பிளாக்பெரி போன் சேவையை துண்டிக்க மத்திய அரசு உத்தரவு

dsudhanandan · dsudhanandan Mon 14 Feb 2011 - 14:36

இமெயில் உள்ளிட்ட தகவல் பரிமாற்றங்களை புலனாய்வு துறை குறுக்கிட்டு பார்வையிட அனுமதிக்காத பிளாக்பெரி போன்களின் இணைப்பை துண்டிக்குமாறு தொலை தொடர்பு நிறுவனங்களுக்கு மத்திய அரசு உத்தரவிட்டுள்ளது. இந்தியாவில் அதிநவீன வசதி கொண்ட ஆர்ஐஎம் நிறுவனத்தின் சுமார் 11 லட்சம் பிளாக்பெரி போன்கள் பயன்பாட்டில் உள்ளன. இந்த போன் பயன்படுத்தும் வாடிக்கையாளர்கள் பரிமாறிக் கொள்ளும் சில சேவைகளை மத்திய அரசு குறுக்கிட்டு பார்வையிட இந்நிறுவனம் மறுத்து வருகிறது.

இது தீவிரவாதிகளுக்கு சாதகமாக இருப்பதால் நாட்டின் பாதுகாப்பு கருதி, புலனாய்வுத் துறைக்கு தேவைப்பட்டால் வாடிக்கையாளர்களின் கார்ப்ரேட் இமெயில் உள்ளிட்ட தகவல் சேவைகளை பிளாக்பெரி பகிர்ந்து கொள்ள வேண்டும் என்று மத்திய அரசு கூறியிருந்தது. ஜனவரி 31ம் தேதிக்குள் இது குறித்து முடிவை அறிவிக்க வேண்டும் என்று கெடு விதித்திருந்தது.

இந்நிலையில், பிளாக்பெரிக்கு வழங்கப்பட்டுள்ள காலக்கெடு நீட்டிக்கப்பட்டுள்ளதா என மத்திய உள்துறை செயலாளர் ஜி.கே.பிள்ளையிடம் கேட்டபோது, அவர் கூறியதாவது:
காலக்கெடு நீட்டிக்கப்படவில்லை. அதேநேரம் அதன் சேவையை முற்றிலும் ரத்து செய்யவும் இல்லை. இது விஷயத்தில் பிளாக்பெரி நிறுவனத்துக்கும் அரசுக்கும் எவ்வித தொடர்பும் இல்லை.

எனினும், செல்போன் வாடிக்கையாளர்களின் அனைத்து தகவல் பரிமாற்றங்களையும் தேவைப்பட்டால் அரசுடன் பகிர்ந்து கொள்ள வேண்டியது தொலை தொடர்பு நிறுவனங்களுக்கு வழங்கப்பட்டுள்ள உரிமத்தின் ஒரு அம்சமாக உள்ளது. எனவே, தேவைப்படும்போது வாடிக்கையாளர்களின் கார்ப்ரேட் இ&மெயில் உள்ளிட்டவற்றை பிளாக்பெரி பகிர்ந்து கொள்ள மறுத்தால் அதன் சேவையை துண்டிக்க வேண்டும் என செல்போன் நிறுவனங்களுக்கு உத்தரவிடப்பட்டுள்ளது. இவ்வாறு ஜி.கே.பிள்ளை தெரிவித்தார்.

அன்பு தளபதி · அன்பு தளபதி Mon 14 Feb 2011 - 15:09

அரசுக்கு கட்டுபடாத இது போன்ற நிறுவனங்களை தடை செய்வதில் தவறில்லை ஆனால் நவல்பழ நிறுவனம் அமெரிக்காவை சேர்ந்தது அதனால் காங்க்ரஸ் யோசிக்கிறது

**சிவா** · **சிவா** Mon 14 Feb 2011 - 15:11

இந்திய அரசின் சட்டதிட்டங்களுக்கு உடன்படாத நிறுவனங்கள் வெளியேற்றப்பட வேண்டும்!

ANTHAPPAARVAI · ANTHAPPAARVAI Mon 14 Feb 2011 - 15:16

சிவா wrote:இந்திய அரசின் சட்டதிட்டங்களுக்கு உடன்படாத நிறுவனங்கள் வெளியேற்றப்பட வேண்டும்!

**krishnaamma** · **krishnaamma** Mon 14 Feb 2011 - 15:21

ஆமாம் ; சிவா சொல்வது சரிதான். நாம் நாட்டில் கடை விரித்தால் நாம் சொல்வதை கேட்கத்தான் வேண்டும். இல்லானா எல்லா தீவிரவாதியும் உபயோகிப்பது "black berry" என ஆகிவிடும்.