குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

**சிவா** · **சிவா** Mon Oct 08, 2012 1:52 pm

குஜராத் மாநில முதல்-மந்திரியாக இருந்த கேசுபாய் பட்டேலுக்கு (பா.ஜனதா) பின் 2001-ம் ஆண்டு அக்டோபர் 7-ந் தேதி நரேந்திரமோடி முதல்-மந்திரி பொறுப்பை ஏற்றுக் கொண்டார். கடந்த மாதம் 63-வது பிறந்த நாளை கொண்டாடிய நரேந்திர மோடி முதல்-மந்திரியாக 11 ஆண்டுகளை கடந்துள்ளார். கோத்ரா சம்பவத்துக்கு பின்னரும் 2002-ம் ஆண்டு நடந்த சட்டசபை தேர்தலில் பாரதீய ஜனதா கட்சிக்கு வரலாற்று வெற்றியை பெற்றுத் தந்தார்.

கடந்த செப்டம்பர் மாதம் 18-ந் தேதி மோடி முதல்-மந்திரியாக 4 ஆயிரம் நாட்களை கடந்து நீண்டநாள் முதல்-மந்திரிகள் பட்டியலில் இணைந்தார். மேற்குவங்காள முதல்-மந்திரியாக ஜோதிபாசு 8,540 நாட்கள் பதவியில் இருந்தது இதுவரை தகர்க்க முடியாத சாதனையாக உள்ளது. மோகன்லால் சுகாதியா (ராஜஸ்தான், 6,083 நாட்கள்), ஷீலா தீட்சித் (டெல்லி, 5,039 நாட்கள்) ஆகியோர் அடுத்த இடங்களை பெற்றுள்ளனர்.

**சிவா** · **சிவா** Mon Oct 08, 2012 1:53 pm

மோடி "ஹாட்ரிக்' சாதனை: பால் தாக்கரே ஆருடம்

மும்பை : "குஜராத் மாநிலத்தில், நடைபெற உள்ள சட்டசபைத் தேர்தலில், நரேந்திர மோடி மூன்றாவது முறையாக முதல்வராகி, "ஹாட்ரிக்' சாதனை படைப்பார்' என, சிவசேனா தலைவர், பால்தாக்கரே கூறியுள்ளார். சிவசேனா கட்சியின் பத்திரிகையான, "சாம்னா'வில், அவர் எழுதியுள்ள தலையங்கம்:

குஜராத் மாநிலத்தில், 2002ல், பா.ஜ., தலைமையிலான ஆட்சியில், நரேந்திர மோடி முதல்வராக இருந்தபோது, கலவரங்கள் நிகழ்ந்தன. இந்த கலவரங்களுக்குப் பின், அவரை, "மரண வியாபாரி' என, காங்கிரஸ் கட்சியினர் விமர்சித்தனர். ஆனால், அதன்பின், நடந்த சட்டசபை தேர்தலில், காங்கிரஸ் கட்சி, 55 இடங்களில் வெற்றி பெற்றது; மோடி தலைமையிலான பா.ஜ.,வோ, 121 இடங்களைப் பிடித்தது. முதல்வர் மோடி தலைமையில், குஜராத் மாநிலம், 10 ஆண்டுகளில், பெரும் வளர்ச்சி அடைந்துள்ளது. அதனால், அம்மாநிலத்தில், வரும் டிசம்பர் மாதம் நடைபெற உள்ள சட்டசபைத் தேர்தலில், பா.ஜ., கட்சி, மீண்டும் ஆட்சியைப் பிடிக்கும். நரேந்திர மோடி, மூன்றாவது முறையாக, முதல்வராகி, "ஹாட்ரிக் சாதனை' படைப்பார்; மோடியின் வெற்றியை, யாராலும் தடுத்து நிறுத்த முடியாது. முதல்வர் மோடியை மிகவும் கொடியவர் போலவும், அனைத்து முஸ்லிம்களுக்கும், அவர் எதிரானவர் போலவும், சில தொலைக்காட்சிகள் சித்தரிக்கின்றன; அது தவறானது.

குஜராத் சட்டசபைத் தேர்தலுக்கான தேதி அறிவிக்கப்பட்ட நாளில், காங்கிரஸ் தலைவர் சோனியா, அம்மாநிலத்தில் பிரசாரம் செய்தார். அவர், தன்னுடைய பேச்சில், ஒரு முறை கூட, மோடியைப் பற்றி குறிப்பிடவில்லை. இது, தேர்தலுக்கு முன்னரே, தன் தோல்வியை காங்கிரஸ் ஒப்புக் கொண்டதற்கான அறிகுறி.

இவ்வாறு, தலையங்கத்தில், பால் தாக்கரே கூறியுள்ளார்.

அசுரன் · அசுரன் Mon Oct 08, 2012 1:56 pm

மோடியால் குஜராத் நல்ல முன்னேற்றம் அடைந்துள்ளது... அங்கு மின் தட்டுப்பாடு இல்லை... உபரி மின்சாரம் உள்ளது.

இந்த பதிவைத் துவங்கியவர் நன்றி கூறியுள்ளார் அசுரன்

Sponsored content · Sponsored content

குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

Re: குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

Re: குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

Re: குஜராத் முதல்-மந்திரியாக நரேந்திரமோடி 11 ஆண்டுகளை பூர்த்தி செய்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக