கர்ம பாவம்

ஜாதகத்தில் 10-ஆம் பாவத்தை கர்ம பாவம் என்றும், ஜீவன பாவம் என்றும் கூறுவர். இந்த பத்தாம் பாவத்தினர் மூல மாக நாம் அறியும் விஷயங்கள் பலவாகும்.

1.பல புண்ணியம்,
2.ராஜா திக்கம்,
3.நகரஸ்தாபிதம்,
4.காரிய கர்மம்,
5.கிருபை,
6.ஜை வீடு,
7.சிரார்த்தம்,
8.தெய்வ வழிபாடு,
9.சதுரங்க பலம்,
10. பிரபல கீர்த்தி,
11.மானம்,
12.காயகற்பம்,
13.வஸ்திரம்,
14.மழை,
15.தூர தேசப் பிரயாணம்,
16.ஜீவனம்,
17.முத்திராதிகாரம்.

மேற்கண்டுள்ள 17 விஷயங்களில் பல புண்ணியம் என்ற கர்மத்தை பற்றி விளக்குவதே இக்கட்டுரையின் நோக்கமாகும். புண்ணியம் மூன்று வகைப்படும்.

1.பாசமாகும், 2.பசு புண்ணியம், 3.பதி புண்ணியம் என்பனவாகும். இதில் முன்னது இரண்டும் பசு புண்ணியம் என்று நூல்கள் கூறுகின்றது.

பசு புண்ணியம்: சுமை தாங்கி அமைத்தல், தடாகம் அமைத்தல், தண்ணீர் பந்தல் அமைத்தல், அன்ன சத்திரம், வைத்திய சாலை அமைத்தல் போன்றவைகளாகும்.

பதி புண்ணியம்: பாடசாலை அமைத்தல், குரு பூஜை, பழுதுபட்ட குளங்களை சீர்படுத்தல், சிவாலய திருப்பணி, கும்பாபிஷேகம், திருவிளக்கு பூஜை, மாலை சூட்டுதல், கற்ர ஆராதனை போன்றவைகளாகும். உலகில் பிறந்த அனைவரும் பசு புண்ணியத்துக்குரிய காரியங்களை செய்யத் தவறினும், பதி புண்ணியத்துக்குரிய காரியங்களை செய்யத் தவறக் கூடாது.

ஒரு ஜாதகத்தில் 10-ம் பாவமான கர்ம பாவத்தைக் கொண்டும், அந்த பாவாதியைக் கொண்டும் அந்த ஜாதகர் செய்யும் கர்மங்கள் அனைத்தும் அருளைப் பெறுவதற்காக செய்யப்படுகிறதா அல்லது பொருளைப் பெறுவதற்காக செய்யப்படுகிறதா? என்பதை காண முடியும்.

நற்கர்மம்: ஒருவன் செய்யும் காரியங்கள் சுயநலமில்லாமலும், கைமாறு கருதாமலும், உலக மக்கள் நன்மைக்காக செய்யப்படுமானால் அது நற்கர்மம் என்று கூறப்படும்.

துர்க் கர்மம்: ஒருவன் செய்யும் காரியங்கள் அறநெறி தவறியும், சுயநலத் தோடும், பொருள் ஈட்டும் நோக்கத்தோடும் செய்யப்படுமானால் அது துர்க் கர்மம் என்று கூறப்படும். ஒரு ஜாதகரின் பெருமைக்கும், சிறுமைக்கும் காரணமாக அமைவது 10-ஆம் பாவமான கர்ம பாவமே ஆகும். இந்த 10-ம் பாவத்தின் பாவ, புண்ணிய த்தின் அடிப்படையில்தான் மறு பிறவி அமையப் பெறுகிறது. பத்தாம் பாவத்தின் மூலமாகவே நாம் மறுபிறவியில் அடையவிருக்கும் நன்மை, தீமைகளை அறிய முடியும்.