செஞ்.ச.அதிகாரி அழுதபோது எடுத்த புகைப்படத்தால் சர்ச்சை

நிசாந்தன் · நிசாந்தன் Fri Oct 29, 2010 1:32 am

வடக்கில் போரால் பாதிக்கப்பட்ட விவசாயிகளுக்கு வழங்குவதற்கென சர்வதேச செஞ்சிலுவைச் சங்கம் ஏற்பாடு செய்திருந்த சிறிய உழவு இயந்திரங்கள் சிங்களக் குடும்பங்களுக்கு கொடுக்கப்பட்டமை தெரிந்ததே. 104 உழவு இயந்திரங்களில் 50 ஐ தமது இஷ்டத்துக்குப் பறித்தெடுத்த அரசாங்க உயர் அதிகாரிகள் அவற்றைச் சிங்களக் குடும்பங்களிடம் கையளித்திருந்தன. இவை அரசாங்க அரசியல்வாதிகளுக்கு ஆதரவான சிங்களக் குடும்பங்களுக்கே வழங்கப்பட்டன. இந்நிகழ்வில் வடமாகாண ஆளுநர் ஜி.ஏ சந்திரசிறி, அமைச்சர் ரிஷாத் பதியுதீன் மற்றும் நாமல் ராஜபக்ஷ உட்பட பலரும் கலந்துகொண்டனர்.

போரால் பாதிக்கப்பட்ட தமிழர்களின் பெயரைக் கொண்டு தாம் தயாரித்த பயனாளிகள் பட்டியலை விடுத்து அரசாங்க அதிகாரிகள் தமது இஷ்டத்துக்கு உழவு இயந்திரங்களைத் தாரை வார்த்ததைக் கண்ட சர்வதேச செஞ்சிலுவைச் சங்க தலைமை அதிகாரி அவ்விடத்திலேயே கதறி அழுதார். இதைப் படம்பிடித்த ஊடகவியலாளர்கல் அப்புகைப்படத்தை வெளியிட்டுள்ளமை அரசுக்குச் சங்கடமாகியுள்ளது.

எனவே இதனால் பெரிதும் குழம்பிப் போயுள்ள வடமாகாண ஆளுநர் சந்திரசிறி, மேற்படி சம்பவம் குறித்து விசாரணை செய்யவேண்டும் என்றும் இலங்கை புலனாய்வுத் துறைக்கு உத்தரவிட்டுள்ளாராம். மேலும், மேற்படி புகைப்படத்தை எடுத்தது யார், அதை மற்ற ஊடகங்களுக்கும் பரவ விட்டது யார் என்றெல்லாம் விசாரணை நடத்தவேண்டும் என சந்திரசிறி கேட்டுள்ளாராம்.

இதற்கிடையில், மேற்படி உழவு இயந்திரங்கள் வழங்குவதில் ஏற்பட்ட சர்ச்சை குறித்த அறிக்கையை செஞ்சிலுவைச் சங்க அதிகாரி தமது கொழும்பிலுள்ள தலைமை அலுவலகத்துக்கு அனுப்பியுள்ளார்.

செஞ்.ச.அதிகாரி அழுதபோது எடுத்த புகைப்படத்தால் சர்ச்சை

செஞ்.ச.அதிகாரி அழுதபோது எடுத்த புகைப்படத்தால் சர்ச்சை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக