தேவர் உருவப்படத்துக்கு ஜெயலலிதா மலர்தூவி மரியாதை, பல்வேறு அரசியல் கட்சித் தலைவர்கள் மாலை அணிவித்தனர்

பசும்பொன் முத்துராமலிங்கத்தேவரின் 105-வது பிறந்தநாள் விழாவையொட்டி, சென்னை நந்தனம் சந்திப்பில் உள்ள அவருடைய சிலை அருகே வைக்கப்பட்டு இருந்த உருவப்படத்துக்கு முதல்-அமைச்சர் ஜெயலலிதா மலர் தூவி மரியாதை செலுத்தினார்.

அவரைத் தொடர்ந்து அமைச்சர்கள் மற்றும் பல்வேறு அரசியல் கட்சித் தலைவர்கள் மாலை அணிவித்து மரியாதை செய்தனர்.

105-வது பிறந்தநாள் விழா

முத்துராமலிங்கத் தேவரின் 105-வது பிறந்தநாள் விழா தமிழகம் முழுவதும் நேற்று கொண்டாடப்பட்டது. தமிழக அரசின் சார்பில் முத்துராமலிங்கத் தேவரின் பிறந்தநாள் விழா சென்னையில் நேற்று காலை கொண்டாடப்பட்டது.

இதையொட்டி, நந்தனம் சந்திப்பில் உள்ள முத்துராமலிங்கத் தேவரின் உருவச் சிலைக்கு மலர்களால் அலங்காரம் செய்யப்பட்டு இருந்தது. காலை பலத்த மழை பெய்து கொண்டிருந்தாலும் சிலைக்கு மாலை அணிவிக்க ஏராளமானோர் கூடியிருந்தனர். ஏராளமானவர்கள் தீச்சட்டி, பால்குடம், முளைப்பாரி ஆகியவற்றை ஏந்தியபடி ஊர்வலமாக வந்து மாலை அணிவித்தனர்.

ஜெயலலிதா மலர் தூவி மரியாதை

காலை சுமார் 10.45 மணி அளவில் முதல்-அமைச்சர் ஜெயலலிதா நந்தனம் சந்திப்புக்கு வந்தார். அப்போது அங்கு கூடியிருந்த அ.தி.மு.க.வினர் உற்சாக கரகோஷம் எழுப்பி அவரை வரவேற்றனர். பின்னர் முத்துராமலிங்கத் தேவரின் உருவச் சிலைக்கு அருகே வைக்கப்பட்டு இருந்த அவரது திருவுருவப் படத்துக்கு முதல்-அமைச்சர் ஜெயலலிதா மலர் தூவி மரியாதை செலுத்தினார்.

அவரைத் தொடர்ந்து, அமைச்சர்கள் கே.வி.ராமலிங்கம், பழனியப்பன், தங்கமணி, வளர்மதி, கே.டி.பச்சைமால், விஜய், செந்தில் பாலாஜி, ஆனந்தன், மாதவரம் மூர்த்தி, மோகன், எடப்பாடி பழனிச்சாமி, சம்பத், ஜெயபால், பச்சைமால், முக்கூர் சுப்பிரமணியன், துணை சபாநாயகர் பொள்ளாச்சி ஜெயராமன், அ.தி.மு.க அவைத்தலைவர் மதுசூதனன், அனைத்துலக எம்.ஜி.ஆர். மன்ற செயலாளர் தமிழ்மகன் உசேன், மேயர் சைதை துரைசாமி, துணை மேயர் பெஞ்சமின், எம்.பி.க்கள் தம்பித்துரை, இளவரசன், பாலகங்கா, எம்.எல்.ஏ.க்கள் செங்கோட்டையன், ஜெயக்குமார், சிறுபான்மை பிரிவு இணைச் செயலாளர் இஸ்மாயில், நடிகர் ராமராஜன், இயக்குனர் நாஞ்சில் அன்பழகன், ஜெயலலிதா பேரவை இணைச் செயலாளர் இளஞ்செழியன் மற்றும் அ.தி.மு.க. நிர்வாகிகள் மாலை அணிவித்து மரியாதை செலுத்தினார்கள்.

