4 வயது சிறுமியை பாலியல் பலாத்காரம் செய்து கொன்ற காமக்கொடூரன் கைது

புதுவை அருகே உள்ள மதகடிப்பட்டு பாளையத்தில் நான்கு வயது சிறுமியை பாலியல் பலாத்காரம் செய்து கொலை செய்தவரை போலீசார் கைது செய்துள்ளனர்.

புதுவை அருகே உள்ள மதகடிப்பட்டு பாளையத்தில் ஒரிசா மாநிலத்தை சேர்ந்த பிஸ்வா முசரத் என்பவர் தனது குடும்பத்தினருடன் வசித்து வருவதுடன், அங்குள்ள தனியார் தொழிற்சாலையில் செக்யூரிட்டியாக பணியாற்றுகிறார். கடந்த 13ம் தேதி பிற்பகல் அப்பகுதியில் விளையாடிக் கொண்டிருந்த பிஸ்வா முசரத்தின் நான்கு வயது மகள் தங்காவை மாலை வரை காணவில்லை.

இதுபோன்ற சூழ்நிலையில், அன்று மாலை அங்குள்ள தண்ணீர் தொட்டியில் சாக்கு மூட்டையை கண்ட அப்பகுதி மக்கள் அதனை பிரித்து பார்த்த போது, அதில் தங்காவின் உடல் இருப்பது தெரியவந்தது. இதனை கண்ட பெற்றோர் கதறி துடித்தனர். இதுகுறித்து தகவலறிந்து சம்பவ இடத்திற்கு வந்த திருபுவனை போலீசார், தங்காவின் உடலை கைப்பற்றி மருத்துவ பரிசோதனைக்காக அரசு பொது மருத்துவமனைக்கு அனுப்பி வைத்தனர்.

இதனிடையே நான்கு வயது சிறுமி தங்கா கொலை செய்யப்பட்ட சம்பவம் தொடர்பாக திருபுவனை போலீசார் தீவிர விசாரணை மேற்கொண்டனர். இந்நிலையில் சிறுமி தங்காவை கொலை செய்ததாக அதேப்பகுதியைச் சேர்ந்த செந்தில்குமார் என்பரை போலீசார் கைது செய்துள்ளனர்.

போலீசில் அவர் கொடுத்துள்ள வாக்குமூலத்தில், சிறுமியை பாலியல் பலாத்காரம் செய்தபோது அலறுவதை தடுக்கும் வகையில் வாயை மூடியதில் இறந்து போனதாக தெரிவித்துள்ளார். கைது செய்யப்பட்ட செந்தில்குமாருக்கு மனைவியும், இரண்டு குழந்தைகளும் உள்ளனர் என்பது வேதனைக்குரியது

இதெல்லாம் ஒரு பொழப்பா