பள்ளிக்கூடம் போகலாமா !!

ருக்மணி · ருக்மணி Sun Dec 09, 2012 4:13 pm

அன்னை தந்தைக்கு
அரவணைக்க ஆசை இருந்தும்
அலுவல் அழைக்க
அனுப்பி விட்டேன் அவர்களை!!
அன்புடன் உன்னை
அள்ளி அணைப்பேன் தம்பி...

அழகாய் தவழும் அழகும்
அன்பு மழழை பேசும் அழகும்
அனுபவிக்க நேரம் இல்லாமல்
அழுத நம் அன்னையை
ஆறுதல் படுத்தி
அனுப்பி வைத்தேன் நான்..

அண்ணனும் உன்னை விட்டு
அடுத்த ஆண்டில் பள்ளி சென்று
அ, ஆ கற்க போகிறேன்..
அலம்பல் ஏதும் செய்யாமல்
அஞ்சு மணி வரை
அழகு பையன் போல் இருப்பாயா!!!

பக்குவமாய் வளர்ந்து
பட்ட படிப்பு படித்து
பஞ்சத்தையும் போக்கி
பாசத்தோடு சேர்ந்து
பாதுகாப்போமே பெற்றோரை!!
பாரில் வலம் வருவோமே!!