தி.மு.க. - காங்கிரஸ்

இதுபோல் தி.மு.க. சார்பில் எம்.பி.க்கள் டி.ஆர்.பாலு, டி.கே.எஸ்.இளங்கோவன், தென் சென்னை மாவட்டத் தலைவர் ஜெ.அன்பழகன் எம்.எல்.ஏ. ஆகியோர் மாலை அணிவித்தனர்.

காங்கிரஸ் சார்பில் தமிழ்நாடு காங்கிரஸ் கட்சித் தலைவர் ஞானதேசிகன் எம்.பி., முன்னாள் தலைவர் கே.வி.தங்கபாலு, மூத்த தலைவர் குமரி அனந்தன், ஆருண் எம்.பி., முன்னாள் மத்திய மந்திரி திருநாவுகரசர், தமிழிசை சவுந்தர்ராஜன், முன்னாள் துணை மேயர் கராத்தே தியாகராஜன், தியாகராயநகர் தொகுதி தலைவர் சரவணன், ஜி.தமிழ்ச்செல்வன், ஹரிகிருஷ்ணரெட்டி ஆகியோரும் தேவரின் சிலைக்கு மாலை அணிவித்து மரியாதை செலுத்தினார்கள்.

பா.ம.க. - சமத்துவ மக்கள் கட்சி

பா.ம.க. சார்பில் முன்னாள் மத்திய மந்திரி ஏ.கே.மூர்த்தி, சென்னை மாவட்டத் தலைவர் ஜெயராமன் ஆகியோரும், அகில இந்திய சமத்துவ மக்கள் கட்சித் தலைவர் சரத்குமார் எம்.எல்.ஏ., எர்ணாவூர் நாராயணன் எம்.எல்.ஏ., லட்சியத் தி.மு.க. நிறுவனத் தலைவர் டி.ராஜேந்தர் ஆகியோர் மாலை அணிவித்து மரியாதை செய்தனர்.

இதுபோல், தமிழ் மாநில முஸ்லிம் லீக் தலைவர் அமீருல் மில்லத் ஜனாப் எஸ்.ஷேக்தாவூத் எம்.எல்.ஏ., தலைமை நிலையச் செயலாளர் அஸ்மத்துல்லா, கொள்கை பரப்புச் செயலாளர் மவுலவி அசாத் யுசுபி, தமிழக தலித் கட்சி இயக்குனர் டி.டி.கே.தலித்குடிமகன், தமிழ்நாடு அண்ணா கட்டிட கட்டுமான (ம) அமைப்புச்சாரா தொழிலாளர்கள் சங்க மாநில பொதுச் செயலாளர் ராஜேந்திரன், தலைவர் அண்ணாமலை ஆகியோர் மாலை அணிவித்து மரியாதை செலுத்தினார்கள்.

தே.மு.தி.க. அலுவலகத்தில்...

தேசிய முற்போக்கு திராவிட கழகத்தின் சார்பில் பசும்பொன் முத்துராமலிங்க தேவர் 105-வது பிறந்தநாளை முன்னிட்டு தே.மு.தி.க. தலைமை அலுவலகத்தில் உள்ள அவரது உருவப் படத்திற்கு கட்சியின் தலைவரும், தமிழக சட்டமன்றப் பேரவையின் எதிர்க்கட்சித் தலைவருமான விஜயகாந்த் நேற்று மலர் தூவி மரியாதை செலுத்தினார்.

இந்நிகழ்ச்சியில் எம்.எல்.ஏ.க்கள் பார்த்தசாரதி, வி.சி. சந்திரகுமார், டி.சுரேஷ்குமார், க.பாண்டியராஜன், நல்லதம்பி, எல்.வெங்கடேசன், ஆர்.மோகன்ராஜ், பி.சம்பத்குமார், பி.கே.தினகரன், ஏ.கே.டி.ராஜா, எஸ்.செந்தில்குமார், ஆர்.அருட்செல்வன்,

இதில், முதல்-அமைச்சர் ஜெயலலிதாவை சந்தித்த தே.மு.தி.க. எம்.எல்.ஏ.க்கள் சுந்தரராஜன், தமிழழகன், அருண்பாண்டியன், மைக்கேல் ராயப்பன் ஆகியோர் கலந்துகொள்ளவில்லை என்பது குறிப்பிடத்தக்கதாகும்.

தினத்தந்தி