ஆசை உள்ளவரை அலைச்சல் உண்டு..!!

**ayyasamy ram** · **ayyasamy ram** Tue Feb 03, 2015 10:23 am

ஆசை உள்ளவரை அலைச்சல் உண்டு – பழமொழி விளக்கம்
–
ஆசை உள்ளவரை அலைச்சல் உண்டு-என்பது ஒரு
நல்ல பழமொழி. ஆசையே துன்பத்திற்கு காரணம்
என்றார் புத்தர்.

பொன் ஆசையால் விளைந்தது சிலப்பதிகாரம்.
பெண் ஆசையால் விளைந்தது ராமாயணம்.
மண் ஆசையால் விளைந்தது மகாபாரதம்.
-
இப்படி புராணங்கள் வாயிலாகவும் இதிகாசங்கள்
வாயிலாகவும் ஆசையை விட்டொழிக்க வேண்டும்
என்று சொல்லி வைத்திருக்கிறார்கள்.
-
ஆனால், ஆசை இல்லாத மனிதர்களே இல்லை.
சின்ன சின்ன ஆசை, சிறகடிக்கும் ஆசை என்று
எண்ணற்ற ஆசை வலையில் சிக்கி தவிக்கிறோம்.

குழந்தை பருவத்தில் சாப்பிட ஆசைப்படுவோம்.
இளமை பருவத்தில் திருமணம் செய்து தாம்பத்ய
சுகம் பெற ஆசைப்படுவோம். முதுமைப் பருவத்தில்
பேரன்,பேத்திகளுக்கு சொத்து சேர்க்க ஆசைப்
படுவோம்

ஆசை ஏற்பட ஏற்பட அலைச்சல் அதிகரித்துக்
கொண்டே இருக்கும். புகழ தேடுவதிலும் பொருள்
தேடுவதிலும் ஆசைப்படும் நாம், அலைச்சல்
இல்லாமல் வாழு முடியாது.

எனவேதான், ஆசை உள்ளவரை அலைச்சல் உண்டு
என்று சொல்லி வைத்தார்கள்.
-
———————————————-

**M.Saranya** · **M.Saranya** Tue Feb 03, 2015 12:53 pm

நிதர்சனமான உண்மை.....

**M.M.SENTHIL** · **M.M.SENTHIL** Tue Feb 03, 2015 6:45 pm

ஆசை உள்ளவரை அலைச்சல் உண்டு,
அலைச்சல் உள்ளவரை அல்சரும் உண்டு....

சரியான நேரத்துக்கு சாப்பிடாமல் அலைந்தால் அப்படிதானே வரும், அதுதான் மனிதனின் முதல் அடி... பின்னர் ஒன்றன் பின் ஒன்றாக வந்து, இறுதியில்.... சங்கு ஊத வேண்டியதுதான்

**krishnaamma** · **krishnaamma** Tue Feb 03, 2015 6:53 pm

M.M.SENTHIL wrote:ஆசை உள்ளவரை அலைச்சல் உண்டு,
அலைச்சல் உள்ளவரை அல்சரும் உண்டு....

சரியான நேரத்துக்கு சாப்பிடாமல் அலைந்தால் அப்படிதானே வரும், அதுதான் மனிதனின் முதல் அடி... பின்னர் ஒன்றன் பின் ஒன்றாக வந்து, இறுதியில்.... சங்கு ஊத வேண்டியதுதான்

மேற்கோள் செய்த பதிவு: 1118737

சிரி சிரி