ஹன்ஷிகாவை மருமகளாக ஏற்றுக்கொள்ளத் தயார் : டி.ஆர் ‘தடாலடி’ அறிவிப்பு!

http://www.soundcameraaction.com/wp-content/uploads/2013/07/simbhu-with-hansika-motwani-770x472.jpg
தன் மகன் சிம்பு ஹன்சிகாவை மட்டுமல்ல, அவர் யாரைக் காதலித்தாலும் நான் எதிர்க்க மாட்டேன், அவரை மருமகளாக ஏற்றுக்கொள்வேன் என்று தடாலடியாக கூறியிருக்கிறார் டி.ஆர்.

ஒரு காலத்தில் நயன்தாராவுடன் காதலில் பல வித்தைகளை செய்து கொண்டிருந்த நடிகர் சிம்பு அவருடனான காதல் முறிவுக்குப் பிறகு சமத்துப் பிள்ளையாக மாறி விட்டார்.

அதிலும் சமீபகாலமாக ஆன்மீகம், தியானம் என ஆளே புதிதாக காட்சியளிக்கிறார். என்னதான் அவர் ஆன்மீகப் பாதைக்கு திரும்பி விட்டாலும் காதல் கிசுகிசுக்கள் மட்டும் இன்னும் அவரை பின் தொடர்ந்து தான் வந்து கொண்டிருக்கின்றன.

அந்த வகையில் அவர் தமிழ் சினிமாவில் பிஸியான ஹீரோயினாக இருக்கும் ஹன்ஷிகாவை காதலிப்பதாக செய்திகள் உலா வந்து கொண்டிருக்கின்றன. அது உண்மை தான் என்பது போல சிம்பு நடித்து வரும் வாலு, வேட்டை மன்னன் ஆகிய இரண்டு படங்களிலும் ஹன்ஷிகாவை தான் சிம்பு ஹீரோயினாகப் போடும்படி சொன்னதாகவும், அதன்படியே இரண்டு படங்களிலும் ஹன்ஷிகா நடித்து வருகிறார். அதுமட்டுமில்லாமல் ஹன்ஷிகா தான் நான் பார்த்த ஹீரோயின்களிலேயே ரொம்ப அழகு என்றும் அவரது அழகைப்பற்றி ஒருமுறை உருகியிருந்தார்.

இதுபற்றி அப்பா டி.ஆரிடம் கேட்டால், தற்போது எனது மகளுக்கு திருமணம் செய்து வைப்பதற்கான நேரம் கூடி வந்துள்ளது. அவளது திருமணம் முடிந்ததும் சிம்புவின் திருமணம் நடக்கும். சிம்பு காதலிப்பதாக கூறுகிறார்கள். அவர் யாரை காதலித்தாலும் சரி, அது ஹன்சிகாவாக இருந்தாலும் சரி அவரது காதலுக்கு நான் எதிர்ப்பு தெரிவிக்க மாட்டேன், அவர் யாரைக் காதலிக்கிறாரோ அவரை என் மருமகளாக ஏற்றுக்கொள்வேன்” என்கிறார்.

அடடா… அப்பான்னா இப்படித்தானே இருக்கணும்.

 

சிம்புவுக்கு எவ்ளோ நாளைக்கு இவங்களாம்?