"ஹெலிகாப்டர் ஒப்பந்தத்தில் ஊழல் நடந்தது உண்மையே": அந்தோணி

ச. சந்திரசேகரன் · 16/09/2012

"ஹெலிகாப்டர் ஒப்பந்தத்தில் ஊழல் நடந்தது உண்மையே": அந்தோணி

ஹெலிகாப்டர் ஒப்பந்தத்தில் ஊழல் நடந்தது உண்மையே. தவறு செய்தது யாராக இருந்தாலும், அவர்கள் மீது, கடும் நடவடிக்கை எடுக்கப்படும், என, ராணுவ அமைச்சர், அந்தோணி கூறினார்.கொச்சியில் நடந்த விழாவில், காங்., மூத்த தலைவர்களில் ஒருவரும், ராணுவ அமைச்சருமான, அந்தோணி கூறியதாவது: வி.ஐ.பி.,க்கள் பயணிப்பதற்கு, ஹெலிகாப்டர்கள் வாங்குவதற்காக, இத்தாலி நிறுவனத்துடன், 3,600 கோடி ரூபாய்க்கு ஒப்பந்தம் போடப்பட்டது. இதில், 360 கோடி ரூபாய் ஊழல் நடந்ததாக குற்றச்சாட்டு எழுந்துள்ளது. ஒப்பந்தத்தை பெறுவதற்காக, நம் நாட்டைச் சேர்ந்த சிலருக்கு, இத்தாலி நிறுவனம், லஞ்சம் கொடுத்ததாகக் கூறப்படுகிறது. இந்த வழக்கை, சி.பி.ஐ., விசாரிக்கிறது; தற்போது, விசாரணை தீவிரமடைந்து உள்ளது. ஹெலிகாப்டர் ஒப்பந்தத்தில் ஊழல் நடந்தது உண்மையே. அதற்கு காரணமானவர்கள், நாட்டு நலனுக்கு எதிரானவர்கள்; அவர்கள் யாராக இருந்தாலும், எவ்வளவு பெரிய நபராக இருந்தாலும், கண்டிப்பாக, அவர்களுக்கு எதிராக, கடுமையான நடவடிக்கை எடுக்கப்படும். ராணுவத்துக்கு பொருட்கள் மற்றும் ஆயுதங்கள் வாங்குவதற்கான, புதிய கொள்கை விரைவில் அறிவிக்கப்படும். உள்நாட்டிலேயே, தயாரிக்கப்படும் பொருட்களை வாங்குவதற்கு முக்கியத்துவம் அளிக்கப்படும். பாதுகாப்பு துறையில், அன்னிய முதலீட்டை அதிகரிக்கும் விஷயத்தில், அவசரமாக எந்த முடிவும் எடுக்க விரும்பவில்லை. இத்தாலி கடற்படை வீரர்கள் விவகாரத்தில், மத்திய அரசு, உறுதியான முடிவை எடுத்தது. இந்த முடிவு, சரியானது என, தற்போது நிரூபிக்கப்பட்டுள்ளது. இதன்மூலம், நாட்டின் கவுரவமும், நீதியும், நிலைநாட்டப்பட்டு உள்ளது. இவ்வாறு, அந்தோணி கூறினார். இதற்கிடையே, ரஷ்யாவுடன் சேர்ந்து, போர்க் கப்பல்களை வடிவமைக்கும் திட்டத்தை, இந்தியா மேற்கொள்ளவுள்ளதாகவும், ராணுவ வட்டாரங்கள் தெரிவித்தன.

நன்றி தினமணி

"ஹெலிகாப்டர் ஒப்பந்தத்தில் ஊழல் நடந்தது உண்மையே": அந்தோணி

"ஹெலிகாப்டர் ஒப்பந்தத்தில் ஊழல் நடந்தது உண்மையே": அந்தோணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக