விண்ணில் வெற்றிகரமாக சீறிப்பாய்ந்தது ரிசாட்-1

**சிவா** · **சிவா** Thu Apr 26, 2012 3:13 pm

ஸ்ரீஹரி‌கோட்டா: இஸ்ரோவால் தயாரிக்கப்பட்ட மிகப்பெரிய செயற்கைகோளான ரீசாட்-1 ஆந்திர மாநிலம் ஸ்ரீஹரிகோட்டா ராக்கெட் ஏவுதளத்தில் இருந்து இன்று காலை 5.47 மணியளவில் வெற்றிகரமாக ஏவப்பட்டது.

சுமார் 380 கோடி ரூபாய் செலவில் தயாரிக்கப்பட்ட இந்த செயற்கைகோள் வானிலை சம்பந்தமான துறைகளுககும், மற்றும் அனைத்து விதமான துறைகளுக்கும் பயன்படுத்தும் வகையில் உருவாக்கப்பட்டுள்ளது. மேலும் பகல், இரவு,மற்றும் மேகமூட்டம் அதிகமாக உள்ள காலகட்டங்களிலும் புகைப்ப‌டங்களை எடுத்து அனுப்பும் திற‌மை கொண்டது.

சரியான பாதை‌யில் செல்கிறது; திட்டமிட்டபடி வெற்றிகரமாக சீறிப்பாய்ந்த ரிசாட்-1 சரியான பாதையில் சென்று கொண்டிருப்பதாக விஞ்ஞானிகள் தெரிவித்துள்ளனர். 1858 கிலோ எடை ‌கொண்ட இந்த செயற்கை கோளின் திட்ட இயக்குனர் விஞ்ஞானி வளர்மதி , தமிழகத்தைச் சேர்ந்தவர் ஆவார்.

நீண்ட தூர கவுன்ட் டவுன்கள்: முன்னதாக 72 மணி நேர கவுன்ட் டவுன்கடந்த திங்கட்கிழமை முதல் துவங்கி திட்டமிட்டபடி இன்று காலை இஸ்ரோ விஞ்ஞானிகள் ஆவலுடன் காத்திருக்க 5.47 மணியளவில் விண்ணில் சீறிப்பாய்ந்தது. விஞ்ஞானிகள் மகிழ்ச்சியை பரிமாறிக்கொண்டனர்.

பயன்கள்: ரிசாட் இரவு மற்றும் பகல் என எந்த நேரத்திலும் காலநிலை குறித்து துல்லியமாக புகைப்படத்தி‌னைஅனுப்பும் திறன் கொண்டது.

10ஆண்டு கனவு: ரிசாட்-1 வக‌ை செயற்கைகோள் 10 ஆண்டு கால விஞ்ஞானிகளின் உழைப்பில் இந்தயாவிலே‌யே தயாரிக்கப்பட்ட ஏவுகணையாகும். கடந்த 2009-ம்ஆண்டில் செலுத்தப்பட்ட ரிசாட்-2 செயற்கைகோள் ஆந்திர முன்னாள் முதல்வர் ராஜசேகர‌ரெட்டியின் ஹெலிகாப்டர் விபத்தை துல்லியமாக கண்டுபிடித்தது என்பது குறிப்பிடத்தக்கது.தற்போது ஏவப்பட்ட ரிசாட் 1 வகை செயற்கைகோள் தன்னுடைய இலக்கை 596 கி.மீ., தொலைவில் உள்ள புவிவட்ட பாதையை அடைந்துள்ளது.

விஞ்ஞானிகள் பெருமிதம்: தனிச்‌சிறப்பு வாய்ந்த தொழில் நுட்பம் மற்ற நாடுகளின் உதவியில்லாமல் நம்முடைய ‌‌தொழி்ல்நுட்பத்தில் உருவாகியுள்ளது. இதற்கு முன்னதாக இஸ்ரேல் உதவியுடன் விண்ணில் செலுத்தப்பட்டது. தற்போதைய ரிசாட் -1 விண்ணில் ‌செலுத்தப்பட்டதன் மூலம் ‌ஒரே புவி வட்டப்பாதையில் நிலைநிறுத்தப்பட்டது.

அதி நவீன தொழில் நுட்பம்: தற்போது ஏவப்பட்ட ரிசாட்-1 செயற்கைகோளில் எஸ்.ஏ.ஆர் தொழில் நுட்பம் பயன்படுத்தப்பட்டுள்ளது. இதன் மூலம் 1மி.மீ நீள, அகலமுள்ள பொருட்களை துல்லியமாக படம்பிடிப்பதுடன் எதிரி நாடுகளின் ராணுவ நடமாட்டத்தை துல்லியமாக கண்டறிய முடியும்.இருப்பினும் இதுகுறித்து தகவலை இஸ்ரே வெளியிடவில்லை . மேலும் அகமதாபாத்தில் உள்ள இஸ்ரோ ‌தொழில் நுட்ப பிரிவில் உருவாக்கப்பட்டுள்ளது
.
தானிய உற்பத்தியை அதிகரிக்க பயன்படும்: ரிசாட்-1 செயற்கை கோள் தானிய உற்பத்தியை அதிகரிப்பதி்ல பெரும் பங்கு வகிக்க உள்ளதாக விஞ்ஞானிகள் தெரிவித்துள்ளனர். மேலும் கோதுமை பயிரிடும் பரப்பளவு தேவைப்படும் நீரின் அளவு போன்றவற்றையும் துல்லியமான தகவல்களை தர வல்லது.

தினமலர்

இரா.பகவதி · இரா.பகவதி Thu Apr 26, 2012 3:21 pm

**ராஜா** · **ராஜா** Thu Apr 26, 2012 3:25 pm

சிவா wrote:அதி நவீன தொழில் நுட்பம்: தற்போது ஏவப்பட்ட ரிசாட்-1 செயற்கைகோளில் எஸ்.ஏ.ஆர் தொழில் நுட்பம் பயன்படுத்தப்பட்டுள்ளது. இதன் மூலம் 1மி.மீ நீள, அகலமுள்ள பொருட்களை துல்லியமாக படம்பிடிப்பதுடன் எதிரி நாடுகளின் ராணுவ நடமாட்டத்தை துல்லியமாக கண்டறிய முடியும்.இருப்பினும் இதுகுறித்து தகவலை இஸ்ரே வெளியிடவில்லை . மேலும் அகமதாபாத்தில் உள்ள இஸ்ரோ ‌தொழில் நுட்ப பிரிவில் உருவாக்கப்பட்டுள்ளது

596 கி மீ தூரத்தில் இருந்து , பூமியில் உள்ள 1மிமீ நீள ,அகலமுள்ள பொருளை படம்பிடிப்பது என்றால் , நினைக்கவே ஆச்சரியமாக இருக்கிறது

சூப்பருங்க

வாழ்த்துக்கள் விஞ்ஞானிகளே,

யினியவன் · யினியவன் Thu Apr 26, 2012 3:32 pm

ஆகா நாம மில்லி மீட்டர் அசஞ்சு காரியத்த கச்சிதமா முடிச்சா படம் பிடிச்சுடுவாங்களே?

**ராஜா** · **ராஜா** Thu Apr 26, 2012 3:34 pm

கொலவெறி wrote:ஆகா நாம மில்லி மீட்டர் அசஞ்சு காரியத்த கச்சிதமா முடிச்சா படம் பிடிச்சுடுவாங்களே?

ஆமாம் , இனிமேல் தொழிலுக்கு அருவாள்,கத்தி எல்லாம் எடுத்துக்கிட்டு போகாதீங்க கண்டுபிடிச்சுடுவாங்க. 1மிமீ இருக்குற மாதிரி ஏதாவது குண்டூசி எடுத்து போய் வேலையை முடிங்க

**முத்துராஜ்** · **முத்துராஜ்** Thu Apr 26, 2012 7:03 pm

"விஞ்ஞானிகள் மகிழ்ச்சியை பரிமாறிக்கொண்டனர்" நானும் மகிழ்ச்சியை பரிமாறி கொண்டேன்

**சிவா** · **சிவா** Mon Apr 30, 2012 12:49 pm

`ரிசாட்-1' செயற்கைக்கோள், இறுதி சுற்று வட்டப்பாதையில் வெற்றிகரமாக நிலை நிறுத்தப்பட்டது.

உளவு செயற்கைக்கோள்

முற்றிலும் உள்நாட்டிலேயே வடிவமைக்கப்பட்ட இந்தியாவின் உளவு செயற்கைக்கோளான `ரிசாட்-1', கடந்த 26-ந் தேதி விண்ணில் ஏவப்பட்டது. பி.எஸ்.எல்.வி.-சி19 ராக்கெட்டில் ஏற்றி விண்ணுக்கு அனுப்பப்பட்டது.

470 கி.மீ. உயரத்தில் பூமியின் சுற்று வட்டப்பாதையில் ரிசாட்-1 செயற்கைக்கோளை பி.எஸ்.எல்.வி.-சி19 ராக்கெட் வெற்றிகரமாக நிலைநிறுத்தியது.

இறுதி வட்டப்பாதை

இதையடுத்து, செயற்கைக்கோளை அதன் இறுதி சுற்று வட்டப்பாதையில் நிலைநிறுத்தும் பணியை இந்திய விண்வெளி ஆராய்ச்சி கழகம் (இஸ்ரோ) மேற்கொண்டது. இந்நிலையில், 536 கி.மீ. உயரத்தில், ரிசாட்-1 செயற்கைக்கோள் அதன் இறுதி சுற்று வட்டப்பாதையில் வெற்றிகரமாக நிலை நிறுத்தப்பட்டுள்ளது.

செயற்கைக்கோளில் உள்ள எரிபொருட்களை பயன்படுத்தி, வெற்றிகரமாக நிலை நிறுத்தப்பட்டது. தற்போது, அது நல்ல முறையில் இயங்கிக்கொண்டிருக்கிறது. இத்தகவலை `இஸ்ரோ' தெரிவித்துள்ளது.

வேளாண்மை

ரிசாட்-1 செயற்கைக்கோளின் எடை 1,858 கிலோ. வேளாண்மை மற்றும் இயற்கை பேரிடர் மேலாண்மைக்கு இந்த செயற்கைக்கோள் எடுக்கும் படங்கள் பெரிதும் பயன்படும் என்று எதிர்பார்க்கப்படுகிறது.

மேகக்கூட்டத்தில் ஊடுருவியும், இரவு நேரங்களிலும் இந்த செயற்கைக்கோள் வெற்றிகரமாக படம் பிடிக்கும்.