மாண்டு போன மனிதக்குறியிடுகள்

அப்துல்லாஹ் · அப்துல்லாஹ் Sun Jun 19, 2011 1:16 pm

நிரந்தரம் என்றில்லாத நீல வான மாயை
சூரியனையும் சந்திரனையும் தவழ விட்ட வடுக்களின்றி
தகவல் சூல் கொண்ட ஒளிஒலிவரிகள் மேகங்கள் விரவலில்
உண்மைகளும் ஒருகோடிபொய்களும் ஊடகங்களுக்காய்
பரிமாறும் செய்திகள் பரவலாய் நீர்மேகங்களுக்கருகில்
பாயும் ஓடங்கள் பகுத்தறியும் மனிதப் பறவைகள்
காயும் வெப்பம் கணக்கின்றி உயர
கைதட்டும் ஏவுகணை வெற்றிக் கூட்டம்
மழை வற்றிப்போன விவசாயியின் வெறுமை
ஆழ்குழாய் நீருக்கு அடுத்த கண்டமும் துளைக்க
வேசியின் கணக்காய் மாறிப்போன மாசுக்காற்று
எஞ்சிய குடி நீர் இங்கு எட்டு ரூபாய் ஆன பின்னும்
அஞ்சி ஒடுங்கிப்போய் அரண்டு நிற்கும் அவலம்
மண்புழுவுக்காய் தோண்டிய மண்ணில் இரத்தம்
கடல் தாண்டினானாம் கரையோரமாய் சடல எண்ணிக்கை
இலவச எச்சில் மீனுக்காய் ஏங்கும் காக்கை போல்
ஆசைகள் அரித்து அழுகிய இலவச மனிதக்கூட்டம்
ஆயிரம் மதிப்பெண்ணுடன் அடக்கம் செய்யப்பட்ட ஏழைக்கல்வி
பயிர் வளர்த்திட நச்சுக் கலக்கும் நவீன விவசாயம்
மகளின் தாலி அறுக்க பெரிய தொகைக கைமாற்றும் பெற்றோர்
பிரபஞ்சத்தில் கதிரொளி காற்று நீருடன் கஞ்சியும்
கலப்படமாகிட கற்பும் நட்பும் சுற்றமும் பாசமும்
செத்துச்சுண்ணாம்பாய் செல்கிறது சமாதி நோக்கி
இனி மரங்களும் விலங்குகளும் மலர் வளையம் வைக்கட்டும்
மாண்டு மடிந்து மட்கிப்போன மானிடகுறியிடுகளுக்கு

மாண்டு போன மனிதக்குறியிடுகள் Modernscience1

**Manik** · **Manik** Sun Jun 19, 2011 1:29 pm

அண்ணா மனித வாழ்க்கையில் விரக்தி கொண்ட ஒருவர் ரொம்ப கோவமா சோகமா எழுதுன மாதிரி இருக்கு

அனைத்தும் படிக்கும் போது மனசு வலிக்குது அண்ணா மாண்டு போன மனிதக்குறியிடுகள் 440806