யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

**ராஜா** · **ராஜா** Sun Jul 01, 2012 10:40 am

யூரோ சாம்பியன் யார்?

இறுதிப்போட்டியில் ஸ்பெயின்-இத்தாலி இன்று பலப்பரீட்சை

கீவ், ஜுலை.1-

யூரோஎன்ற ஐரோப்பிய கால்பந்து போட்டியில் புதிய சாம்பியன் யார் என்பதை நிர்ணயிக்கும் இறுதிப்போட்டியில் ஸ்பெயின்-இத்தாலி அணிகள் இன்று மல்லுகட்டுகின்றன.

யூரோ கோப்பை

உக்ரைன் மற்றும் போலந்து நாடுகளில் நடந்து வரும் 14-வது ஐரோப்பிய கால்பந்து திருவிழாவில் (ïரோ) இன்று `கிளைமாக்ஸ்' அரங்கேறுகிறது. 16 அணிகள் பங்கேற்ற இந்த போட்டியில் நடப்பு சாம்பியன் ஸ்பெயினும், இத்தாலியும் இறுதிப்போட்டிக்கு முன்னேறின.

இந்த நிலையில் உக்ரைனின் கீவ் நகரில் இன்று (ஞாயிற்றுக்கிழமை) நடக்கும் சாம்பியன் மகுடத்திற்கான இறுதிப்போட்டியில் ஸ்பெயினும், இத்தாலியும் பலப்பரீட்சை நடத்துகின்றன.

யார் கை ஓங்கும்?

இரு அணிகளுமே பலம் வாய்ந்தது தான். என்றாலும் ஸ்பெயினின் கையே சற்று ஓங்கி நிற்கிறது. ஸ்பெயின், இத்தாலி இரு அணிகளும் `பாதுகாப்பு யுக்தி' என்ற தடுப்பாட்டத்திற்கு பெயர் பெற்ற அணிகள் ஆகும்.

இங்கிலாந்துக்கு எதிரான கால்இறுதியில் இத்தாலியும், போர்ச்சுகலுக்கு எதிரான அரைஇறுதியில் ஸ்பெயினும், `நானும் கோல் அடிக்க மாட்டேன்; உன்னையும் அடிக்க விடமாட்டேன்' என்கிற ரீதியில் விளையாடியதால் தூக்கம் மறந்து டி.வி.யி.ல் பார்த்து கொண்டிருந்த ரசிகர்கள் வெறுத்தே போய் விட்டனர். கடைசியில் பெனால்டி ஷூட்-அவுட்டில் முடிவுகள் அறியப்பட்டன.

ஸ்பெயின் எப்படி?

உலக சாம்பியனான ஸ்பெயின் அணி இந்த தொடரில் இதுவரை ஒரே ஒரு கோல் மட்டுமே (லீக் சுற்றில் இத்தாலிக்கு எதிராக) விட்டுக்கொடுத்துள்ளது. 2010-ம் ஆண்டு உலக கோப்பை தொடக்க ஆட்டத்தில் சுவிட்சர்லாந்துக்கு எதிராக தோல்வி கண்ட பிறகு ஸ்பெயின் அணி இதுவரை சர்வதேச போட்டிகளில் (நட்புறவு ஆட்டம் கிடையாது) தோல்வியையே சந்தித்ததில்லை. தொடர்ந்து 19 ஆட்டங்களில் வீழ்த்த முடியாத அணியாக பயணித்துக் கொண்டிருக்கிறது.

கேப்டனும், கோல் கீப்பருமான இகேர் கேசில்லாஸ் தான் ஸ்பெயின் அணியின் தூணாக திகழ்கிறார். ஸ்பெயினின் வெற்றிப்பயணத்தில் அவரது பங்களிப்பு இன்றியமையாது என்பதை மறுக்க முடியாது. கடந்த 419 நிமிடங்களில் அவர் ஒரு கோல் கூட விட்டுக்கொடுக்கவில்லை.

இதே போல், கோல் வாய்ப்புகளை உருவாக்கி தருவதில் வல்லவரான ஷாவி ஹெர்னாண்டஸ் இந்த தொடரில் இதுவரை 800-க்கும் மேற்பட்ட முறை பந்தை `பாஸ்' செய்து அசத்தியுள்ளார். கடந்த ïரோ இறுதிப்போட்டியில் விளையாடிய வீரர்களில் 9 பேர் இப்போதும் ஸ்பெயின் அணியில் இருக்கிறார்கள். இவர்களின் அனுபவம் ஸ்பெயினுக்கு நிச்சயம் சாதகமான அம்சம் என்பதில் சந்தேகமில்லை.

