மீனவர்கள் வலையில் அதிசய நண்டு

தூத்துக்குடி திரேஸ் புரதை சேர்ந்த கில்டஸ் என்பவர் தனது படகில் நான்கு மீனவர்களுடன் நேற்று காலை கடலுக்கு மீன்பிடிக்க சென்றார். கடலில் மீன்களுக்காக விரித்த வலையில் வழக்கத் துக்கு மாறாக ஆரஞ்சு நிறத்தில் சுமார் 12அங்குல நீளமும் 10 அங்குல அகலமும் கொண்ட நீண்ட கூரிய நகங்களுடன் காணப்பட்ட அரிய வகை நண்டு ஒன்று சிக்கியது.

வழக்கமாக பிடி படும் நண்டுகளுக்கும் இதற் கும் வித்தியாசங்கள் காணப் பட்டதால் இது குறித்து தூத்துக்குடியில் உள்ள மத்திய கடல் மீன் ஆராய்ச்சி நிலைய ஆராய்ச்சியாளர் களுக்கு தக வல் தெரிவித்தார். தொடர்ந்து இந்த அரியவகை நண்டு மத்திய கடல் ஆராய்ச்சியாளர்களிடம் ஒப்படைக்கப்பட்டது.

இதுகுறித்து தூத்துக்குடி மத்திய கடல் ஆராய்ச்சி நிலைய முதன்மை விஞ்ஞானி கிரிபா கூறுகை யில்,“ஸ்பானர் நண்டு என்று அழைக்கப்படும் இந்த வகை நண்டு ஆஸ்திரேலிய கடல் பகுதியில் அதிகம் காணப் படும். ரேனினோடியா வகையை சார்ந்த இந்த நண்டின் அறிவியல் பெயர் ராணினா ராணினா ஆகும்.

இந்த நண்டின் முன்கால்கள் கூரிய நகங்களுடன் ஸ்பானர் போன்று காணப்படுவதால் இந்த நண்டை ஸ்பானர் நண்டு என்றும் வடிவத்தில் தவளை போன்று காணப் படுவதால் தவளை நண்டு என்றும் அழைக்கப் படு கிறது. இந்த வகை நண்டு மன்னார் வளைகுடாவில் தூத்துக்குடி கடல் பகுதியில் பிடிபட்டுள்ளது இதுவே முதல் முறை. இந்த நண்டின் இறைச்சிக்கு அதிக அளவு சந்தை மதிப்பு இருந்தாலும் நம் கடல் பகுதியில் இந்த நண்டு கிடைப்பது அரிது.

மேலும் கடலின் அடியில் மணலுக்குள் புதைந்து கொள்ளும் தன்மை கொண்ட இந்த நண்டானது தனக்கு உணவு தேவைப்படும் போது மட்டும் வெளியே வந்து சிறிய வகை மீன்களை பிடித்து உண்டுவிட்டு மீண்டும் மணலுக்குள் புதைந்து கொள்ளும் தன்மை கொண்டது“ என்றார். இந்த ஸ்பானர் நண்டு தற்போது தூத்துக்குடியில் உள்ள மத்திய கடல் மீன் ஆராய்ச்சி நிலையத்தில் ஆய்வுக்காக வைக்கப்பட்டுள்ளது.

நண்டு ரொம்ப அழகா இருக்கு ..பத்து பேருக்கு போதும் சாப்பிட..

மீனு wrote:நண்டு ரொம்ப அழகா இருக்கு ..பத்து பேருக்கு போதும் சாப்பிட..

ஒரு நண்டுக்கு பத்து பேரா ....

அவ்வளவுதான் .....

என்ன தேசா..இது பெரிய நண்டு..அதுதான் பத்து பேருக்கு போதுமென்று சொன்னேன்

மீனு கொஞ்சமாகத்தான் சாப்பிடும். நமக்குதான் பத்து நண்டு வேண்டும் ஒரு நேரத்திற்கு!

மீனு wrote:என்ன தேசா..இது பெரிய நண்டு..அதுதான் பத்து பேருக்கு போதுமென்று சொன்னேன்

எனக்கு ஒருத்தனுக்கே கானாது மீனு........

சிவா wrote:மீனு கொஞ்சமாகத்தான் சாப்பிடும். நமக்குதான் பத்து நண்டு வேண்டும் ஒரு நேரத்திற்கு!

அப்போ நண்டு என்றால் என்னா.. நிறைய காலுடன் நடக்குமே கடற்கரையில் ..அதுதானே நண்டு..அந்த ஒரு நண்டு இரண்டு பேருக்கு போதும்..இது பெரிய நண்டு..அப்போ மீனு வேறு என்னமோ தப்பா புரிந்து பேசுறேனோ..

மீனு wrote:அப்போ நண்டு என்றால் என்னா.. நிறைய காலுடன் நடக்குமே கடற்கரையில் ..அதுதானே நண்டு..அந்த ஒரு நண்டு இரண்டு பேருக்கு போதும்..இது பெரிய நண்டு..அப்போ மீனு வேறு என்னமோ தப்பா புரிந்து பேசுறேனோ..

புரிந்தது சரிதான் மீனு, ஆனால் நாங்கள் சாப்பிட உட்கார்ந்தால்தான் தெரியும்.. மீனு சமையலையே மறந்து விடுவார்!