வாரிவிட்ட வாரியார்!

**சிவா** · **சிவா** Sun 3 Mar 2013 - 11:13

ஒருமுறை வாரியார் அவர்கள் ரயிலில் பயணம் செய்தார். காலையில் கண் விழித்து எழுந்து, முகத்தை சுத்தம் செய்து விட்டு, திருநீற்றைக் கையில் எடுத்து, தனது நெற்றியில் பூசிக் கொண்டார். இதை அவரது எதிரில் அமர்ந்து கவனித்துக் கொண்டிருந்த இளைஞன், கிண்டலாக, ""பெரியவரே, ஏன் நெற்றிக்கு வெள்ளை அடிக்கிறீர்?'' எனக் கேட்டான்.

அதற்கு வாரியார், ""தம்பி! குடியிருக்கும் வீட்டிற்குத் தான் வெள்ளையடிப்பார்கள். என் நெற்றிக்குள் இறையன்பு குடியிருக்கிறது. நல்லுணர்வுகள் குடியிருக்கின்றன. ஆகவே தான், வெள்ளையடித்தேன். காலி வீட்டிற்கு யாரும் அடிக்க மாட்டார்கள். ஆகவே, நீ ஒருநாளும் உன் நெற்றிக்கு வெள்ளை அடிக்காதே,'' என்று கூறி, அந்த இளைஞனை வாரி விட்டார் வாரியார்.