You 17 ஓட்டங்களால் கொல்கத்தா வெற்றி: தோல்வியிலிருந்து மீள முடியாமல் டெல்லி

பது · பது Fri Apr 29, 2011 2:12 pm

ஆட்டத்தில் கொல்கத்தா அணி 17 ஓட்டங்கள் வித்தியாசத்தில் டெல்லியை வீழ்த்தியது. 7 ஆட்டங்களில் விளையாடியுள்ள டெல்லி 5-ல் தோல்விகளைச் சந்தித்து தோல்வியில் இருந்து மீள முடியாமல் தவித்து வருகிறது.

முதலில் துடுப்பெடுத்தாடிய கொல்கத்தா நைட் ரைடர்ஸ் 20 ஓவர்களில் 7 விக்கெட் இழப்புக்கு 148 ஓட்டங்களை பெற்றது. பின்னர் துடுப்பெடுத்தாடிய டெல்லி டேர்டெவில்ஸ் 20 ஓவர்களில் 9 விக்கெட் இழப்புக்கு 131 ஓட்டங்களை மாத்திரமே எடுத்து தோல்வியை தழுவியது.

முன்னதாக நாணய சுழற்சியில் வெற்றி பெற்ற டெல்லி அணித் தலைவர் செவாக் களத்தடுப்பை தேர்வு செய்தார். இதையடுத்து முதலில் துடுப்பெடுத்தாடிய கொல்கத்தா அணியில் கலிஸ் 11, கோஸ்வாமி 22, கம்பீர் 18 என வேகமாக வெளியேறினார்.

இருப்பினும் பின்னர் வந்த திவாரி தனி நபராக நின்று டெல்லி பந்துவீச்சாளர்களை பதம் பார்த்தார். 47 பந்துகளைச் சந்தித்த திவாரி ஆட்டமிழக்காமல் 3 சிக்ஸர்கள், 2 பவுண்டரிகளுடன் 61 ஓட்டங்களைப் பெற 20 ஓவர்களில் 7 விக்கெட் இழப்புக்கு கொல்கத்தா 148 ஓட்டங்களை பெற்றது.

இதனையடுத்து 149 எனும் வெற்றி இலக்கை அடைய பதில்துடுப்பெடுத்தாடிய டெல்லி அணியில் வார்னர் 2 ஓட்டங்களில் பாலாஜி பந்துவீச்சில் போல்ட் முறையில் ஆட்டமிழந்தார். 23 பந்துகளைச் சந்தித்த செவாக் 1 சிக்ஸர், 5 பவுண்டரிகளுடன் 34 ஓட்டங்களை பெற்று வெளியேறினார். இறுதி 2 ஓவர்களில் 26 ஓட்டங்களை எடுத்தால் வெற்றி என்ற நிலை டெல்லிக்கு ஏற்பட்டது.

19 ஆவது ஓவரை வீச வந்த பிரெட் லீ, இரண்டாவது பந்தில் மிக அற்புதமாக வேணுகோபாலை ரன் அவுட் ஆக்கினார். இறுதியில் டெல்லி அணி 9 விக்கெட் இழப்புக்கு 131 ஓட்டங்களை பெற்று 17 ஓட்டங்கள் வித்தியாசத்தில் தோல்வி கண்டது. போட்டியின் ஆட்டநாயகனாக திவாரி தேர்வு செய்யப்பட்டார்.

அசுரன் · அசுரன் Fri Apr 29, 2011 2:15 pm

நல்ல கமென்ட்ரி கொடுத்த பிபேட் நண்பா! நீங்க இந்த தகவலை எடுத்த இடத்துக்கும் ஒரு நன்றி போட்டுவிடுங்கள். அன்புடன் அசூரன்.

மகா பிரபு · மகா பிரபு Fri Apr 29, 2011 2:21 pm

அசுரன் wrote:நல்ல கமென்ட்ரி கொடுத்த பிபேட் நண்பா! நீங்க இந்த தகவலை எடுத்த இடத்துக்கும் ஒரு நன்றி போட்டுவிடுங்கள். அன்புடன் அசூரன்.

ஆமா நண்பா அது ரொம்ப முக்கியம் .... You 17 ஓட்டங்களால் கொல்கத்தா வெற்றி: தோல்வியிலிருந்து மீள முடியாமல் டெல்லி 1772578765

அசுரன் · அசுரன் Fri Apr 29, 2011 6:22 pm

அறிமுக நாயகன் wrote:
அசுரன் wrote:நல்ல கமென்ட்ரி கொடுத்த பிபேட் நண்பா! நீங்க இந்த தகவலை எடுத்த இடத்துக்கும் ஒரு நன்றி போட்டுவிடுங்கள். அன்புடன் அசூரன்.
ஆமா நண்பா அது ரொம்ப முக்கியம் ....

இது கேலியா இல்லை ஆமோதிக்கிறீங்களா? என்று தெரியவில்லையே அதிர்ச்சி

Guest · Guest Fri Apr 29, 2011 7:05 pm

பிரபு கொஞ்சம் கேலி கலந்த கிண்டல்காரர் தான் ஆனால் மனம் நோகும்படி ஏதும் சொல்ல மாட்டார் அசுரன் You 17 ஓட்டங்களால் கொல்கத்தா வெற்றி: தோல்வியிலிருந்து மீள முடியாமல் டெல்லி 2825183110