யூசுஃப் பதான் சதம்! இந்தியா அபார வெற்றி

நியூசிலாந்துடனான நான்காவது ஒருநாள் போட்டியில், யூசுப் பதான் அதிரடியாக போட்ட சதத்தால் இந்தியா 5 விக்கெட் வித்தியாசத்தில் வெற்றி பெற்றது. இந்தியா ஏற்கனவே தொடரை கைப்பற்றிவிட்ட நிலையில், சம்பிரதாயமான நன்காவது போட்டி பெங்களூர் சின்னசாமி ஸ்டேடியத்தில் நேற்று நடந்தது.

இந்நிலையில் ஆட்டம் தொடங்கியபோது டாசில் வென்ற இந்தியா முதலில் ஃபீல்டிங்கை தேர்தெடுத்து பந்து வீசியது. நியூசிலாந்து 50 ஓவரில் 7 விக்கெட்டுக்கு 315 ரன் எடுத்தது. அதிரடியாக விளை யாடிய பிராங்க்ளின் 98 ரன், நாதன் மெக்கல்லம் 13 ரன்னுடன் ஆட்டமிழக்காமல் இருந்தனர்.

அடுத்து களமிறங்கிய இந்தியா 36 ஓவரில் 5 விக்கெட்டுக்கு 203 ரன் எடுத்த நிலையில், மழை கொட்டியதால் ஆட்டம் நிறுத்தப்பட்டது. கம்பீர் 27, கோஹ்லி 0, யுவராஜ் 20, பார்திவ் 53, ரோகித் 44 ரன் எடுத்து ஆட்டமிழந்தனர். பதான் 48, திவாரி 4 ரன்னுடன் களத்தில் இருந்தனர். மழை நின்றபின் மீண்டும் ஆட்டம் தொடங்கியது. அதிரடி ஆடிய யூசுப் பதான் நியூசிலாந்து அணியினரின் பந்துகளை நாலாபுறமும் சிதறடித்து ஒரு நாள் போட்டியில் தனது முதல் சதத்தை நிறைவு செய்தார்.


யூசுஃப் பதானை ஆட்டமிழக்க செய்ய முடியாமல் நியூசிலாந்து வீரர்கள் திணறினர். கடைசி வரை பேட்ஸ்மேன் திவாரி ஒத்துழைக்க யூசுஃப் பதான் தனது அதிரடி ஆட்டத்தை தொடர்ந்தார். 48.5வது ஓவரில் திவாரி இமாலய சிக்சர் அடிக்க, இந்தியா 321 ரன் எடுத்தது. மிகப்பெரிய இலக்கான 316 ஓட்டங்களை எடுக்க வேண்டிய நிலையில் இருந்த இந்திய அணி யூசுஃப் பதானின் அதிரடி ஆட்டத்தால் 5 விக்கெட் வித்தியாசத்தில் வெற்றி பெற்றது.

யூசுஃப் பதான் 96 பந்துகளில் 123 ரன்கள் எடுத்தார். திவாரி 37 பந்துகளில் 39 ரன்கள் எடுத்தார். ஒரு நாள் தொடரில் நான்குக்கு பூஜ்ஜியம் என்ற கணக்கில் இந்தியா தொடர்ந்து வெற்றி பெற்றது குறிப்பிடத்தக்கது. இறுதிப் போட்டி சென்னையில் நாளை மறுநாள் நடக்கிறது.


இந்நேரம்