மாமனாரை அடித்துக் கொன்ற மருமகன் கைது

மீனு · மீனு Tue Sep 29, 2009 2:23 am

மீஞ்சூரில் மாமனாரை அடித்து கொலை செய்த மருமகன் கைது செய்யப்பட்டார். இச்சம்பவம் பெரும் பரபரப்பை ஏற்படுத்தி உள்ளது.

மீஞ்சூர் அடுத்த வள்ளூர் கிராமத்தை சேர்ந்தவர் மதன் (எ) ராஜ்குமார் (27). இவரது மனைவி சரண்யா. இவர்களுக்கு திருமணமாகி 2 வருடம் ஆகிறது.

நேற்று ஆயுதபூஜை என்பதால் அதற்கு தேவையான பொருட்களை வாங்கிக் கொண்டு சரண்யாவை பார்க்க அவரது தந்தை தட்சிணாமூர்த்தி சென்னை விம்கோ நகரில் இருந்து வள்ளூருக்கு வந்தார். பின்னர் மருமகன் மதனை அழைத்துக் கொண்டு அத்திப்பட்டு புதுநகரில் உள்ள டாஸ்மாக் கடைக்கு சென்றார். அங்கு இருவரும் மது அருந்தினர். அப்போது இருவருக்கும் வாக்குவாதம் ஏற்பட்டது. ‘எனது மகளிடம் அடிக்கடி தகராறு செய்கிறாய், அவளுடன் நீ சரியாக குடும்பம் நடத்துவதில்லை\" என்று கூறியுள்ளார். இதனால் வாக்குவாதம் முற்றியது. போதை தலைக்கு ஏறிய மதன், தட்சிணாமூர்த்தியை சரமாரியாக தாக்கியுள்ளார். பின்னர் அருகில் இருந்த பள்ளத்தில் தள்ளியுள்ளார். இதில் மண்டை உடைந்து சம்பவ இடத்திலேயே தட்சிணாமூர்த்தி இறந்தார்.

ஒன்றும் தெரியாதது போல் வீட்டுக்கு வந்தார் மதன். \"அப்பா எங்கே\" என்று சரண்யா கேட்டுள்ளார். அதற்கு அவர், ‘எனக்கு முன்பே வந்து விட்டாரேÕ என்று கூறியுள்ளார். சந்தேகம் அடைந்த சரண்யா அப்பாவை தேடி சென்றார். அப்போதுதான் அவர் இறந்து கிடந்தது தெரிந்தது. தந்தையின் சடலத்தை பார்த்து கதறி அழுதார். இதுகுறித்து மீஞ்சூர் போலீசில் புகார் செய்தார்.

உடலை இன்ஸ்பெக்டர் முகமது நசீர் கைப்பற்றி பிரேத பரிசோதனைக்காக பொன்னேரி அரசு மருத்துவமனைக்கு அனுப்பி வைத்தார். பின்னர் மதனை கைது செய்து தீவிர விசாரணை நடத்தி வருகிறார். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

பிரகாஸ் · பிரகாஸ் Tue Sep 29, 2009 2:26 am

மருமகனை வைக்க வேண்டிய இடத்தி வைத்திருந்தால் இப்படி நடந்திருக்காது (ஒன்றாக தண்ணி அடிப்பது )

மீனு · மீனு Tue Sep 29, 2009 2:27 am

உண்மைதான் பிரகாஸ் அண்ணா..

Sponsored content · Sponsored content

மாமனாரை அடித்துக் கொன்ற மருமகன் கைது

மாமனாரை அடித்துக் கொன்ற மருமகன் கைது

Re: மாமனாரை அடித்துக் கொன்ற மருமகன் கைது

Re: மாமனாரை அடித்துக் கொன்ற மருமகன் கைது

Re: மாமனாரை அடித்துக் கொன்ற மருமகன் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக