ஒரே நட்சத்திரம்,ராசியில் இருப்பவர்கள் திருமணம் செய்யலாமா?

ராஜு சரவணன் · ராஜு சரவணன் Fri Sep 06, 2013 11:51 am

திருமணப் பொருத்தத்தில் முக்கியமான பொருத்தம் நட்சத்திர பொருத்தம் ஆகும். நட்சத்திர பொருத்தம் மொத்தம் 10-க்கும் மேற்ப்பட்ட பொருத்தங்கள் இருந்தாலும்,தற்பொழுது பெரும்பாலும் 10 பொருத்தங்களையே பார்க்கின்றனர்.ஆண்,பெண் இருவருக்கும் ஒரே நட்சத்திரமாகஇருந்தால்,முக்கியமான பொருத்தமான ரஜ்ஜு பொருத்தம்(மாங்கல்ய பொருத்தம்)இருக்காது.

இருவருக்கும் ஒரே நட்சத்திரமாக இருந்தால்,தவிர்க்க முடியாத பட்சத்தில் சில பரிகாரங்கள் மூலம் இணைக்கலாம்.இருவருக்கும் ஒரே நட்சத்திரமாக இருந்தால் வரும் திசா,புக்திக்கள் ஒரே நேரத்தில் வரும்.
ஒரே நட்சத்திரமாக இருந்து வெவ்வேறு லக்கினமாக இருந்தாலும் பராவாயில்லை.

தம்பதிகள் வெவ்வேறு ராசியாக இருப்பது நல்லது. ஏனென்றால் இருவருமே ஒரே ராசியாக இருக்கும் பட்சத்தில் கிரக நிலைகள் சரியில்லாத போது (ஏழரைச் சனி, அஷ்டமச் சனி) இருவருக்கும் இடையே கருத்து வேறுபாடுகள் ஏற்படும்.மேலும் ஜென்ம குரு வந்தாலும் கருத்து வேறுபாடுகள் வர வாய்ப்புண்டு.

ஒரே ராசியாக இருக்கும் சமயத்தில் பெண்ணுக்கு பிந்தைய நட்சத்திரமாக ஆணுக்கு இருந்தால் நன்மை.
ஆனால் ஒரே ராசியாக இருந்தால் தம்பதிகளின் ரசனை ஒத்துப்போகும். எனினும் மோசமான கிரக நிலையின் போது இருவருக்கும் இடையே மாதத்தில் ஒருமுறையாவது கருத்து மோதல்கள் ஏற்படுவதை தவிர்க்க முடியாது.

நட்சத்திரப் பொருத்தம் என்று ஒரு பிரிவு உண்டு, அது எப்படி என்றால் ரோகினி, திருவாதிரை, பூசம், மகம், அஸ்தம், திருவோணம் இவை ஆறும் ஸ்திரீ ,புருஷர்களுக்கு ஒரே நட்ச்சத்திரமானால் உத்தமம் என்றும்,அசுவனி, கிருத்திகை,மிருகசீரிடம்,புனர்பூசம், உத்திரம், சித்திரை,அனுஷம், உத்திராடம் இவை எட்டும் சுமார்.இந்த நட்சத்திரங்கள் உள்ளவர்களை பரிகாரங்கள் மூலம் இணைக்கலாம். மற்றவை பொருந்தாது.

அன்புடன் பட்டுக்கோட்டை ஜோதிடர் சுப்பிரமணியன்.

மணக்கால்.அய்யம்பேட்டை.ப்ளாக்ஸ்பாட்

பூவன் · பூவன் Fri Sep 06, 2013 11:57 am

அண்ணா ஜோசியம் எல்லாம் சொல்றீங்க

புதிய தகவல்

ராஜு சரவணன் · ராஜு சரவணன் Fri Sep 06, 2013 12:02 pm

பூவன் wrote:அண்ணா ஜோசியம் எல்லாம் சொல்றீங்க

புதிய தகவல்

வச்சுட்டாங்க பூவன் .... புன்னகை

பூவன் · பூவன் Fri Sep 06, 2013 12:07 pm

ராஜு சரவணன் wrote:
பூவன் wrote:அண்ணா ஜோசியம் எல்லாம் சொல்றீங்க

புதிய தகவல்

வச்சுட்டாங்க பூவன் ....

சொல்ல வெச்சுட்டாங்க ? அப்படினு சொல்லுங்க ,

**சிவா** · **சிவா** Fri Sep 06, 2013 1:07 pm

ஆணும் ஆணும், பெண்ணும் பெண்ணும் திருமணம் செய்யும் இந்தக் காலத்தில் ஒரே நட்சத்திரத்தில் பிறந்த ஆணும் பெண்ணும் திருமணம் செய்வதில் எந்தப் பிரச்சனையும் இல்லை என நினைக்கிறேன்!

ராஜு சரவணன் · ராஜு சரவணன் Fri Sep 06, 2013 4:12 pm

சோதிடம் என்பது கோனார் கைடு போன்றது தான், படித்து பின்பற்றினால் வாழ்க்கை எனும் தேர்வில் அதிக மதிப்பெண் கிடைக்கும் இல்லையென்றால் ஜஸ்ட் பாஸ் தான் புன்னகை

**சிவா** · **சிவா** Fri Sep 06, 2013 4:15 pm

ராஜு சரவணன் wrote:சோதிடம் என்பது கோனார் கைடு போன்றது தான், படித்து பின்பற்றினால் வாழ்க்கை எனும் தேர்வில் அதிக மதிப்பெண் கிடைக்கும் இல்லையென்றால் ஜஸ்ட் பாஸ் தான்

இன்னுமா கோனார் கையேடு இருக்கு? சோகம்