எது உன்னில் அழகு???

Jiffriya · Jiffriya Thu Apr 07, 2011 7:27 am

எது உன்னில் அழகு???
விண்மீனாய்
பளிச்சிடும்
உன் அழகிய விழிகளா??

மொட்டு விரிவது
போல் மெல்ல மலரும் உன்
பூ இதழ் புன்னகையா..?

கடல் அலை போல்
காற்றோடு அசைந்தாடும்
உன் கார்க் கூந்தலா...?

தேய் பிறை போல்
நெளிந்து வளைந்திருக்கும்
உன் மெல்லிய இடையா..?

வில்லென வளையும் புருவங்களா?
இல்லை அம்பாக மாறி
என்னை தாக்கும் பார்வைகளா..?

மிண்சாரம் பாய்கின்ற வார்த்தைகளா?
இல்லை எனை சொல்லாமல்
கொள்கின்ற மெளனங்களா..?

எது உன்னில் அழகு???
மாட மாளிகை வேண்டாம்..
உன் மண்குடிசை போதும் என‌
என்னுடன் கைகோர்த்து
வரத் துடிக்கும்
உன் உள்ளம் தான்
பெண்ணே கொள்ளை அழகு...

**Manik** · **Manik** Thu Apr 07, 2011 7:30 am

அழகுன்னா இதான் அழகு

இந்த கவிதை அழகென்பதா
இந்த கவிதையில் உள்ள வரிகள் அழகென்பதா
இந்த வரிகளில் உள்ள அர்த்தங்கள் அழகென்பதா
இந்த அர்த்தத்தில் உள்ள உண்மைகள் அழகென்பதா
இதையும் தாண்டி இந்த கவிதையை எழுதியவர் அழகென்பதா

அருமை ப்ரியா எது உன்னில் அழகு??? 677196

Jiffriya · Jiffriya Thu Apr 07, 2011 7:37 am

Manik wrote:அழகுன்னா இதான் அழகு

இந்த கவிதை அழகென்பதா
இந்த கவிதையில் உள்ள வரிகள் அழகென்பதா
இந்த வரிகளில் உள்ள அர்த்தங்கள் அழகென்பதா
இந்த அர்த்தத்தில் உள்ள உண்மைகள் அழகென்பதா
இதையும் தாண்டி இந்த கவிதையை எழுதியவர் அழகென்பதா

அருமை ப்ரியா

காண்பதெல்லாம் அழகாய் தெரிவது காதலில் மட்டும் தான் தோழனே..உங்க பாராட்டுக்கு மிக்க நன்றி.. அன்பு மலர்