இலங்கை இன அழிப்பு குறித்த சர்வதேசக் குழு

நிசாந்தன் · நிசாந்தன் Tue Aug 10, 2010 10:32 am

மலேசியா பெனாங் பிரதி அமைச்சரும் மனித உரிமைகள் சட்டத்தரணியுமான பேராசிரியர் ராமசாமி அவர்கள் இலங்கையில் நடந்த இன அழிப்புக் குறித்த ஆதாரங்களைச் சேகரிப்பதற்கென ஒரு சர்வதேசக் குழுவை அமைக்கவுள்ளார். ஐக்கிய நாடுகள் மனித உரிமைகள் அமைப்பில் வழக்கொன்றைத் தாக்கல் செய்யும் நோக்கிலேயே இந்தக் குழு அமைக்கப்படுவதாக மலேசிய தளம் ஒன்று சன் செய்தித்தாளை மேற்கோள் காட்டிச் செய்தி வெளியிட்டுள்ளது. இந்தக் குழுவானது உலகின் எந்த இடத்திலாவது மக்களின் உரிமைகள் மறுக்கப்படும் கட்டத்தில் அவர்களுக்காகப் போராடும் என்றும் மனித உரிமைச் செயற்பாட்டாளர் படு கவான் தெரிவித்தார்.

கடந்த ஆண்டு நடந்த போரின்போது போர்க் குற்றங்களுடன் தொடர்பான இலங்கை மற்றும் இவ்வின அழிப்புக்குப் பொறுப்பான இந்திய அரசாங்கத் தலைவர்கள் குறித்தும் ஆதாரங்கள் சேகரிக்கப்படவேண்டும் என்று ராமசாமி தெரிவித்துள்ளார். எனவே இக்குழுவில், அரசு சாரா நிறுவனங்கள், செயற்பாட்டாளர்கள் மற்றும் அரசியல் வாதிகள் உள்ளடக்கப்படுவர் என்றும் இன்னும் சில மாதங்களுக்குள் இக்குழு செயற்படத் தொடங்கிவிடும் என்றும் அவர் மேற்கொண்டு தெரிவித்துள்ளார்.

இலங்கை போர்க் குற்றங்களைப் புரிந்ததாக நம்பப்படும் முன்னாள் மேஜர் ஜெனரலை தனது நாட்டுப் பிரதித் தூதுவராக ஏற்றுக்கொண்ட ஜேர்மன் நாட்டுக்கு எதிராக இம்மாத முற்பகுதியில் சுவிஸ் ஈழத் தமிழர் பேரவை, நோர்வே ஈழத் தமிழர் பேரவை மற்றும் இன அழிப்புக்கு எதிரான அமைப்பு ஆகியன ஐரோப்பியன் மனித உரிமைகள் நீதிமன்றில் வழக்குத் தாக்கல் செய்துள்ள நிலையில் ராமசாமியும் இதற்கேற்றாற்போல சான்றுகளைச் சேகரிக்கும் குழுவொன்றை அமைக்க உள்ளமை குறிப்பிடத்தக்கது.

இலங்கை இன அழிப்பு குறித்த சர்வதேசக் குழு

இலங்கை இன அழிப்பு குறித்த சர்வதேசக் குழு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக