எடை குறைய எளிய வழிகள்.

யாழவன் · யாழவன் Sun Sep 27, 2009 7:50 pm

உங்கள் உடல் எடை அதிகரித்துக் கொண்டே போகிறதா? உங்கள் உடல் நலத்திற்கு அது பாதகமாக இருக்கும் என்று கவலையா? பட்டினி போட்டு உடலை மெலிய வைக்கும் முயற்சிகள் உடலைப் பலவீனமாக்கி விட்டதா? மனம் தளர வேண்டாம். உடலின் ஆரோக்கியத்திற்கும் பண விரயத்தைக் குறைக்கவும் பாதகமில்லாத வழிகள் உள்ளன. சில எளிய தீர்மானங்களைச் செயல்படுத்தினால் போதும் கை மேல் பலன் உண்டு.
1.பசி எடுத்தால் மட்டுமே உணவு உண்ணுதல்.
2.நொறுக்குத் தீனி உண்ணவேண்டும் போல் இருந்தால் ஒரு பேணி தண்ணீர் குடித்தல்.
3.கோபம், விரக்தி, வேதனை என உணர்ச்சி வசப்பட்டிருக்கும் போது உணவு உண்பதைத் தவிர்த்தல்.
4.இனிப்புவகை உணவுகள், தேநீர், கோப்பி அருந்துவதை அளவாக வைத்திருத்தல்.
5.உணவில் ஒவ்வொரு நாளும் பழங்களை இணைத்துக் கொள்ளுதல்.
6.புலால் உண்பதைக் கணிசமான அளவு குறைத்தல்.
7.மாச்சத்து உணவுப் பொருட்களை குறைத்துக் கொள்ளுதல்.
8.உணவில் உப்பை அளாக சேர்த்தல்.
9.உணவு உண்ணும் போது தொலைக்காட்சி பார்த்தல், புத்தகம் படித்தல் போன்றவற்றைத் தவிர்த்தல்.
10.உணவை நிதானமாக உண்ணுதல்.
11. மூன்று வேளையும் ஒழுங்காக உண்ணுதல். அத்துடன் புகை பிடித்தலைத் தவிர்த்தல்.
12.ஒவ்வொரு நாளும் 15நிமிடம் மௌனமாக இருத்தல்.
இவ்வாறான தன்மைகளை தொடர்ந்து கடைப்பிடித்தால் நிச்சயமாக உடல் மெலிய வாய்ப்பு இருப்பதாக தெரித்துள்ளனர்.