செல்போன் வாங்கியதில் சிக்கல்

**ரா.ரா3275** · **ரா.ரா3275** Fri Feb 17, 2012 5:42 pm

வணக்கம் உறவுகளே...

கடந்த ஜனவரி மாதம் முதல் தேதி...அதாவது புத்தாண்டு தினத்தன்று...சென்னை எம்.எம்.டி.ஏ. அரும்பாக்கம் பகுதியில் உள்ள யுனிவர்செல் ஷோ ரூமில் புதிய செல்போன் வாங்கப் போனேன்.
எனக்கு மின்னணுப் பொருட்கள் பற்றிய அறிவு துளியும் இல்லை என்று சொல்லியே
நல்ல செல்போன் ஏதாகிலும் ஒன்று சொல்லுங்கள்.
சவுண்ட்,பேட்டரி சார்ஜ் நீடித்த தன்மை போன்ற இன்னா பிற வசதிகள் தெளிவாக இருக்கவேண்டும் என்ற வேண்டுகோளுடன் கேட்டேன்.
அது-இது எனப் பார்த்து இறுதியில் அவர்கள் அதிகம் பரிந்துரைத்த மைக்ரோமாக்ஸ் ஏ60(ஆண்ட்ராய்ட்) செல்போனை வாங்கி வந்தேன்.
வாங்கிய இரண்டாவது நாளில் இருந்து பெரும் தலைவலி.
*புளூடூத் வேலை செய்வதில் தகராறு.
*அழைப்பு வந்தால் எடுக்க முடியாது.
*கேமரா மிகக் கேவலம் (3.2மெகா பிக்ஸெல்?!)
*பேட்டரி 2 மணி நேரம் கூட நீடிக்கவில்லை
இப்படிப்பட்ட புகார்களுடன் அதே யுனிவர்சல் ஷோ ரூமுக்குச் சென்று எனக்கு இதை சரி செய்து தாருங்கள் அல்லது மாற்றித்தாருங்கள் வேறு பிராண்ட் போனை என்று கேட்டேன்.
மாற்ற முடியாது சர்வீஸ் செண்டரை அணுகுங்கள் என்றனர்.வாங்கிய 45 நாள்களுள் நான்கைந்து முறை நடந்தேன்.

சர்வீஸ் சென்டர் முகவரிக்குப் போன் செய்தால் இங்கு அந்த மாதிரி புகார்களை ஏற்பதில்லை.நீங்கள் முகப்பேர் முகவரிக்குச் செல்லுங்கள் என்று ஒரு முகவரி தர,தொடர்பு எண் கேட்டால்,அவர்கள் போனை எடுக்க மாட்டார்கள்-நேரில் செல்லுங்கள் என்று ஆளாளுக்கு வெறுப்பேற்றினார்கள்.

இறுதியாக நேற்று முன்தினம், போன் வாங்கிய ஷோ ரூமின் தலைமைப் புகார் அதிகாரி கவிதா என்ற பெண்மணி எண் கிடைத்து அவரை அணுகியபோது உங்களை இத்தனை முறை அலையவிட்டது தவறு.மன்னியுங்கள் என்றார்.
எனக்கு போனும் வேண்டாம்.காசும் வேண்டாம்.உங்கள் ஷோ ரூமில் இரண்டும் முடியாதென்கிறார்கள்.எனவே,போன் பெரும் பிரச்சினை என்று வாடிக்கையாளர் வந்தார்.வேறு போனும் தரவில்லை.பணமும் திருப்பித் தரவில்லை என்று ஒரே ஒரு கடிதம் மட்டும் தரச் சொல்லுங்கள் உங்கள் ஷோ ரூமில் என்றேன்.அதெல்லாம் வேண்டாம்.நீங்கள் எங்கள் ஷோ ரூமிற்குச் சென்று அங்கிருந்து எனக்கொரு போன் செய்யுங்கள் என்றார்.போனேன்.செய்தேன்.
ஷோ ரூமில் இருந்தவர்கள் மின்சாரத்தில் கை வைத்ததுபோல் உடனடியாக மாற்றித் தந்துவிட்டு எப்போது வேண்டுமானாலும் வாங்க சார்.என்ன பிரச்சினை என்றாலும் போனைக் கொண்டு வாருங்கள்.சரி செய்து கொள்ளலாம் என்று கூற நேற்று இரவு 8 மணிக்கு வேறு புதிய செல்போனோடு வீடு திரும்பினேன்.அந்தப் பெண் அதிகாரிக்கு நன்றி கூறினேன்.

எதிலும் பிரச்சனையைக் கிண்டிக் கிளறி நோண்டி நொங்கெடுத்தால்தான் வேலை நடக்கிறது.
நல்ல நாடு.நல்ல நாம்.'நாம்' என்றால் மக்கள்தான். அநியாயம்

**ந.கார்த்தி** · **ந.கார்த்தி** Fri Feb 17, 2012 5:47 pm

/////எதிலும் பிரச்சனையைக் கிண்டிக் கிளறி நோண்டி நொங்கெடுத்தால்தான் வேலை நடக்கிறது.
நல்ல நாடு.நல்ல நாம்.'நாம்' என்றால் மக்கள்தான்//////////
ஆம் அண்ணா நீங்கள் கூறி உள்ளது உண்மை தான் ...

**ஜாஹீதாபானு** · **ஜாஹீதாபானு** Fri Feb 17, 2012 6:11 pm

டப்பா செல்ஃபோன் வாங்கினா இப்படித் தான் என்ன கொடுமை சார் இது

பெரியவங்க கிட்ட ஆலோசனை கேட்டிருந்தா இப்படி நடக்குமா............... :வணக்கம்:

**கேசவன்** · **கேசவன்** Fri Feb 17, 2012 6:24 pm

பெரியவங்க கிட்ட ஆலோசனை கேட்டிருந்தா இப்படி நடக்குமா............... அய்யோ, நான் இல்லை

**ஜாஹீதாபானு** · **ஜாஹீதாபானு** Fri Feb 17, 2012 6:40 pm

கேசவன் wrote:
பெரியவங்க கிட்ட ஆலோசனை கேட்டிருந்தா இப்படி நடக்குமா............... அய்யோ, நான் இல்லை

**கேசவன்** · **கேசவன்** Fri Feb 17, 2012 7:23 pm

ஜாஹீதாபானு wrote:
கேசவன் wrote:
பெரியவங்க கிட்ட ஆலோசனை கேட்டிருந்தா இப்படி நடக்குமா............... அய்யோ, நான் இல்லை

ஏன் பாட்டி அதிர்ச்சியாக பார்க்கின்றீர்கள்

**ஜாஹீதாபானு** · **ஜாஹீதாபானு** Fri Feb 17, 2012 7:26 pm

கேசவன் wrote:
ஜாஹீதாபானு wrote:
கேசவன் wrote:
பெரியவங்க கிட்ட ஆலோசனை கேட்டிருந்தா இப்படி நடக்குமா............... அய்யோ, நான் இல்லை

ஏன் பாட்டி அதிர்ச்சியாக பார்க்கின்றீர்கள்

இப்படி ஸ்மைலி போட்டா அவர் வந்து என்னை அடிக்கவா அழுகை

வேலவன் · வேலவன் Fri Feb 17, 2012 7:48 pm

எதிலும் நமக்கு விவரம் இல்லாது போல் சொல்லிக்கொள்ளவே பயமாக உள்ளது.தெரியாத ஒரு விடயத்தை தெரிந்தது போல் நடித்தால் தான் இந்த யுகத்தில் பிழைக்கலாம் என்று நினைக்கிறேன்..

**ராஜ்அருண்** · **ராஜ்அருண்** Fri Feb 17, 2012 10:12 pm

யாரிடமாவது ஆலோசனை கேட்டிருக்கலாமே ,நம் தளத்திலே கேட்டிருக்கலாமே ரா.ரா

**சிவா** · **சிவா** Fri Feb 17, 2012 11:52 pm

உங்களைப் போன்ற விஐபிக்களுக்கே இந்நிலை என்றால் சாமானியர்களின் நிலை மிகவும் மோசமாக இருக்கும் போலுள்ளதே? - புதிய போன் கிடைத்ததில் மகிழ்ச்சி. ஒருவேளை இந்த வகைப் போனை பயன்படுத்தத் தெரியவில்லை என்றால் பத்திரமாக வைத்திருங்கள், நான் அங்கு வந்ததும் என்னிடம் தந்துவிடுங்கள்.

கவிதா - இவங்களுக்கும் உங்களுக்கும்? சோகம்