கருணாநிதியுடன் இலங்கை மந்திரி ஆறுமுகத் தொண்டமான் சந்திப்பு

http://www.tamilkurinji.com/TN_news_index.php?id=6022


கருணாநிதியுடன் இலங்கை மந்திரி ஆறுமுகத் தொண்டமான் சந்திப்பு
Friday , 30th October 2009 07:58:21 AM
"முகாம்களில்
இப்போது, ஒரு லட்சத்து 86 ஆயிரம் பேர் தான் இருக்கின்றனர். அவர்களும் மிக
விரைவில் தங்கள் சொந்த ஊருக்கு அனுப்பப்படுவர்" என, இலங்கை அரசின் இளைஞர்
மேம்பாட்டுத் துறை அமைச்சர் ஆறுமுகத் தொண்டமான் கூறினார்.



சென்னை வந்திருந்த தொண்டமான், நேற்று மாலை, முதல்வர் கருணாநிதியை
அவரது இல்லத்தில் சந்தித்தார். அரை மணி நேரத்துக்கும் மேலாக நீடித்த
சந்திப்புக்குப் பிறகு, நிருபர்களிடம் அவர் கூறியதாவது:

தமிழக முதல்வர் கருணாநிதிக்கு, இலங்கை அதிபர் மகிந்தா ராஜபக்ஷே
விடுத்த அழைப்பின் பேரில், 10 எம்.பி.,க்கள் கொண்ட குழுவை, முதல்வர்
அனுப்பி வைத்தார். அவர்கள், இலங்கையில் தமிழர்கள் தற்காலிகமாக தங்க
வைக்கப்பட்டுள்ள முகாம்களை பார்வையிட்டனர். அவர்கள் வந்து சென்ற பின்,
அங்கு மேற்கொள்ளப்பட்ட வளர்ச்சிப் பணிகளையும், எங்கள் அரசு மேற்கொண்ட
நடவடிக்கைகளையும் அறிக்கையாக முதல்வரிடம் சமர்ப்பிக்க வந்தேன்.



இலங்கை முகாம்களில் மூன்று லட்சம் தமிழர்கள் அவதிப்படுவதாக, இங்குள்ள
தலைவர்கள் சொல்லி, பத்திரிகைகளில் செய்தி பார்த்தேன். அப்படி எதுவும்
இல்லை. எம்.பி.,க்கள் குழு, இலங்கையில் பயணம் மேற்கொண்ட பின்,
மீள்குடியமர்த்தும் பணி, இரண்டு மடங்கு வேகமாக நடக்கிறது. எம்.பி.,க்களின்
பயணத்தின்போது 24 ஆயிரம் தமிழர்கள், மீள்குடியமர்த்தப்பட்டிருந்தனர்.
இவர்கள் சென்ற உடன், 57 ஆயிரம் பேர் சொந்த ஊருக்கு அனுப்பப்பட்டனர்.
இதுவரை மொத்தம் 81 ஆயிரம் தமிழர்கள், மீள்குடியமர்த்தப்பட்டு உள்ளனர்.
இப்போது முகாம்களில், ஒரு லட்சத்து 86 ஆயிரம் பேர் தான் உள்ளனர்.
அவர்களும் மிக விரைவில் தங்கள் சொந்த ஊருக்கு அனுப்பப்படுவர்.
கண்ணிவெடிகளை அகற்றுவது தான், மறுவாழ்வுப் பணிகளில் சுணக்கம் ஏற்படுத்தும்
விஷயம்.



இந்திய அரசு அதிகாரிகள் தான், கண்ணி வெடி அகற்றும் பணியில்,
எங்களுக்கு உறுதுணையாக உள்ளனர். எம்.பி.,க்கள் குழு வந்து சென்ற பிறகு,
மேலும் ஒரு குழுவை இந்தியா அனுப்பி உள்ளது. இலங்கைத் தமிழர் நிவாரணப்
பணிகளுக்கு மேலும் 500 கோடி ரூபாய் வழங்கத் தயாராக இருப்பதாக, இந்திய
உள்துறை அமைச்சர் சிதம்பரம் அறிவித்திருந்தார். இதற்கான திட்ட அறிக்கையை
வழங்க, இலங்கை பிரதிநிதிகள் விரைவில் டில்லிக்கு அனுப்பப்பட உள்ளனர்.
உலகத் தமிழ் செம்மொழி மாநாட்டுக்கு அழைப்பு அனுப்பப்பட்டால், பங்கேற்போம்.
அழைக்கப்படுவது, எங்களுக்கு கவுரவம். இவ்வாறு தொண்டமான் கூறினார்.
தி.மு.க., எம்.பி., கனிமொழி உடனிருந்தார்

தொண்டமான் என்ற பெயருக்கே களங்கமாய் இருப்பவர் இந்த ஆறுமுகம், இவருக்கு உண்மையில் 6 இற்கும் அதிகமான முகங்கள் இருக்கிறது.

இருவரும் ஒரு குட்டையல் ஊறிய மட்டைகள் தான் இருவரும் சந்தித்தால் தழிழர்களுக்கு எதுவும் வரப்போவதில்லை. இதே தொண்டமானின் பிரசேசத்தில்த்தான் பெண்களின் விருப்புக்கு மாறாக ஏராளமான சட்டவிரோத கருக்கலைப்புக்கள் இடம்பெறுகின்றன அதை முதலில் தடுக்கட்டும் பின்பு கருணாநிதியை சந்திக்கட்டும்

இவர்களுக்கு மன சாட்சியே இல்ல.. இதயம் இல்லாம வாழ முடியும் என்பதுக்கு இவர்கள் தான் உதாரணம்..