அமரர் நாமக்கல் வெ ராமலிங்கம் பிள்ளை அவர்களின் கவிதைகள்

nandhtiha · nandhtiha Sun Oct 18, 2009 6:16 pm

வணக்கம்,
என்னைக் கவர்ந்த கவிதைகள், இன்றைய சூழ்நிலைக்குத் தக அன்றே பாடிச் சென்ற அமரர் திரு நாமக்கல் வெ ராமலிங்கம் பிள்ளை அவர்களின் கவிதைத் தொகுப்பிலிருந்து

சுதந்திர சூரியன்

சுதந்தரச் சூரியன் உதிக்கிற நேரம்
தூங்காதே தமிழா! (சுதந்)

அநுபல்லவி

விதம்வித மாகிய புதுமணம் விரிந்திடும்
விண்ணொளி தனிற்பல வண்ணங்கள் தெரிந்திடும் (சுதந்)

சரணங்கள்
அடிமை கொடுத்தஇருள் அகன்றிடப் போகுது
ஆசைப்ப டிநடக்க வெளிச்சமும் ஆகுது

கொடுமை விலங்கினங்கள் குகைகளுக் கோடிடும்
கொஞ்சும் பறவைக்குலம் வானத்தில் பாடிடும் (சுதந்)

ஒடுக்கும் தரித்திரத்தால் உடலும் குறுகிநின்று
உள்ளவர் முன்னிருந்தே உளறும் எளியரைப்போல்

நடுக்கும் குளிர்ப்பயமும் நம்மைவிட்டகன்றிடும்
நாட்டினில் இச்சைப்படி நம்குடித் தனம்செய்வோம். (சுதந்)

உரிமை சிறிதுமின்றி ஊரைப்ப றித்துஉண்டே
உழைப்பின்றிச் சுகித்திடும் ஊனரைப் போல்இருட்டில்

திரியும் திருடர்பயம் தீர்ந்திடும் நேரம்இனித்
தீனரும் அச்சம்விட்டே ஆன சுகங்கள்பெறும். (சுதந்)

(நாமக்கல் வெ இராமலிங்கம் பிள்ளை கவிதைத் தொகுப்பிலிருந்து(
அன்புடன்
நந்திதா

மீனு · மீனு Sun Oct 18, 2009 6:41 pm

உரிமை சிறிதுமின்றி ஊரைப்ப றித்துஉண்டே
உழைப்பின்றிச் சுகித்திடும் ஊனரைப் போல்இருட்டில்

அருமையான கவிதை அக்கா...நன்றிகள்..

**கா.ந.கல்யாணசுந்தரம்** · 28/02/2009

கொடுமை விலங்கினங்கள் குகைகளுக் கோடிடும்
கொஞ்சும் பறவைக்குலம் வானத்தில் பாடிடும் (சுதந்)

மிக நல்ல வரிகள். இதுபோன்ற கவிதைகளை அடிக்கடி வெளியிடுங்கள். நன்றி நந்திதா!

கா.ந.கல்யாணசுந்தரம்,