10 ஆடம்பர கார்கள் இறக்குமதி பல கோடி ரூபாய் வரி மோசடி

கண்ணூர்: வெளிநாடுகளில் இருந்து பி.எம்.டபிள்யூ, பென்ஸ் உட்பட 10 ஆடம்பர கார்களைபல கோடி ரூபாய் சுங்க வரி செலுத்தாமல் மோசடி செய்து இறக்குமதி செய்ததாக 10பேர் மீது வழக்கு தொடரப்பட்டுள்ளது. வெளிநாடுகளில் பணியாற்றி விட்டுதாயகம் திரும்பும் போது அங்கு அவர்கள் பயன்படுத்திய அல்லது புதிய காரைஇறக்குமதி செய்ய அனுமதிக்கப்படுவது உண்டு. இருப்பினும் சுங்கவரி செலுத்தவேண்டும். ஆனால், வெளிநாட்டினர் இந்தியாவில் சுற்றுப்பயணம் செய்யும் போதுஅவர்கள் தங்களது நாட்டில் பயன்படுத்திய காரை இங்கு பயன்படுத்த சுங்க வரிசெலுத்த வேண்டியது இல்லை. இச்சலுகையை நம் நாட்டுக்கு வரும் வெளிநாட்டுசுற்றுலா பயணிகள் தான் பயன்படுத்த முடியும்.
இச்சலுகையை முறைகேடாக பயன்படுத்தி வெளிநாடுகளில் இருந்து 10 ஆடம்பரகார்களை இறக்குமதி செய்துள்ளதும், பல கோடி ரூபாய் மத்திய அரசுக்கு சுங்கவரியாக கட்டாமல் மோசடி செய்திருப்பதும் தெரியவந்தது. இவ்வாறு மூன்றுஹேம்மர்கள், தலா இரண்டு வீதம் பென்ஸ், பி.எம்.டபிள்யூ, லான்ஸ் க்ரூசியர்,ஒரு போர்ச்சே என 10 ஆடம்பர கார்கள் கொச்சி துறைமுகம் வழியாக இறக்குமதிசெய்யப்பட்டுள்ளது. இதுகுறித்து கொச்சியில் உள்ள சுங்கவரித் துறைமுறைகேடுகள் தடுப்புத் துறை அதிகாரிகள் கண்டறிந்துள்ளனர். வெளிநாட்டில்இருந்து சுற்றுலா பயணிகள் கொண்டு வந்த கார்களை அவர்கள் திரும்பி செல்லும்போது கொண்டு செல்லவில்லை என்பதும் அவைகள் மாநிலத்திலேயே உள்ளது எனகண்டுபிடித்துள்ளனர். இது தொடர்பாக கொச்சியில் நான்கு பேர், கண்ணூர்,காசர்கோடு மற்றும் காஞ்ஞங்காடு ஆகிய இடங்களில் தலா இருவர் என 10 பேர் மீதுவழக்கு பதிவு செய்யப்பட்டுள்ளது.