ஹாய், மை நேம் இஸ் கூகுள்!

டெல்லி: விக்கி, நிக்கி, ஜக்கி... இதெல்லாம் ஓல்டு ஸ்டைல் பெயர்கள். இது கூகுள் காலம். எனவே பெயர்களும் கூட மாறிப் போய் வருகின்றன. அந்த வகையில் டெல்லியைச் சேர்ந்த ஒரு தம்பதி தங்களது குழந்தைக்கு கூகுள் என பெயரிட்டுள்ளனர்.

ஆனால் கூகுள் என பெயர் வைப்பது இதுவரை வெளிநாடுளில்தான் பேமஸாக இருந்தது. ஆனால் முதல் முறையாக இந்தியாவிலும் இது போல பெயரிட ஆரம்பித்துள்ளனர். 2005ம் ஆண்டு உலகிலேயே முதல் முறையாக ஸ்வீடனைச் சேர்ந்த ஒரு தம்பதி தங்களது ஆண் குழந்தைக்கு ஆலிவர் கூகுள் கை என்று பெயரிட்டனர்.

தற்போது இந்த டிரெண்ட் இந்தியாவுக்கும் பரவியுள்ளது. டெல்லியைச் சேர்ந்த வக்கீல் முனீஷ் சந்தர் ஜோஷி. தனது புதிய ஆண் குழந்தைக்கு கூகுள் என்று பெயரிட்டுள்ளார்.
அதேபோல லூதியானாவைச் சேர்ந்த உமா தவன் என்பவரும் தனது மகனுக்கு கூகுள் என பெயரிட்டுள்ளார். இதுகுறித்து உமா கூறுகையில், எனது மகனுக்கு நான் காரணத்தோடுதான் இந்தப் பெயரை வைத்துள்ளேன். எங்கள் வீட்டில் ஏதாவது காணாமல் போனால் உடனே அதைத் தேடிக் கண்டுபிடித்துத் தருவது எனது மகன்தான். எனவேதான் தற்போது 3 வயதாகும் அவனது பெயரை கூகுள் என மாற்றியுள்ளேன் என்கிறார்.
தனது மனுக்கு கூகுள் என பெயர் வைத்தது குறித்து முனீஷ் கூறுகையில், எனது மகனுக்கு நல்ல கூர்மையான கண்கள். மேலும் தன்னைச் சுற்றி என்ன இருக்கிறது என்பதை ஆய்ந்து கொண்டே இருக்கிறான். ஒரு விதமான தேடுதல் அவனது பார்வையில் தெரியும். இதனால்தான் சர்ச் என்ஜினானன கூகுளின் பெயரை அவனுக்குச் சூட்டியுள்ளேன் என்றார்.

அதேபோல பிசினஸ்மேன் முகம்மது உமர் என்பவரும் கூட தனது மகனுக்கு கூகுள் என்றே பெயர் சூட்டியுள்ளார்.

இதுபோல பெயர் சூட்டுவது என்பது தங்களது பிள்ளைகள் மற்றவர்களிடமிருந்து தனித்துவத்துடன் திகழ வேண்டும் என்று பெற்றோர்கள் விரும்புவதால்தான் என்று மனோதத்துவ நிபுணர்கள் கூறுகிறார்கள்.

நன்றி ஒன் இந்தியா

முன்னர் அர்த்தமுள்ள பெயர்களை வைப்பார்கள்.
இப்போது பெயரை வைத்துவிட்டு அர்த்தத்தை தேடுகிறார்கள்.

அப்ப நம்ம சிவா ஈகரைன்னு வைப்பாரா?

அவங்க எல்லொரும் மனிதர்களுக்கு தான் கூகிள் என்று பெயர் வைப்பார்கள் ஆனால் நம்ம இயக்குணர் சுந்தர்.சி கலகலப்பு திரைப்படத்தில் காலம் காலமாக இருந்த முத்து என்ற பெயரை கூகிள் என்று மாற்றி விட்டார்...