மதுரையில் இன்று பயங்கரம்: பா.ம.க. மாநில செயலாளர் இளஞ்செழியன் வெட்டிக்கொலை; சோழவந்தான் தொகுதியில் போட்டியிட்டு தோற்றவர்

ரஞ்சித் · ரஞ்சித் Tue Jul 26, 2011 10:59 am

பாட்டாளி மக்கள் கட்சியின் மாநில துணை பொதுச்செயலாளர் இளஞ்செழியன் (வயது45). இவர் மதுரை அவனியாபுரத்தில் குடும்பத்துடன் வசித்து வந்தார். கடந்த சட்டமன்ற தேர்தலில் சோழவந்தான் தொகுதியில் பா.ம.க. வேட்பாளராக போட்டியிட்ட இளஞ்செழியன் சுமார் 37 ஆயிரம் ஓட்டுகள் வித்தியாசத்தில் அ.தி.மு.க. வேட்பாளர் கருப்பையாவிடம் தோல்வி அடைந்தார்.

மதுரையில் இன்று பயங்கரம்: பா.ம.க. மாநில செயலாளர் இளஞ்செழியன் வெட்டிக்கொலை; சோழவந்தான் தொகுதியில் போட்டியிட்டு தோற்றவர் 58483677-58e1-4fdc-8010-7b688901fb78_S_secvpf

மதுரையில் இன்று பயங்கரம்: பா.ம.க. மாநில செயலாளர் இளஞ்செழியன் வெட்டிக்கொலை; சோழவந்தான் தொகுதியில் போட்டியிட்டு தோற்றவர் 58483677-58e1-4fdc-8010-7b688901fb78_S_secvpf

சட்டமன்ற தேர்தலுக்கு சில மாதங்களுக்கு முன்னதாக இளஞ்செழியன் அவனியாபுரத்தில் உள்ள வீட்டை காலி செய்து விட்டு மதுரை பை-பாஸ் ரோடு வேல்முருகன் நகரில் உள்ள அடுக்குமாடி குடியிருப்பில் குடும்பத்துடன் வசித்து வந்தார்.

அவரது மகள்கள் மதுரையில் உள்ள தனியார் பள்ளியில் படித்து வருகிறார்கள். இதற்காக இன்று காலை இரு சக்கர வாகனத்தில் இளஞ்செழியன் தனது 2 மகள்களையும் ஏற்றிக் கொண்டு பை-பாஸ் ரோட்டுக்கு வந்தார். பள்ளி பேருந்தில் குழந்தைகளை அனுப்பி விட்டு காலை 7.20 மணிக்கு பை-பாஸ் ரோடு துரைசாமிநகர் அருகே வந்து கொண்டிருந்தார்.

அப்போது அங்கு தயாராக சுமோ காரில் நின்றிருந்த ஒரு கும்பல் இளஞ்செழியன் வந்த இரு சக்கர வாகனத்தை சுமோ காரால் இடித்து தள்ளியது. அதில் நிலைகுலைந்த இளஞ்செழியன் கீழே விழுந்தார்.

அப்போது காரில் இருந்து திமுதிமுவென இறங்கிய 5 பேர் கொண்ட கும்பல் இளஞ்செழியனை சுற்றி வளைத்து சரமாரியாக வெட்டியது. கழுத்து, தலை, வயிறு உள்ளிட்ட இடங்களில் 10-க்கும் மேற்பட்ட வெட்டுகள் விழுந்தது. இதில் ரத்த வெள்ளத்தில் அதே இடத்தில் இளஞ்செழியன் துடிதுடித்து செத்தார். கொலையாளிகள் கண்ணிமைக்கும் நேரத்தில் காரில் தப்பி விட்டனர். அந்த வழியாக வந்த பொதுமக்கள் அலறியடித்து ஓட்டம் பிடித்தனர்.

இந்த சம்பவம் பற்றி அறிந்ததும் உதவி கமிஷனர் கணேசன், எஸ்.எஸ். காலனி இன்ஸ்பெக்டர் முருகதாஸ் மற்றும் போலீசார் சம்பவ இடத்திற்கு விரைந்து வந்து விசாரணை நடத்தி வருகிறார்கள். கொலையுண்ட இளஞ்செழியனின் உடல் பிரேத பரிசோதனைக்காக மதுரை அரசு ஆஸ்பத்திரிக்கு அனுப்பி வைக்கப்பட்டது. எஸ்.எஸ்.காலனி போலீசார் வழக்குப்பதிவு செய்து கொலையாளிகளை தேடி வருகிறார்கள்.

கொலையுண்ட இளஞ்செழியனுக்கு கிருஷ்ணவேணி என்ற மனைவியும், 3 குழந்தைகளும் உள்ளனர். கொலை செய்யப்பட்ட இளஞ்செழியன் மீது கொலை மற்றும் வெடி குண்டு பதுக்கல் உள்ளிட்ட வழக்குகள் அவனியாபுரம் போலீஸ் நிலையத்தில் நிலுவையில் உள்ளன. கொலை முன்விரோதத்தில் பழிக்கு பழியாக இளஞ்செழியன் கொலை செய் யப்பட்டு இருக்கலாம் என்று போலீசார் சந்தேகிக்கிறார்கள்.

இதுதொடர்பாக அவனியாபுரம் பகுதியில் போலீசார் தீவிர விசாரணையில் ஈடுபட்டுள்ளனர். பா.ம.க. பிரமுகர் கொலை செய்யப்பட்ட சம்பவம் மதுரையில் பெரும் பரபரப்பை ஏற்படுத்தி உள்ளது.

மாலை மலர்

தாமு · தாமு Tue Jul 26, 2011 11:00 am

**ஸ்ரீஜா** · **ஸ்ரீஜா** Tue Jul 26, 2011 11:08 am

:அடபாவி: :அடபாவி:

ரபீக் · ரபீக் Tue Jul 26, 2011 11:09 am

ஒருபக்கம் என்கவுண்டர் நடக்குது ,,,
இன்னொரு பக்கம் கொலைகள் நடக்குது ,,,

மொத்ததுல நாடு உருப்பட்டா சரி !!

அப்துல்லாஹ் · அப்துல்லாஹ் Tue Jul 26, 2011 11:17 am

ரஞ்சித் wrote:கொலை செய்யப்பட்ட இளஞ்செழியன் மீது கொலை மற்றும் வெடி குண்டு பதுக்கல் உள்ளிட்ட வழக்குகள் அவனியாபுரம் போலீஸ் நிலையத்தில் நிலுவையில் உள்ளன. கொலை முன்விரோதத்தில் பழிக்கு பழியாக இளஞ்செழியன் கொலை செய் யப்பட்டு இருக்கலாம் என்று போலீசார் சந்தேகிக்கிறார்கள்.

கத்தியெடுத்தவனுக்கு கத்தியால் தான் மரணம்...
இது அவர்களின் முன் விரோத பழி தீர்த்தலாய் இருப்பினும்...மதுரை யில் இன்னும் குற்றங்கள் தொடர்து நடந்துவருவது மன வேதனையைத் தருகிறது...
நன்றி ரஞ்சித் உங்களின் பகிர்வுக்கு...

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக