பிடிஎப் வடிவில் புத்தகங்களை தரவிறக்கம் செய்வதற்கு

**இளமாறன்** · **இளமாறன்** Mon Oct 17, 2011 2:03 am

பிடிஎப் வடிவில் புத்தகங்களை தரவிறக்கம் செய்வதற்கு
[ ஞாயிற்றுக்கிழமை, 16 ஒக்ரோபர் 2011, 07:26.52 மு.ப GMT ]
உங்களுக்கு தேவையான புத்தகங்களை எளிதான முறையில் பிடிஎப் வடிவில் தரவிறக்கம் செய்யலாம்.

பி.டி.எப்.எஸ்.பி இணையதளம் தான் இந்த கேள்விகளுக்கான பதில்களை சிந்திக்க வைக்கிற‌து. பி.டி.எப்.எஸ்.பி இணையதளத்தை பிடிஎப் வடிவிலான புத்தகங்களுக்கான தேடியந்திரம் என்று சொல்லலாம்.

பிடிஎப் வடிவிலான புத்தகங்களின் இருப்பிடம் என்றும் சொல்லலாம். இதன் வசம் கிட்டத்த‌ட்ட 70 லட்சத்திற்கும் மேற்பட்ட பிடிஎப் புத்தகங்கள் இருக்கின்றன. இந்த எண்ணிக்கை அதிகரித்து கொண்டே இருக்கிறது. விரைவில் ஒரு கோடி புத்தகங்களை தொடக்கூடும் என்று நம்பலாம்.

பிடிஎப் புத்தகங்கள் தேவைப்படுபவர்கள் கூகுளில் தேடுவது போல இதிலும் தேடிப்பார்த்து விருப்பமான புத்தகத்தை தரவிறக்கம் செய்து கொள்ளலாம். இல்லை என்றால் முகப்பு பக்கத்தில் புகைப்படத்தோடு பரிந்துரைக்கப்பட்டுள்ள புத்தகங்களின் பட்டியலில் இருந்து விருப்பமானதை தேர்வு செய்து கொள்ளலாம்.

பிடிஎப் கோப்பு வடிவில் உள்ள தகவல்களை தேடுவதற்கு என்று பிரத்யேக‌ தேடியந்திரங்கள் இல்லாமல் இல்லை. அவற்றில் தேடும் போதும் பிடிஎப் கோப்புகளை மட்டும் அல்ல பிடிஎப் புத்தகங்களையும் கண்டுபிடிக்கலாம்.

இந்த தளம் பிரத்யேகமாக பிடிஎப் புத்தகங்களுக்கானாது என்பது தான் விசேஷ‌ம். பிடிஎப் கோப்புக்ளை தேடுவதற்கான நோக்கமும் தேவையும் வேறு. பெரும்பாலான தேடியந்திரங்களின் தேடல் பட்டியலில் இடம் பெறத்தவறும் பிடிஎப் வடிவிலான தகவல்களையும் சேர்த்து தேட விரும்பும் போது பிடிஎப் தேடியந்திரங்கள் தேவைப்படுகின்ற‌‌ன.

ஆனால் பிடிஎப் புத்தகங்கள் என்னும் போது வாசிப்பு அனுபவமே மேலோங்கி நிற்கும். அப்போது பி.டி.எப்.எஸ்.பி தேடியந்திரமே சிற‌ந்தது. நாவல் மற்றும் கையேடுகள் போன்றவற்றை படிக்க விரும்பினாலும் இதுவே ஏற்றது.

அதோடு இந்த தேடியந்திர‌த்தில் உள்ள சிறப்பம்சம் என்னவென்றால் ஆங்கிலம் மட்டும் அல்லாது உலகின் பல மொழிகளில் உள்ள பிடிஎப் புத்தகங்களை அணுக முடியும் என்பது தான். மேலும் புத்தகத்தின் பக்க அளவை குறிப்பிட்டும் தேடலாம்.

அதாவது பத்து பக்கங்கள் கொண்ட புத்தகம் மட்டும் தேவை என்றோ 100 பக்கத்துக்குள் உள்ள புத்தகம் தேவை என்றோ குறிப்பிட்டு தேடலை சுருக்கி கொள்ளலாம். நாவல் போன்றவை தேவை என்றால் பக்க எண்ணிக்கையை அதிகரித்து கொள்ளலாம். சிறுகதை அல்லது கையேடு போன்றவை என்றால் பக்கத்தின் என்ணிக்கையை குறைத்து கொள்ளலாம். இந்த இரு அம்சங்களும் இத்தேடியந்திரத்தை விஷேசமானதாக ஆக்குகிறது.

இந்த தேடியந்திரத்தில் இடம் பெறுபவை பெரும்பாலும் பிடிஎப் வடிவிலான புத்தகங்களே ஆகும்.

http://pdfsb.com/

பிடிஎப் வடிவில் புத்தகங்களை தரவிறக்கம் செய்வதற்கு

பிடிஎப் வடிவில் புத்தகங்களை தரவிறக்கம் செய்வதற்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக