அன்புள்ள இராஜீவ் காந்திக்கு!

**rameshnaga** · **rameshnaga** Sat Aug 20, 2011 12:02 pm

அன்புள்ள இராஜீவ் காந்திக்கு!

இந்த நூற்றாண்டின் இந்தியா
அந்த இரவில்தான் எரிந்து போனது
தனது இனிய இராஜகுமாரனோடு.

பூக்களாய் சிரித்த புன்னகை இதழ்கள்
எரிந்து போனது-
தனது கனவுகள் பூக்காமலேயே.

இலங்கையில் எரியும் நெருப்பு-அதை ஆளும்
இராவணர்களைச் சுட்டிருக்கலாம்.
ஆனால்-
அது இந்த இந்தியனை எரித்த போதுதான்..

இப்போது-
காலம் மாறிப் போய்விட்டது-
தினம் மாறும் கனவுகளைப் போல.
என்றாலும்-
வைஷ்ணவ வேதம் பிறந்த மண்ணில்
வன்முறையின் நீங்காத சின்னமாய்த்
தங்கிவிட்டது-
நீ சிந்திய இரத்தத் துளிகள்.

இராஜீவ் காந்தி!
நீ இந்தியாவின் தலைவனான பின்னர்தான்
வயதானவர்களால் வாங்கப்பட்ட சுதந்திரம்
வாலிபமானது.
இந்தியாவும் "ஓர் வல்லரசாகும்" விதை
விழுந்தது.

இன்று-
நீ இல்லாத இந்தியா
தன்னை இழந்திருக்கிறது.

சிறகுகள் நறுக்கப்பட்ட கிளியாய்-
கூண்டுக்குள் அமர்ந்தபடி
தனது விதிச் சீட்டைத்
தானே தேடிக் கொண்டிருக்கிறது.

நீ விதைத்த விதைகள்
உனது மழைக்காக இன்னமும்
காத்துக் கொண்டிருக்கின்றன ....இராஜீவ்!

நீ
வளர்வதை நீயே காண
என் மறைந்த தாமரையே!
நீ மலர்வதெப்போது?

**ஜாஹீதாபானு** · 16/04/2011

சிறகுகள் நறுக்கப்பட்ட கிளியாய்-
கூண்டுக்குள் அமர்ந்தபடி
தனது வீதிச் சீட்டைத்
தானே தேடிக் கொண்டிருக்கிறது.

நீ விதைத்த விதைகள்
உனது மழைக்காக இன்னமும்
காத்துக் கொண்டிருக்கின்றன ....இராஜீவ்!

நீ
வளர்வதை நீயே காண
என் மறைந்த தாமரையே!
நீ மலர்வதெப்போது?

அனைத்து வரிகளும் அருமை

தனது வீதிச் சீட்டைத்( விதிச் சீட்டுதானே ) இந்த வரிகள்

சூப்பருங்க

SK · SK Sat Aug 20, 2011 12:37 pm

**பிளேடு பக்கிரி** · 01/03/2010

**rameshnaga** · **rameshnaga** Sat Aug 20, 2011 1:20 pm

ரொம்பவும் நன்றி! ஜாஹீதா பானு , எஸ்.கே. ப்ளேடு பக்கிரி.

விதிச் சீட்டு --தான் ஜாஹீதா பானு. தவறைச் சரி செய்துவிட்டேன்.
ரொம்பவும் நன்றி.

**rameshnaga** · **rameshnaga** Sat Aug 20, 2011 3:58 pm

rameshnaga wrote:ரொம்பவும் நன்றி! ஜாஹீதா பானு , எஸ்.கே. ப்ளேடு பக்கிரி.

விதிச் சீட்டு --தான் ஜாஹீதா பானு. தவறைச் சரி செய்துவிட்டேன்.
ரொம்பவும் நன்றி.