இளமையான மக்கள்

**Muthumohamed** · **Muthumohamed** Tue Jan 01, 2013 11:08 pm

பாகிஸ்தானின் வட முனையில், இந்தியாவும், சீனாவும் சந்திக்கும் எல்லையோர பகுதில், இமய மலையில் வாழும் "ஹூன்சா/ Hunza" என்ற பழங்குடியின மக்கள், மிக நீண்ட காலம் இளமையாக வாழ்கின்றனர். பாகிஸ்தானின் பிற இனங்களுடன் தொடர்பற்ற, தனித்துவமான மொழி ஒன்றைப் பேசுகின்றனர். புருஷேஸ்கி என்ற அந்த மொழி, உலகில் வேறெங்கும் பேசப்படுவதில்லை. அந்த மலைவாழ் மக்களில் பெரும்பான்மையானோர், 120 அல்லது 140 வயது வரை வாழ்கின்றனர். 140 வயது "இளைஞர்கள்" சர்வ சாதாரணமாக வயல்களில் வேலை செய்வதையும், கரப்பந்தாட்டம் விளையாடுவதையும் காணலாம். எண்பது வயது "குமரிகள்", வளர்ச்சி அடைந்த மேற்கத்திய நாடொன்றில் வாழும் நாற்பது வயது பெண்களைப் போல தோற்றமளிக்கின்றனர். அவர்களது இளமையின் இரகசியம் என்ன? பெரிதாக ஒன்றுமில்லை. தினசரி இரண்டு வேளை மட்டுமே சாப்பிடுகிறார்கள். வருடத்தில் ஒரு தடவையாவது உண்ணாநோன்பு இருப்பார்கள்.

பால், தயிர், அதிளவு காய்கறி, பழம் ஆகிய சத்தான உணவை சாப்பிடுதல். வாரத்திற்கு ஒரு தடவை மட்டுமே இறைச்சி உண்பார்கள். உணவுப் பொருட்களை தாமாகவே உற்பத்தி செய்கிறார்கள். குறிப்பாக, இரசாயன பூச்சி கொல்லி மருந்துகளை பயன்படுத்துவதில்லை. நமது நகர வாழ்க்கையில் பழக்கமான, பதப்படுத்தப் பட்ட உணவு வகை, துரித உணவு எதுவும் அந்த மக்களுக்கு தெரியாது. நகரங்களின் ஆடம்பரம் எதுவும் அந்த மக்களை நெருங்கவில்லை.

மோட்டார் வாகனங்களை யாரும் பாவிப்பதில்லை. தினசரி தவறாமல் குறைந்தது 10 கி.மி. தூரம் நடக்கிறார்கள். இது எல்லாவற்றியும் விட முக்கியமான இரகசியம் ஒன்றுள்ளது. ஒருநாளும் வயதாகிறதே என்று கவலைப் படக் கூடாது. எத்தனை வயதாக இருந்தாலும், ஏதாவது ஒரு துறையில் மனதை ஈடுபடுத்தி, எந்த நேரமும், ஏதாவது ஒன்றை செய்து கொண்டே இருக்க வேண்டும்.

தமிழ் கருத்து களம்