'பெரியவர்' மிரட்டலுக்கு அஞ்சமாட்டேன் - E.V.K.S. இளங்கோவன்

ரபீக் · ரபீக் Thu Dec 30, 2010 11:02 am

சமீபத்தில் காங்கிரஸ் பொதுச் செயலாளர் ராகுல் காந்தியின் தமிழக சுற்றுப் பயணத்தின்போது முன்னாள் மத்திய அமைச்சர் ஈ.வி.கே.எஸ்.இளங்கோவன், காங்கிரஸ் கட்சி திமுகவுடன் கூட்டணி சேர்ந்தால் தமிழகத்தில் தோல்வி அடையும் என்று பேசியதற்கு திமுக அமைச்சர் வீரபாண்டி ஆறுமுகம் கண்டனம் தெரிவித்தார்.

இது குறித்து ஈ.வி.கே.எஸ். இளங்கோவன் வெளியிட்டுள்ள அறிக்கையில், அமைச்சர் வீரபாண்டி ஆறுமுகம் என்னைத் தாக்கியும், நாகரீகமின்றி மறைந்த என் தந்தையாரையும் வம்புக்கிழுத்து அறிக்கை வெளியிட்டுள்ளார். இதைப் பார்த்து எனக்கு அவர் மீதுள்ள அக்கறையால் ஐயோ! பாவம்! என்றுதான் தோன்றியது.

'பெரியவர்' ஆறுமுகம் தற்போது பொதுவாழ்விலும், அவர் சார்ந்திக்கிற கட்சியிலும் இறங்கு முகமாக உள்ளதைச் சரிகட்ட என்னை கொச்சைப்படுத்தி வெளியிட்டுள்ள அறிக்கையில் அவர் தருவதை நான் வாங்கிக்கட்டிக்கொள்ள வேண்டும் எனச் சொல்லி இருக்கிறார். எப்படி என்று எனக்குத் தெரியவில்லை.

என் உயிரைப்பற்றி எப்போதும் கவலைப்படாதவன் நான். அதற்காக பதவியைப்பயன்படுத்தி மக்களின் நல்வாழ்வை பாழாக்குபவர்களைத் தட்டிக்கேட்கும் கடமையிலிருந்து நான் தவற மாட்டேன். காங்கிரஸ் கட்சிக்கு எது நல்லதோ அதைத் தொடர்ந்து செய்வேன். காங்கிரஸ் தொண்டர்களின் உணர்வுகளை யாருக்கும் அஞ்சாமல் சொல்வேன்.

அதேநேரம், காங்கிரஸ் தலைமைக்கும், அன்னை சோனியாகாந்திக்கும் என்றும் கட்டுப்பட்டவனாகவே இருப்பேன். மேலும், வீரபாண்டி பெரியவர் ஆறுமுகம் போன்றவர்களின் மிரட்டலையும், அச்சுறுத்தலையும் எதிர்கொள்ளவும் தயாராக உள்ளேன் என்பதையும் தெரிவித்துக்கொள்கிறேன்’’என்று கூறியுள்ளார்.

இந்நேரம்

கலைவேந்தன் · கலைவேந்தன் Thu Dec 30, 2010 2:01 pm

ஐயோ புட்டுக்கிச்சு புட்டுக்கிச்சு .... ஓஹோ .. கண்ணே.. என்ன கொடுமை சார் இது

'பெரியவர்' மிரட்டலுக்கு அஞ்சமாட்டேன் - E.V.K.S. இளங்கோவன்

'பெரியவர்' மிரட்டலுக்கு அஞ்சமாட்டேன் - E.V.K.S. இளங்கோவன்

Re: 'பெரியவர்' மிரட்டலுக்கு அஞ்சமாட்டேன் - E.V.K.S. இளங்கோவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக