எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

veeyaar · veeyaar Wed 29 Jan 2014 - 20:45

எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

தலைப்பு வியப்பளிக்கிறதா..

நூறாண்டு தமிழ்த் திரையிசையுலக வரலாற்றைப் பொறுத்த வரையில் முதல் பொற்காலம் சந்தேகமில்லாமல் விஸ்வநாதன்-ராம்மூர்த்தி இருவரின் இணைந்த இசையமைப்பின் காலமேயாகும். 1970களில் ஹிந்தித் திரைப்பாடல்கள் தமிழகத்தில் மெல்ல மெல்ல ஆக்கிரமிக்கவும், தமிழ்த் திரையுலக இசையில் சற்றே தொய்வடைந்த்து போல ஒரு தோற்றம் உண்டானது. ஓரிரு ஆண்டுகள் கூட இல்லை. இளைய ராஜா வருகையினால் மீண்டும் தலைநிமிரத் தொடங்கியது தமிழ்த் திரையிசை. அதற்கு முன்னால் மெல்லிசை மன்னர் தனி ராஜ்ஜியம் நடத்தி ஹிந்தித் திரையுலக ஆளுமையை எதிர் கொண்டு வந்தார். இளைய ராஜாவின் வருகையின் பின் மீண்டும் தமிழ் சினிமாவில் பாடல்களும் இசையமைப்பும் புதிய பரிணாமத்தில் மிளிரத் தொடங்கின. இவர்களுக்கெல்லாம் ஈடு கொடுத்து புதியவர்களின் சவாலை அட்டகாசமாக எதிர்கொண்டு வெற்றி நடை போட்டார் மெல்லிசை மன்னர்.

1970களில் வெளிவந்த தமிழ்த்திரைப்படங்களில் குறிப்பாக இளைய ராஜாவின் வருகைக்குப் பின் கிட்டத் தட்ட ஐந்து ஆண்டுகளுக்கு அகில இந்தியாவையே திரும்பிப்பார்க்க வைத்தன பாடல்கள். இந்தக் கால கட்டத்தையே இரண்டாம் பொற்காலம் என நான் எண்ணுகிறேன். அனேகமாக ஒவ்வொருவரும் ஏற்றுக் கொள்வீர்கள் என நம்புகிறேன்.
மெல்லிசை மன்னர் எம்.எஸ்.வி, இளையராஜா, சங்கர் கணேஷ், வி.குமார், விஜயபாஸ்கர் என கொடிகட்டிப் பறந்த, 1970ம் ஆண்டு தொடங்கி 1980 வரையிலான இந்தக் கால கட்டத்தில் வெளி வந்த தமிழ்த் திரைப்படப் பாடல்களைப் பற்றியும் அவற்றின் சிறப்புகளைப் பற்றியும் இங்கே நாம் விவாதிக்கலாமே.

veeyaar · veeyaar Wed 29 Jan 2014 - 21:16

பல திரைப்படங்களில் பிரபலமான பாடல்களின் முதலடி பின்னாளில் படத்தின் தலைப்பாக பயன் படுத்தப் பட்டு வந்துள்ளன, இது இன்றும் தொடர்கிறது. இப்படி ஓர் தலைப்புத் தான் முத்தான முத்தல்லவோ படத்தினை அடையாளம் காண்பித்தது. இப்படத்திற்கு இசை மெல்லிசை மன்னர் எம்.எஸ்.விஸ்வநாதன். பாடல்கள் மிகச் சிறந்த வகையில் அமைந்து என்றும் நினைவில் நீங்கா இடம் பெற்றவை. குறிப்பாக எம்.எஸ்.வியும் எஸ்.பி.பாலாவும் இணைந்து பாடிய எனக்கொரு காதலி இருக்கின்றாள் பாடல் அந்தக் காலத்தில் மிகப் பிரபலமானதாகும். இன்று கூட மெல்லிசைக் குழுவினர் அவ்வப்போது இப்பாடலை மேடையில் பாடுவதுண்டு.

இப்படிப்பட்ட பெருமை வாய்ந்த இப்பாடலோடு இந்த தலைப்பைத் துவக்கினால் பொருத்தமாக இருக்கும் என எண்ணுகிறேன்.

S.VINOD · S.VINOD Thu 30 Jan 2014 - 10:03

இனிய நண்பர் திரு ராகவேந்திரன் சார்
அருமையான தலைப்பு.மாட்டுக்கார வேலன் படத்தில் இடம் பெற்ற பட்டிக்காடா பட்டணமா என்ற பாடலை தலைப்பாக கொண்டு வந்த படத்தில் இடம் பெற்ற
என்னடி ராக்கம்மா ..... இனிய பாடல் என் விருப்பமாக ....

veeyaar · veeyaar Thu 30 Jan 2014 - 11:27

வினோத் சார்
ஆர்வத்தோடு உடனே இத்திரியில் பங்கு பெற்று பாடலையும் அருமையாக அளித்துள்ளீர்கள். மிக்க நன்றி. தொடருங்கள்.

