நான் எந்த கட்சியில் இருக்கிறேன்?

**டார்வின்** · **டார்வின்** Tue 28 Jan 2014 - 15:58

நடிகர் எஸ்.வி.சேகர் சினிமாவில் ஒரு காலத்தில் காமெடி வேடங்களில் கலக்கியவர். தேசிய கொடியை பாக்கெட்டில் தைத்த சட்டையையே எப்போதும் அணிந்து வருபவர். முதலில் பாஜக, அதன் பின்னர் அதிமுக, காங்கிரஸ், மீண்டும் பாஜக என்று அடிக்கடி கட்சி மாறுவதும், அப்போதெல்லாம் அவர் உதிர்க்கும் கருத்துகளும், சினிமா நகைச்சுவையை போன்றதே. அப்படி ஒரு கருத்தை சமீபத்தில் அரக்கோணம் அருகே ஒரு கோயில் நிகழ்ச்சிக்கு வந்திருந்தபோது நிருபர்களிடம் வலிய வந்து உதிர்த்தது அவர்கள் மத்தியில் சிரிப்பையே வரவழைத்தது.

அரக்கோணம் அடுத்த நெல்வாய் கிராம கோயில் நிகழ்ச்சியில் கலந்து கொண்ட எஸ்.வி.சேகர் சினிமா நடிகர் என்பதால் அவரை காண அந்த கிராம மக்கள் மட்டும் இன்றி சுற்றுப்புற கிராமங்களை சேர்ந்தவர்களும் குவிந்திருந்தனர். அவர்களுடன் பத்திரிகை நிருபர்களும், எஸ்.வி.சேகர் எதையாவது சொல்வார் என்ற எதிர்பார்ப்பில் வந்திருந்தனர். அதற்கேற்ப அவரும் பத்திரிகையாளர்களை பார்த்ததும் அவர்களை நாடி வந்தார். அவர்களின் எதிர்பார்ப்புக்கு ஏற்ப அவரே பேசத்தொடங்கினார். அவரது பேச்சு இதுதான், Ôநான் எந்த கட்சியில் இருக்கிறேன் என்று யாரும் குழப்பமடையாதீர்கள். கடந்த 3 ஆண்டுகளாக நான் பாஜகவில்தான் உறுப்பினராக இருக்கிறேன்.

தமிழகத்தில் 1991 முதல் 2004ம் ஆண்டு வரை பாஜக கூட்டணிக்காக பிரசாரம் செய்தேன். அதன்பிறகு அதிமுகவில் சேர்ந்து மயிலாப்பூர் எம்எல்ஏவாகி, அங்கு ரூ.300 கோடி அளவில் திட்டப்பணிகளை செய்தேன். அதில் ஒரு பைசா கூட கமிஷனாக வாங்கவில்லை. பின்னர் அதிமுகவில் இருந்து வெளியேறினேன். டெல்லியில் ராகுல்காந்தியை சந்தித்து வந்த பின்னர் காங்கிரசில் 2 அல்லது 3 மாதங்கள் மட்டுமே என்னால் இருக்க முடிந்தது. அதன்பிறகு எனக்கான மனோபாவம், கொள்கை ஆகியவை பாஜகவில் இருந்தது. அதனால் பாஜக தலைவர்களை சந்தித்து நான் மீண்டும் அதில் இணைந்தேன்.

பிரதமர் வேட்பாளரான மோடியை இதுவரை 6 முறை சந்தித்துள்ளேன். அவரிடம் நான் பேசும்போதெல்லாம் எனக்கு எம்பி சீட் வேண்டாம் என்றுதான் சொல்லி உள்ளேன்.Õ என்றபடி வேகமாக சென்று விட்டார். நமக்கு என்னடா, நாம் கேட்காமலேயே இவ்வளவு விவரங்களை சொல்கிறாரே. ஆனாலும், பாஜகவில் எத்தனை நாள் இருப்பார்? என்ற சந்தேக கேள்வியை கேட்கலாமா என்றால், அரசியலில் இதெல்லாம் சகஜமப்பா என்றுதான் எண்ண தோன்றியது.
thinakaran

**ayyasamy ram** · **ayyasamy ram** Tue 28 Jan 2014 - 19:43

பாஜகவில் எத்தனை நாள் இருப்பார்?
-
வலிய வந்து சீட் கொடுப்பார்கள் என எதிர்பார்ப்பார்...
எண்ணம் நிறைவேறவில்லை என்றால்...
மனசாட்சிப்படி கட்சி மாறுவார்.,...!