இல்லாள் இருக்க இல்லாதது ஒன்றுமில்லை. -…!

**ayyasamy ram** · **ayyasamy ram** Fri Jul 11, 2014 12:17 pm

-
-
* சின்னச் சின்ன தவறுகளுக்காக நட்பு மற்றும்
உறவுகளிடம் திட்டு வாங்கும் பெண்கள் மனது
பலவாறாகச் சஞ்சலப்படும். அது தேவையில்லை.
அந்தத் தவறுதான் நம்மை சிறிது பண்பட்டவர்களாக
செதுக்கும் என்பதை அனுபவத்திலிருந்து உணர்ந்து
கொண்டால் இல்லத்தரசிகள் எதிலும் செழிக்கலாம்.
இல்லாள் இருக்க இல்லாதது ஒன்றுமில்லை.
-
——————————————
-
* இப்போது விட்டால் இந்த பொருள் இவ்வளவு மலிவாகக்
கிடைக்காது என்று ஒரு பொருளைப் பற்றி மிகைப்
படுத்தப்பட்ட விளம்பரம் உங்களையும் வாங்கச் செய்து
விடும். வாங்கிய பிறகுதான் இதற்குப் போய் இவ்வளவு
விலை தந்திருக்க வேண்டுமா என்று தோன்றும்.

இத்தனை ஆண்டு சேமிப்பையும் இதில் தொலைத்தோமே
என்று தோன்றும். அதற்காக வருந்தாமல் சில பாடங்களை
அதிக விலை கொடுத்து கற்றுக் கொள்ள
வேண்டியிருக்கிறது என்று உணரவும். தேவையற்ற
பொருட்களை வாங்கி வீட்டை நிறைக்காமலும்
தேவையான பொருட்களை வாங்குவதில் கஞ்சத்தனம்
காட்டாமலும் இருக்கப் பழகிக் கொண்டால் நம் வீடு
சந்தோஷம் ததும்பும் வீடாக இருக்கும்.
-
- இந்திராணி தங்கவேல், மும்பை (மங்கையர் மலர்)
—————————————

* குடும்பத்தினரின் மகிழ்ச்சியை டி.வி. மிகவும் பாதிக்கிறது.
நம் கண் எதிரே இன்பத்தை திருடுகிற பொழுது போக்கு அது.

உயிர் இல்லாத பொருள் உயிருடன் இருப்பவர்களை
சிறுகச் சிறுக அடிமையாக்கி வைத்திருப்பது கொடுமை.
ஒரு நாளில் சில மணித்துளிகள் பார்க்கலாம். ஆனால்
அதிலேயே மூழ்கிப் போவது சரியில்லை.

அதிலும் சாப்பிடும் போது டீ.வி. வேண்டாம். முடிந்த வரை
குடும்ப உறவினர்கள் ஒன்றாக சாப்பிட வேண்டும்.
-
————————————–
-
ஒரு மருத்துவர் சொன்ன தகவல் இது.

சாப்பிடும் போது ஏற்படும் தாடை அசையும் பேசும்
போது ஏற்படும் தாடை அசைவும் வெவ்வோறு.
எனவே பேசிக்கொண்டோ அரட்டை அடித்துக் கொண்டோ
சாப்பிட வேண்டாம்.
-
———————————————————–
-

வீட்டிற்கு வரும் விருந்தினரிடம் சாப்பிடச் சொல்லுகையில்
வேண்டாம் என்று அவர்கள் மறுத்தால் சரி என்று பேசாமல்
இருந்து விட வேண்டாம். சமயத்துக்கு ஏற்ப டீயோ,
மோரோ கட்டாயப்படுத்தித் தந்தால் மன மகிழ்வார்கள்.
-
——————————————-
- விஜயா சுந்தரராஜன், திருவள்ளூர். (மங்கையர் மலர்)
_________________