கடலில் விழுந்த கமரோஸ் விமானம் : பயணிகள் தப்பினர்

அச்சலா · அச்சலா Thu 29 Nov 2012 - 21:42

இந்திய பெருங்கடலில், கமரோஸ் நாட்டின் விமானம் விழுந்து, விபத்துக்குள்ளானதில், பயணிகள் அனைவரும் அதிர்ஷ்டவசமாக உயிர் தப்பினர். இந்திய பெருங்கடலில் உள்ள கமரோஸ் தீவில், நேற்று முன்தினம், மொரானி நகர விமான நிலையத்திலிருந்து, 29 பேருடன் பயணிகள் விமானம், பக்கத்து தீவான அஞ்ஜோவான் தீவுக்கு புறப்பட்டது. புறப்பட்ட சிறிது நேரத்தில், விமானத்திலிருந்து எரிபொருள் அதிகமாக கசிந்தது. இதையடுத்து, விமானத்தை மீண்டும் விமான நிலையத்துக்கு செலுத்தினார் பைலட். ஆனால், விமானம் கட்டுப்பாட்டை இழந்து கடலில் விழுந்தது. இந்த விபத்தில், பைலட் தலையில் பலத்த காயம் ஏற்பட்டது. ஆனால், 25 பயணிகளும், விமான ஊழியர்கள் மூன்று பேரும், அங்குள்ள மீனவர்களால் காப்பாற்றப்பட்டு விட்டனர்.

நன்றி:தினமலர்