பிரசவ காட்சியில் நடித்த ஸ்வேதா மேனன் படத்துக்கு எதிர்ப்பு வலுக்கிறது

http://mmimages.maalaimalar.com/Articles/2012/Nov/64e02b05-ea8d-47e4-8a48-885957cb2d81_S_secvpf.gif

ஸ்வேதா மேனன் பிரசவ காட்சியில் நடித்த களிமண்ணு படத்துக்கு கேரளாவில் எதிர்ப்பு வலுக்கிறது. தியேட்டர்களில் இப்படத்தை திரையிடமாட்டோம் என்று திரையரங்கு உரிமையாளர்கள் அறிவித்து உள்ளனர்.

ஸ்வேதா மேனன் தமிழில் சினேகிதியே, சாதுமிரண்டா, நான் அவனில்லை-2 படங்களில் நடித்துள்ளார். இவருக்கும் ஸ்ரீவில்சன் மேனன் என்பவருக்கும் கடந்த ஆண்டு திருமணம் நடந்தது. கடந்த செப்டம்பரில் இவர்களுக்கு குழந்தை பிறந்தது. ஸ்வேதா மேனனின் பிரசவத்தை களிமண்ணு படத்தில் நேரடியாக படமாக்க அப்படத்தின் இயக்குனர் பிளஸ்ஸி விரும்பினார். அதற்கு ஸ்வேதாவும் சம்மதம் தெரிவித்தார்.

மும்பை ஆஸ்பத்திரியில் ஸ்வேதா மேனனுக்கு பிரசவம் நடந்தபோது பிளஸ்ஸி உள்பட மூன்று பேர் அருகில் இருந்து அக்காட்சியை படமாக்கினர். அப்போது ஸ்வேதா மேனன் கணவர் ஸ்ரீவில்சன் மேனனும் உடன் இருந்தார். இந்த படத்தை ரிலீஸ் செய்ய ஏற்பாடு நடக்கின்றன.

இந்த நிலையில் படத்துக்கு திடீர் எதிர்ப்பு கிளம்பி உள்ளது. பிரசவ காட்சியை இணைத்தால் படத்தை புறக்கணிப்போம் என்று தியேட்டர் அதிபர்கள் சங்கம் அறிவித்து உள்ளது.

கேரள சபாநாயகர் கார்த்திகேயனும் எதிர்ப்பு தெரிவித்து உள்ளார். ஸ்வேதா மேனன் தனது பிரசவத்தை கேமராவில் பதிவு செய்ய அனுமதித்தது கண்டிக்கத்தக்கது. வியாபாரத்துக்காக இப்படி நடந்துள்னர். பண்பாட்டுக்கு விரோதமாக இந்த செயலை அனுமதிக்க கூடாது என்று கூறியுள்ளார்.

இதற்கிடையில் பாரதீய ஜனதா மகளிர் அணியும் படத்துக்கு எதிராக போராட்டத்தில் குதித்துள்ளது. இதுகுறித்து அந்த அணியின் தலைவி ஷோபா சுரேந்திரன் வெளியிட்டுள்ள அறிக்கையில் ஸ்வேதா மேனன் படத்தில் பணத்துக்காக தாய்மையை இழிவுபடுத்தி உள்ளனர்.

இது ஒரு அவமானச் செயல் ஆகும். இந்த படத்தை தடை செய்யும்படி அரசிடம் வற்புறுத்தி உள்ளோம் என்று குறிப்பிட்டு உள்ளார்.

மாலைமலர்