ஈழம் ஒன்றே என்னாசை-என் இதயம் முழங்கும் நல்லோசை

**Dr.சுந்தரராஜ் தயாளன்** · 03/09/2011

ஈழம் ஒன்றே என்னாசை-என் இதயம் முழங்கும் நல்லோசை

ஈழம் ஒன்றே என்னாசை-என்
இதயம் முழங்கும் நல்லோசை!
வாழும் என்நாள் முடிவுக்குள்-அது
வந்திடுட வேண்டும் விடிவுக்கே!
சூழல் விரைவில் வந்திடுமா-ஈழம்
சுதந்திரம் பெற்றுத் தந்திடுமா?
பாழும் மனமே! கலங்காதே!-சிங்கள,
பாவியின் குலமும் விளங்காதே!

கண்டனம் செய்தால் போதாது-அந்த
கயவர்கள் திருந்துதல் ஆகாது!
தண்டணைத் தருவதே சரியாகும்-எனில்,
தமிழரின் வாழ்வே எரியாகும்!
சண்டை முடிந்தும் மூன்றாண்டே-அங்கே
சாவாதே மேலென மனந்தூண்ட
குண்டர்கள் ஆடசி மாறாதே-அவர்
கொடுமைக்கு இன்றும் அளவேதே!

முள்ளின் வேலிக்குள் கிடக்கின்றார்-அவர்
முடங்கி அடங்கியே நடக்கின்றார்!
உள்ளிட வேண்டும் ஐ.நா வே-உடன்
உலகம் உணர்ந்திடச் செய்வாயே!
கள்ளிப் பாலும் பசும்பாலாய்-பக்சே
கள்ளனின் நாடகம் சிலநாளே!
வெள்ளி முளைக்கும்! விடிந்திடுமே-ஈழ
வெற்றிச் சங்கும் ஊதிடுமே!

புலவர் சா இராமாநுசம்
Kavithaigal

மகா பிரபு · மகா பிரபு Mon May 21, 2012 2:19 am

ஈழ வெற்றிச் சங்கும் ஊதிடுமே!
ராஜ நாகத்துக்குக்கு சங்கும் ஊதனுமே..

முரளிராஜா · முரளிராஜா Mon May 21, 2012 3:14 am

இதுதானே ஒவ்வொரு தமிழனின் கனவும்
கவிதையை பகிர்ந்தமைக்கு நன்றி அய்யா

**ராஜா** · **ராஜா** Mon May 21, 2012 4:56 am

பக்சே
கள்ளனின் நாடகம் சிலநாளே!
வெள்ளி முளைக்கும்! விடிந்திடுமே-ஈழ
வெற்றிச் சங்கும் ஊதிடுமே!

புலவர் சா இராமாநுசம்

பகிர்வுக்கு நன்றி ஐயா, தமிழர்களுக்கு என்று ஒரு தனி நாடு அவசியம் , அப்போ தான் உலக தமிழர்களுக்கு ஒரு பிரச்சினை என்றால் தமிழர்களின் குரல் ஐநா சபையில் ஓங்கி ஒலிக்கும்