கை எண்களும் வெள்ளிக்கிழமை
அறிவிக்கப்பட்டன.

இதன்படி, மக்களவை காங்கிரஸ் கட்சித் தலைவர்
மல்லிகார்ஜுன கார்கேவுக்கு எதிர்க்கட்சித் தலைவர் அமரும்
இருக்கை ஒதுக்கப்பட்டுள்ளது.

அவர் அமரும் எதிர்க்கட்சிகளுக்கான முதல் வரிசையில்,
காங்கிரஸ் தலைவர் சோனியா காந்தி, சமாஜவாதி கட்சித்
தலைவர் முலாயம் சிங் உள்ளிட்டோருக்கும் இருக்கைகள்
ஒதுக்கப்பட்டுள்ளன.

காங்கிரஸ் துணைத் தலைவர் ராகுல் காந்திக்கு எதிர்க்
கட்சிக்கான பகுதியில் இரண்டாம் வரிசையில் இருக்கை
ஒதுக்கப்பட்டுள்ளது.

எதிர்க்கட்சி வரிசை... எதிர்க்கட்சிகளுக்கான முன் வரிசையில்
அதிமுகவின் பி.வேணுகோபாலுக்கு இருக்கை ஒதுக்கப்பட்டுள்ளது.

இதனால், காங்கிரஸ் தலைவர் சோனியா காந்தி, அக்கட்சியின்
மக்களவைத் தலைவர் மல்லிகார்ஜுனே கார்கே,
முலாயம் சிங் யாதவ், அதிமுகவின் தம்பிதுரை ஆகியோருக்கு
அருகே பி.வேணுகோபால் அமரவுள்ளார்.

மக்களவையில் உள்ள மொத்த இடங்களின் எண்ணிக்கை
543. அதில் 10 சதவீதம் அளவுக்கு உறுப்பினர்கள், அதாவது
55 உறுப்பினர்கள் இருந்தால் மட்டுமே எதிர்க்கட்சி அந்தஸ்து
கிடைக்கும். ஆனால், காங்கிரஸூக்கு 44 உறுப்பினர்கள் மட்டுமே
உள்ளதால் அதற்கு எதிர்க்கட்சி அந்தஸ்து கிடைக்கவில்லை
என்பது குறிப்பிடத்தக்கது.
-
--------------------------------------------
--தினமணி

**M.Saranya** · **M.Saranya** Sat Nov 22, 2014 2:47 pm

பயனுள்ள தகவல்.
நன்றி...

மக்களவையில் கார்கேவுக்கு எதிர்க்கட்சித் தலைவர் இருக்கை

மக்களவையில் கார்கேவுக்கு எதிர்க்கட்சித் தலைவர் இருக்கை

Re: மக்களவையில் கார்கேவுக்கு எதிர்க்கட்சித் தலைவர் இருக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக