அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

balakarthik · balakarthik Tue 4 Jun 2013 - 13:52

பள்ளிகளில், பாலியல் குற்றங்களை தடுக்கும் வகையில், அரசு பெண்கள் பள்ளியில், இனி, தலைமை ஆசிரியர் பணியிடம் முதல், பாட ஆசிரியர்கள் வரை, அனைத்து இடங்களிலும், ஆசிரியைகள் மட்டுமே நியமனம் செய்யப்படுவர் என, தமிழக அரசு, அதிரடியாக அறிவித்துள்ளது. ஆண்கள் பள்ளியில், ஆண் ஆசிரியர்கள் மட்டுமே இருப்பர். இருபாலர் பயிலும் பள்ளி என்றால், ஆசிரியைகளுக்கு முன்னுரிமை அளிக்கப்படும் என, கல்வித்துறை வட்டாரங்கள் தெரிவித்தன.

சமீப காலமாக, பள்ளிகளில், பாலியல் பலாத்கார சம்பவங்கள், அதிகரித்து வருகின்றன. இதுபோன்ற செயல்களில், ஆசிரியர்களே ஈடுபடுவது தான், அதிகமாக நடக்கிறது. பல்வேறு சம்பவங்களை அடிப்படையாகக் கொண்டு, பாலியல் புகாரில் சிக்கும் ஆசிரியர் மீது, கடும் நடவடிக்கை எடுக்கப்பட்டு வருகிறது.வழக்கமாக, அதிகபட்ச தண்டனையாக, "சஸ்பெண்ட்' இருக்கும். ஆனால், தற்போது, சம்பந்தபட்ட ஆசிரியரை, "டிஸ்மிஸ்' செய்வது, அவரின், கல்வி சான்றிதழ்களை ரத்து செய்வது என, கடும் நடவடிக்கைகள், எடுக்கப்படுகின்றன.ஏற்கனவே, நாமக்கல் மாவட்டத்தில், அரசு தொடக்கப்பள்ளி ஆசிரியர் சத்தியப்பிரபு என்பவர், "டிஸ்மிஸ்' செய்யப்பட்டார். நெல்லை உள்ளிட்ட சில மாவட்டங்களில், பல ஆசிரியர்கள், "டிஸ்மிஸ்' செய்யப்பட்டுள்ளனர்.

அரசு உத்தரவு விவரம் :

தேசிய குழந்தைகள் நல உரிமை ஆணையம் உள்ளிட்ட பல அமைப்புகள், பாலியல் பலாத்கார புகார்கள் தொடர்பாக, கிடுக்கிப்பிடி நடவடிக்கைகள் எடுத்து வருகின்றன. இதுபோன்ற சூழலில், பள்ளிகளில், பாலியல் பலாத்கார சம்பவங்களை தடுக்க, தமிழக அரசு, அதிரடி நடவடிக்கை எடுத்துள்ளது.அரசு பெண்கள் பள்ளி மற்றும் அரசு நிதியுதவி பெறும் பெண்கள் பள்ளிகளில், தலைமை ஆசிரியர் பணியிடம் முதல், பாட ஆசிரியர் பணியிடம் வரை, அனைத்து இடங்களிலும், ஆசிரியைகளை மட்டுமே, பணி நியமனம் செய்ய வேண்டும் என, கல்வித்துறைக்கு, தமிழக அரசு உ த்தரவிட்டுள்ளது. அதேபோல், ஆண்கள் பள்ளியில், ஆண் ஆசிரியர்கள் மட்டும் பணிபுரிய நடவடிக்கை எடுக்க வேண்டும் எனவும், தமிழக அரசு தெரிவித்துள்ளது.மாணவர், மாணவியர் என, இரு பாலர் பயிலும் பள்ளிகளாக இருந்தால், அங்கு, ஆசிரியைகளுக்கு, முதலில், முன்னுரிமை தர வேண்டும் எனவும், தமிழக அரசு, அறிவுறுத்தி உள்ளது. இதன்மூலம், பள்ளி வளாகங்களில், பாலியல் குற்றங்களை, முழுமையாக தடுக்க முடியும் என, தமிழக அரசும், கல்வித்துறையும் நம்புகிறது.

சிக்கல் வருமா?

தமிழக அரசின் உத்தரவு குறித்த தகவல், அனைத்து மாவட்ட முதன்மைக் கல்வி அலுவலர்கள், மாவட்ட கல்வி அலுவலர்களுக்கு, தெரிவிக்கப்பட்டு வருகிறது. அரசின், புதிய நடவடிக்கையால், ஏதாவது குழப்பங்கள் வர, வாய்ப்பு இருக்கிறதா என, அதிகாரி ஒருவரிடம் கேட்டபோது, அவர் கூறியதாவது: நடைமுறை ரீதியாக, எந்த சிக்கலும் வர, வாய்ப்பு இல்லை. ஆசிரியர் பணிபுரியும் இடத்தில், ஆசிரியை பணிபுரிவார்; அவ்வளவு தான். பெண்கள் பள்ளிகளின் எண்ணிக்கை, மிகவும் குறைவு தான். அதேபோல், ஆண்கள் பள்ளிகளின் எண்ணிக்கையும் குறைவு தான். இந்த இரு பள்ளிகளின் எண்ணிக்கை, 1,000த்திற்குள் தான் இருக்கும். இரு பாலர் பயிலும் பள்ளிகள் எண்ணிக்கை தான், அதிகமாக உள்ளன.

இனிமேல், ஆசிரியரை பணி நியமனம் செய்யும்போதோ, பணியிட மாறுதல் கலந்தாய்வு நடத்தும் போதோ, புதிய உத்தரவை அமல்படுத்த வேண்டும் என, தமிழக அரசு, தெரிவித்துள்ளது. எனவே, ஏற்கனவே, பணிபுரிந்து வரும் ஆசிரியர்களுக்கு, தற்போது, எந்த பாதிப்பும் வராது. இனிமேல், புதிதாக பணி நியமனம் செய்யும்போது, ஆசிரியைகளுக்கு முன்னுரிமை அளிக்கப்படும். ஆசிரியர் தேர்வில், ஆசிரியைகள் தான், அதிகளவில் தேர்வு பெறுகின்றனர். கடந்த ஆண்டு, டிசம்பர் மாதம், 20 ஆயிரம் ஆசிரியர், பணி நியமனம் செய்யப்பட்டனர். இவர்களில், ஆண் ஆசிரியர் எண்ணிக்கை, 5,000 வரை தான் இருக்கும். 15 ஆயிரம் பேர், பெண்கள் தான். எனவே, அரசின் உத்தரவை அமல்படுத்துவதில், எவ்வித சிக்கலும் வராது.இவ்வாறு, அந்த அதிகாரி தெரிவித்தார்.

நன்றி:- தினமலர்

**Muthumohamed** · **Muthumohamed** Tue 4 Jun 2013 - 14:32

நல்ல முடிவு

நிறைய குழந்தைகளின் வாழ்வு சிறக்கும்

balakarthik · balakarthik Tue 4 Jun 2013 - 15:01

Muthumohamed wrote:நல்ல முடிவு
நிறைய குழந்தைகளின் வாழ்வு சிறக்கும்

இது ஒரு தவறான உதாரணம் முத்து தவறு செய்பவர்க்கு தண்டனை கடுமையாகவும் விரைவாகவும் கிடைத்தால் இந்த நிலையே வராது , இப்படி பிரிச்சு பிரிச்சுத்தான் நாட்டுல அவனவன் காஞ்சமாடு கம்புல பான்ஜாபோல பாஞ்சுகிட்டு இருக்கான் சிறு வயதிலிருந்தே ஆணும் பெண்ணும் சமமாக பழகும் இயல்பு இருந்தா வளர்ந்தபின்னாடி இதெல்லாம் ஒரு பெரிய விஷயமாக இருக்காது ஆனா கட்டுகோப்பு , கண்ணியம் என்று கூறி கூறியே ஆர்வத்தை தூண்டிவிடுறாங்க என்ன செய்வது

யினியவன் · யினியவன் Tue 4 Jun 2013 - 15:05

இப்படியே தொடர்ந்தால் அரசு அலுவலங்கள் அனைத்தும்
பெண்கள் கிளைன்னு ஆரம்பிக்க வேண்டி வரும்

தவறு செய்பவனை தண்டிக்காமல், தடுக்காமல், காப்பாத்துறேன்னு
சொல்லி அரசு கஜானாவைத் தான் காலி பண்ணப் போறாங்க

**Muthumohamed** · **Muthumohamed** Tue 4 Jun 2013 - 15:17

balakarthik wrote:
Muthumohamed wrote:நல்ல முடிவு
நிறைய குழந்தைகளின் வாழ்வு சிறக்கும்
இது ஒரு தவறான உதாரணம் முத்து தவறு செய்பவர்க்கு தண்டனை கடுமையாகவும் விரைவாகவும் கிடைத்தால் இந்த நிலையே வராது , இப்படி பிரிச்சு பிரிச்சுத்தான் நாட்டுல அவனவன் காஞ்சமாடு கம்புல பான்ஜாபோல பாஞ்சுகிட்டு இருக்கான் சிறு வயதிலிருந்தே ஆணும் பெண்ணும் சமமாக பழகும் இயல்பு இருந்தா வளர்ந்தபின்னாடி இதெல்லாம் ஒரு பெரிய விஷயமாக இருக்காது ஆனா கட்டுகோப்பு , கண்ணியம் என்று கூறி கூறியே ஆர்வத்தை தூண்டிவிடுறாங்க என்ன செய்வது

அண்ணா நீங்க சொல்வதும் சரிதான் நமது சுதந்திர நாட்டில் சட்டங்களை கடுமை ஆக்குவது பயங்கர சிரமம் தான்

சட்டங்கள் கடுமை ஆக்கப்பட்டதற்கு பிறகு இந்த முடிவை அரசு மாற்றட்டும்

என்ன சட்டம் போட்டாலும் இந்த தப்புகள் குறைய வாய்ப்பு இல்லையென்று தோனுகிறது

சிவப்பு ஏரியாவை அங்கீகரிப்பது தான் சிறந்த வழின்னு நான் நினைக்கிறேன்

balakarthik · balakarthik Tue 4 Jun 2013 - 15:29

சிவப்பு ஏரியாவை அங்கீகரிப்பது தான் சிறந்த வழின்னு நான் நினைக்கிறேன்

அது சரி ஏற்கனவே அம்மா தெருவுக்கு தெரு டாஸ்மார்க் கடைய திறக்குராங்கன்னு திட்டிகிட்டு இருக்காங்க இதுல இதையும் அங்கீகரிச்சா அவ்வுளவுத்தான் அம்மா மலிவு விலை மாந்தர் கடையை திறக்கராங்கலேன்னு அதுக்கும் திட்டிவீங்க என்ன கொடும சரவணா

**உமா** · **உமா** Tue 4 Jun 2013 - 15:35

மிகவும் நல்ல முடிவு ..... சூப்பருங்க

சதாசிவம் · சதாசிவம் Tue 4 Jun 2013 - 16:41

செருப்பு கடிக்கிறது என்ற காரணத்துக்காக காலை வெட்டிக் கொள்ளும் செயலிது.

அம்மா, இந்திராகாந்தி, மாயாவதி ஆட்சியில் அவர்களின் தடாலடி முடிவுகளால் கட்சியும் மக்களும் என்ன பாடு பட்டனர் என்பது நாடறியும். ஆகையால் பெண்கள் இனி ஆட்சிக்கு வருவது சரியில்லை என்று ஒருவர் முடிவெடுப்பதும், ஆண்கள் மட்டுமே தவறுக்கு காரணம் என்று சொல்லுவதும் ஒன்று தான்.

**ராஜா** · **ராஜா** Tue 4 Jun 2013 - 16:43

அம்மா மலிவு விலை மாந்தர் கடை

யார் கண்டா , இந்த கருமமும் வந்தாலும் வரும் என்ன கொடுமை சார் இது

**krishnaamma** · **krishnaamma** Tue 4 Jun 2013 - 16:48

balakarthik wrote:
Muthumohamed wrote:நல்ல முடிவு
நிறைய குழந்தைகளின் வாழ்வு சிறக்கும்
இது ஒரு தவறான உதாரணம் முத்து தவறு செய்பவர்க்கு தண்டனை கடுமையாகவும் விரைவாகவும் கிடைத்தால் இந்த நிலையே வராது , இப்படி பிரிச்சு பிரிச்சுத்தான் நாட்டுல அவனவன் காஞ்சமாடு கம்புல பான்ஜாபோல பாஞ்சுகிட்டு இருக்கான் சிறு வயதிலிருந்தே ஆணும் பெண்ணும் சமமாக பழகும் இயல்பு இருந்தா வளர்ந்தபின்னாடி இதெல்லாம் ஒரு பெரிய விஷயமாக இருக்காது ஆனா கட்டுகோப்பு , கண்ணியம் என்று கூறி கூறியே ஆர்வத்தை தூண்டிவிடுறாங்க என்ன செய்வது

ரொம்ப சரி

தனி மனித ஒழுக்கத்தை வளர்ப்பதற்கு பதில் இப்படி செய்வது எவ்வளவு தூரம் நன்மை பயக்கும் என்று தெரியவில்லை சோகம்

பிரித்து வைப்பதால் குற்றங்கள் குறையுமா என்ன? அநியாயம்

Sponsored content · Sponsored content

அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

Re: அரசு பெண்கள் பள்ளிகளில் இனி ஆசிரியைகள் மட்டும்தான்: பாலியல் புகார்களை தடுக்க ஆசிரியர்கள் நியமனத்துக்கு தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக