பள்ளி ஆசிரியை கழுத்தை அறுத்துக் கொலை

பெங்களூர்,


அதிகாலையில் வீட்டில் தனியே இருந்த பள்ளி ஆசிரியை கழுத்தை அறுத்துக் கொலை செய்யப்பட்டார். பெங்களூர்
ஹுளிமாவு பகுதியில் வசிப்பவர் சதீஷ்குமார் குப்தா. சாஃப்ட்வேர்
என்ஜினீயரான இவர் எலெக்ட்ரானிக் சிட்டியில் உள்ள பிரபல சாஃப்ட்வேர்
நிறுவனத்தில் பொறியாளராகப் பணியாற்றி வருகிறார். அவரது மனைவி
பிரியாங்கா குப்தா (25). கோனன்குண்டேயில் உள்ள தனியார் பள்ளியில்
ஆசிரியையாகப் பணியாற்றிவந்தார். செவ்வாய்க்கிழமை காலை 5.30 மணி அளவில்
சதீஷ்குமார் நடைபயிற்சி மேற்கொள்ள வெளியே சென்றார். வீட்டில் பிரியங்கா
மட்டும் இருந்தார். அவர் வீட்டில் இருந்தபடியே யோகாசனம் செய்து
கொண்டிருந்ததாகத் தெரிகிறது. இந்த சமயத்தில் வீட்டின் அழைப்பு மணி
ஒலித்தது. ஜன்னல் வழியாக வெளியே பிரியங்கா எட்டிப்பார்த்தபோது வெளியில் 2
பேர் நின்று கொண்டிருந்தனர். அவர்கள் பிரியங்காவிடம், சதீஷ்குமார்
அனுப்பியதாகவும், பேப்பரை உங்களிடம் கொடுக்கச் சொன்னார்கள் என்று கூறி
கதவைத் திறக்கும்படி கூறியுள்ளனர். உடனே பிரியங்கா சதீஷ்குமாரை
தொலைபேசியில் தொடர்பு கொண்டு, விவரம் கேட்டார். ஆனால் அவர் தான்
யாரையும் அனுப்பவில்லை, கதவைத் திறக்க வேண்டாம் என்று கூறிவிட்டு தான்
நடைபயிற்சி முடித்துவிட்டு வருவதாகக் கூறியுள்ளார். காலை 6.30 மணிக்கு
சதீஷ்குமார் வீட்டுக்குவந்துள்ளார். வீடு வெளிப்பக்கமாக பூட்டப்பட்டு
கிடந்தது. இதனால் பிரியங்கா வெளியில் எங்கும் சென்றுவிட்டாரோ என நீண்ட
நேரம் வெளியே காத்திருந்தார்.பிறகு தனது இரு சக்கர வாகனத்தை
எடுத்துக் கொண்டு அலுவலகத்திற்குச் சென்ற சதீஷ்குமார், அலுவலகத்தில் அவர்
வைத்திருந்த வீட்டுச்சாவியை எடுத்துக் கொண்டு மீண்டும் வீட்டுக்குவந்து
கதவைத் திறந்து உள்ளே சென்றார். அங்கு சென்ற அவர் அதிர்ச்சி அடைந்தார். வீட்டில் உள்ள நாற்காலியில் வைத்து கழுத்தறுக்கப்ட்ட நிலையில் பிரியங்கா பிணமாக இருந்தார். உடனடியாக
போலீஸýக்குத் தகவல் கொடுத்தார் சதீóஷ்குமார். போலீஸôர் அங்கு விரைந்து
சென்று பார்த்தனர். வீட்டில் வைக்கப்பட்டிருந்த பொருள்கள் சூறையாடப்பட்டு
கிடந்தன.அலமாரியில் வைத்திருந்த தங்க நகைகள், ரொக்கப்பணத்தை
காணவில்லை. பேப்பர் கொடுக்க வந்ததுபோல் நடித்தவர்கள் தான் பிரியங்காவை
கொலை செய்திருக்கலாம் என போலீஸôர் கருதுகிறார்கள். இதுதொடர்பாக வழக்குப்
பதிவு செய்து தப்பியோடிய கொலையாளிகளைத் தேடி வருகிறார்கள்.