பேருந்தில் பெண்ணிடம் நகைகள் திருட்டு

நவீன் · நவீன் Sat Aug 07, 2010 1:13 pm

தஞ்சாவூர்,

ஒரத்தநாட்டில் பேருந்தில் சென்ற பெண்ணிடம் 8 பவுன் தங்க நகைகளைத் திருடிச்
சென்றவர்களை போலீஸôர் தேடி வருகின்றனர். ஒரத்தநாடு பி.எட்.
கல்லூரி பகுதியைச் சேர்ந்த சவுரிராஜன் மனைவி தமிழ்ச்செல்வி (40). இவர்,
அடகுக் கடையில் அடமானம் வைத்திருந்த தனது 8 பவுன் தங்க நகைகளை
வியாழக்கிழமை மீட்டுக் கொண்டு பேருந்தில் புறப்பட்டார்.
பேருந்தில் அவரருகே நின்று கொண்டிருந்த 4 பெண்களில் ஒருவர், திடீரென
மயக்கம் வருவதாகக் கூறி, தமிழ்ச்செல்வி தோளில் சாய்ந்து கொண்டாராம்.
அதைத்தொடர்ந்து வந்த பேருந்து நிறுத்தத்தில் அந்தப் பெண்கள் இறங்கிச்
சென்றுவிட்டனராம். சிறிது நேரம் கழித்து தமிழ்ச்செல்வி தனது கைப்
பையைப் பார்த்த போது, அதில் வைத்திருந்த 8 பவுன் தங்க நகைகளைக்
காணவில்லையாம். அவரருகே நின்றிருந்த பெண்கள் கூட்ட நெரிசலைப் பயன்படுத்தி
நகைகளைத் திருடிச் சென்றிருக்கலாம் என்று கூறப்படுகிறது. இதுகுறித்த
புகாரின் பேரில் ஒரத்தநாடு போலீஸôர் விசாரித்து வருகின்றனர்.