வாழ்வில் சௌபாக்கியம் வந்தது ... தூண்டில் மீன் திரைப்படத்தில் இடம் பெற்ற இப்பாடல் 70களில் சூப்பர் ஹிட்டான பாடல். சட்டைக்காரி மலையாளப் படம் மூலமும் ஜூலி இந்திப் படத்தின் மூலமும் பெரும் புகழ் பெற்ற லக்ஷ்மியுடன் மோகன் நடித்த இப்படத்தின் பாடல்கள் மெல்லிசை மாமணியின் புகழ்க்கிரீடத்தில் வைரக்கற்களாய் மின்னுபவை.

**ராஜா** · **ராஜா** Thu 30 Jan 2014 - 12:46

மிக அருமையான திரி ... இது போன்ற பாடல்களின் தொகுப்பை எம்‌பி3 வடிவில் இருந்தால் பகிரவும் அல்லது தமிழ்நாட்டில் எங்கு கிடைக்கும் என்று தெரிந்தாலும் சொல்லவும்.

vasudevan31355 · vasudevan31355 Thu 30 Jan 2014 - 14:24

வீயார் சார்,

அருமையான திரி. வாழ்த்துக்கள். 1970-களின் இனிய பாடல்களை மறக்க நம்மால் இயலுமா? அதற்காகத் தொடங்கப் பட்ட இந்ததி திரிக்கும், தங்கள் முயற்சிக்கும் என் இதயபூர்வமான வாழ்த்துக்கள்.

1970-இல் வெளிவந்த 'ஆனதை ஆனந்தன்' படத்தில் வரும் 'கண்ணாடி முன்னாடி தள்ளாடி தள்ளாடி' பாடல் என் மனம் கவர்ந்த பாடலாகும். பாடகர் திலகமும், பாடகியர் திலகியும் அருமையாக பங்களித்த பாடல். 'திரை இசைத் திலகம்' கே.வி. மகாதேவன் அவர்களின் அற்புதமான இசை. ஏ.வி.எம்.ராஜனும், ஜெயலலிதாவும் பங்கு கொள்ளும் பாடல். இப்பாடலின் டியூனை ஆர்.டி.பர்மன் 1971-இல் வெளி வந்த 'கேரவன்' இந்திப் படத்தில் அப்படியே பயன்படுத்திக் கொண்டார்.

"Ab Jo Mile Hain To" என்று தொடங்கும் இப்பாடலை ஆஷா போன்ஸ்லே பாடியிருந்தார். அருணா இராணி, ஜிதேந்திரா, ஆஷா பரேக் இப்பாடலுக்கு நடித்திருந்தனர்.

இப்போது' கண்ணாடி முன்னாடி' பாடல்.

பாலாஜி · பாலாஜி Thu 30 Jan 2014 - 14:29

சிறப்பான திரி .... தொடருங்கள் .....

veeyaar · veeyaar Thu 30 Jan 2014 - 19:34

நீலநாராயணன் அவர்களின் படமான அன்புக்கோர் அண்ணன் 1971ம் ஆண்டில் வெளிவந்து வெற்றி வாகை சூடிய படம். இதற்கு மெல்லிசை மன்னரின் இசையும் ஒரு காரணம் குறிப்பாக தென்மதுரை வீதியிலே ஊர்வலம் போனாள் பாடல் இன்றும் நெஞ்சை அள்ளும் பாடல். டி.எம்.எஸ். மற்றும் சீர்காழி கோவிந்தராஜன் குரல்களில் தெவிட்டாத தேனமுது. கேளுங்கள்

http://www.inbaminge.com/t/a/Anbukku%20oru%20Annan/

veeyaar · veeyaar Thu 30 Jan 2014 - 19:38

70களில் எஸ்.பி.பாலாவின் குரலைக் கேட்பதற்கே மக்கள் டீக்கடை முன் காத்து நின்ற காலம் உண்டு. அப்படி ஒரு பாடல் தெய்வம் பேசுமா திரைப்படத்தில் சங்கர் கணேஷ் இசையில் இடம் பெற்ற இப்பாடல், ஒன்றே ஒன்று தேனூறும் வண்ணம் என்று தொடங்கும். உடன் பாடும் எஸ்.ஜானகி மட்டும் சளைத்தவரா என்ன. சங்கர் கணேஷ் பின்னிசையில் இப்பாடலில் அக்கார்டின் வாத்தியம் நம்மைப் பித்தாக்கி விடும்.

http://www.inbaminge.com/t/d/Deivam%20Pesuma/

**ayyasamy ram** · **ayyasamy ram** Thu 30 Jan 2014 - 20:33

எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் – 103459460

எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் – 3838410834

Sponsored content · Sponsored content

எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

Re: எண்ணம் நிறைந்த எழுபதுகள் - தமிழ்த் திரையிசையின் இரண்டாம் பொற்காலம் –

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக