டீசல்உருவாக்கும் பாக்டீரியாக்கள்

யினியவன் · யினியவன் Wed Apr 24, 2013 10:00 am

டீசல்உருவாக்கும் பாக்டீரியாக்கள்

BBC தமிழ் - ஏப்ரல் 23

மரபணு மாற்றியமைக்கப்பட்ட இ கோலி பாக்டீரியத்திலிருந்து டீசல் தயாரிக்க முடியும் என்று ஐக்கிய ராஜ்ஜியத்தில் இருக்கும் எக்ஸ்டர் பல்கலைக்கழக ஆய்வாளர்கள் புதிய கண்டுபிடிப்பை வெளியிட்டிருக்கிறார்கள்.

இ கோலி என்பது வழக்கமாக மனிதர்கள் உள்ளிட்ட வெப்பரத்தம் கொண்ட விலங்குகளின் குதம் பகுதியில் காணப்படும் பாக்டீரியம். இந்த பாக்டீரியத்தின் பல ரகங்கள், இந்த விலங்குகளுக்கு நன்மை செய்வனவாக இருந்தாலும், சில குறிப்பிட்ட ரக இ கோலி பாக்டீரியங்கள் பெரும் நோயை உருவாக்கக் கூடியவை.

இப்படியான இ கோலி பாக்டீரியங்களில் ஒரு குறிப்பிட்ட ரக இ கோலி பாக்டீரியாவை பயன்படுத்தி செயற்கை டீசலை உருவாக்க முடியும் என்று எக்ஸ்டர் பல்கலைக்கழக ஆய்வாளர்கள் கண்டுபிடித்திருக்கிறார்கள்.

இந்த குறிப்பிட்ட இ கோலி பாக்டீரியமானது, இயற்கையில் சர்க்கரைச் சத்தை சாப்பிட்டு அதை கொழுப்பாக மாற்றும் திறன் கொண்டது. இந்த பாக்டீரியாவானது சர்க்கரைச்சத்தை சாப்பிட்டு அதை செயற்கையான டீசலாக மாற்றும் வகையில் இதன் மரபணுவில் சில மாற்றங்களைச் செய்த எக்ஸ்டர் பல்கலைக்கழக விஞ்ஞானிகள், அதில் தாங்கள் வெற்றிபெற்றிருப்பதாக இப்போது அறிவித்திருக்கிறார்கள்.

இந்த பாக்டீரியம் உருவாக்கும் செயற்கை டீசல், எல்லாவகையிலும் இயற்கை டீசலைப்போலவே இருப்பதால், இதை தற்போது புழக்கத்தில் இருக்கும் டீசல் வாகனங்கள் அனைத்திலும் பயன்படுத்த முடியும் என்று இந்த விஞ்ஞானிகள் தெரிவித்திருக்கிறார்கள்.

அதே சமயம், இதில் ஒரு முக்கிய சிக்கல் இருப்பதையும் இந்த விஞ்ஞானிகள் தெரிவித்திருக்கிறார்கள்.

அதாவது இந்த பாக்டீரியங்கள் தயாரிக்கும் டீசலின் அளவு மிக மிகக் குறைவாக இருக்கிறது. ஏறக்குறைய நூறு லிட்டர் பாக்டீரியாக்கள் சேர்ந்து ஒரு தேக்கரண்டி அளவுக்குத் தான் செயற்கை டீசல் தயாரிக்க முடிகிறது என்று இவர்கள் சுட்டிக்காட்டுகிறார்கள்.

எனவே இந்த பாக்டீரியாக்களின் உற்பத்தி திறனை மேம்படுத்தாவிட்டால் தற்போதைய இந்த கண்டுபிடிப்பு பொதுமக்களுக்கு பயன்படாது என்று கூறும் இந்த ஆய்வை மேற்கொண்ட பேராசிரியர் ஜான் லவ், தங்களின் அடுத்த இலக்கு இந்த பாக்டீர்யங்களின் செயற்கை டீசல் உற்பத்தித் திறனை மேம்படுத்துவதே என்று தெரிவித்திருக்கிறார்.

அடுத்த ஐந்து ஆண்டுகளில் இந்த சவாலை தங்களால் தீர்க்கமுடியும் என்று அவர் நம்பிக்கை தெரிவித்திருக்கிறார்.

**ராஜா** · **ராஜா** Wed Apr 24, 2013 11:13 am

இப்படியே சும்மா கிடந்த சங்கை ஊதி விடுங்கள் , அப்புறம் இந்த ஈகோலி உலகம் பூரா பரவி , இதை அழிக்குறதுக்கு ஒரு பக்டீரியா கண்டுபிடிக்குக்ற மாதிரி ஆயிடபோகுது

**Ahanya** · **Ahanya** Wed Apr 24, 2013 11:38 am

பகிர்வுக்கு நன்றி இனியவன் அண்ணா.....நானும் இ கோலி பற்றி அறிந்துள்ளேன்...இது மனித உடலினுள் விற்றமின் தொகுக்கப்பட உதவும்...இது விலங்கு கழிவுகள் மூலம் வெளியேற்ற படுகிறது....இது குடிநீரில் காணப்பட்டால் அந்த நீர் குடிப்பதற்கு உகந்ததாகாது...

balakarthik · balakarthik Wed Apr 24, 2013 11:43 am

பேராசிரியர் ஜான் லவ், தங்களின் அடுத்த இலக்கு இந்த பாக்டீர்யங்களின் செயற்கை டீசல் உற்பத்தித் திறனை மேம்படுத்துவதே என்று தெரிவித்திருக்கிறார்.

இவரு அந்த ஊரு மூலிகை பெட்ரோல் ராமர் போலிருக்கு சூப்பருங்க

யினியவன் · யினியவன் Wed Apr 24, 2013 11:55 am

ராஜா wrote:இப்படியே சும்மா கிடந்த சங்கை ஊதி விடுங்கள் , அப்புறம் இந்த ஈகோலி உலகம் பூரா பரவி , இதை அழிக்குறதுக்கு ஒரு பக்டீரியா கண்டுபிடிக்குக்ற மாதிரி ஆயிடபோகுது

நமக்கு தெரிந்தது விராட் கோலி, நாட்டுக் கோழி, பிராய்லர் கோழி, நெருப்பு கோழி இதுதானுங்க - கண்டுக்காதீங்க இ கோலியை