இத்தாலி நிலை

இத்தாலி அணியிலும் கோல் கீப்பர் பப்பன், திறம்பட செயல்பட்டு வருகிறார். அவரால் தான் இங்கிலாந்துக்கு எதிரான கால்இறுதியில் வெற்றி கிடைத்தது. ஜெர்மனிக்கு அதிர்ச்சி அளித்து புதிய ஹீரோவாக உருவெடுத்துள்ள மரியோ பலோடெலி மீதும் எதிர்பார்ப்பு எகிறியுள்ளது. அந்த அணியின் மூத்த வீரர் ஆண்ட்ரீயோ பிர்லோ எதிரணியை மிரட்டக்கூடியவர். 33 வயதான பிர்லோ, எதிராளியிடம் இருந்து பந்தை தட்டிப்பறித்து தங்கள் அணிக்கு கடத்தி கொடுப்பதில் கெட்டிக்காரர். இங்கிலாந்துக்கு எதிரான கால்இறுதியில் மட்டும் அவர் 146 முறை பந்தை `பாஸ்' செய்து வியக்க வைத்தார்.

இத்தாலி பயிற்சியாளர் பிரான்டெலி கூறுகையில், `ஸ்பெயினின் பலவீனம் என்ன என்பதை கண்டறிந்து, அதனை பயன்படுத்திக் கொள்வோம். ஆனால் இது எளிதான விஷயமாக இருக்காது' என்று குறிப்பிட்டார்.

நள்ளிரவு 12.15 மணிக்கு...

இரு வலுவான அணிகள் இறுதிப்போட்டிக்குள் நுழைந்திருப்பதால் அதிகமான கோல்களை எதிர்பார்க்க முடியாது. கடந்த இரு ïரோ இறுதிப்போட்டிகளில் கூட தலா ஒரு கோல்கள் மட்டுமே அடிக்கப்பட்டன.

ஆனால் இவ்விரு அணிகளும் விளையாடும் விதத்தை பார்க்கும் போது இறுதிப்போட்டி பெனால்டி ஷூட்-அவுட் வரை நகர்ந்தாலும் ஆச்சரியப்படுவதற்கு இல்லை. `ïரோ' கால்பந்து வரலாற்றில் இதுவரை எந்த ஒரு இறுதிப்போட்டியும் பெனால்டி ஷூட்-அவுட் முறைக்கு சென்றதில்லை என்பது குறிப்பிடத்தக்கது.

உலகம் முழுவதும் கால்பந்து ரசிகர்கள் ஆவலோடு எதிர்பார்க்கும் இந்த `இறுதி யுத்தம்' இந்திய நேரப்படி நள்ளிரவு 12.15 மணிக்கு தொடங்குகிறது. ஆட்டத்தை நியோ பிரைம் சேனல் நேரடி ஒளிபரப்பு செய்கிறது.

ஹர்ஷித் · ஹர்ஷித் Sun Jul 01, 2012 10:58 am

இருக்கை முனையில் அமர்ந்து ரசிக்க வேண்டிய ஆட்டம்.,இவ்விரு அணிகளின் தடுப்பாட்ட யுக்தியால் போர் அடிக்காமல் இருந்தால் சரி.,

**ராஜா** · **ராஜா** Sun Jul 01, 2012 11:05 am

ஜேன் செல்வகுமார் wrote:இருக்கை முனையில் அமர்ந்து ரசிக்க வேண்டிய ஆட்டம்.,இவ்விரு அணிகளின் தடுப்பாட்ட யுக்தியால் போர் அடிக்காமல் இருந்தால் சரி.,

கண்டிப்பா போர் அடிக்காது ஜேன். இத்தாலியை காட்டிலும் ஸ்பெயின் பலம் வாய்ந்த அணியாக இருக்கிறது , ஆனாலும் இத்தாலி தாக்குதல் ஆட்டத்தில் சிறந்தவர்கள் ஒரு சில நிமிடங்களிலேயே ஆட்டத்தின் போக்கை மாற்ற கூடிய அணி. பார்ப்போம் என்ன நடக்கிறது என்று

ஹர்ஷித் · ஹர்ஷித் Sun Jul 01, 2012 11:14 am

ராஜா wrote:
ஜேன் செல்வகுமார் wrote:இருக்கை முனையில் அமர்ந்து ரசிக்க வேண்டிய ஆட்டம்.,இவ்விரு அணிகளின் தடுப்பாட்ட யுக்தியால் போர் அடிக்காமல் இருந்தால் சரி.,
கண்டிப்பா போர் அடிக்காது ஜேன். இத்தாலியை காட்டிலும் ஸ்பெயின் பலம் வாய்ந்த அணியாக இருக்கிறது , ஆனாலும் இத்தாலி தாக்குதல் ஆட்டத்தில் சிறந்தவர்கள் ஒரு சில நிமிடங்களிலேயே ஆட்டத்தின் போக்கை மாற்ற கூடிய அணி. பார்ப்போம் என்ன நடக்கிறது என்று

Sponsored content · Sponsored content

யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

Re: யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

Re: யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

Re: யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

Re: யூரோ சாம்பியன் யார்? இறுதிப்போட்டியில் ஸ்பெயின்-இத்தாலி இன்று பலப்பரீட்சை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக