20 ஆப்கானியர் எங்கே? மலேசியா தேடுகிறது

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

20 ஆப்கானியர் எங்கே? மலேசியா தேடுகிறது

#357962

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Wed Aug 04, 2010 10:03 am

கோலாலம்பூர்: ஆப்கானிஸ்தானிலிருந்து மலேசியா வழியாக, ஆஸ்திரேலியாவிற்கு
சட்ட விரோதமாகச் செல்ல முயற்சித்த 20 பேர், மலேசிய போலீஸ்
பாதுகாப்பிலிருந்து நேற்று தப்பி விட்டனர். மலேசிய போலீஸ், நாடு முழுவதும்
வலைவிரித்துத் தேடுகிறது. ஆப்கானிஸ்தான் மற்றும் மியான்மர் நாட்டைச்
சேர்ந்தவர்கள், இந்தோனேசியா மற்றும் ஆஸ்திரேலியாவில் சட்ட விரோதமாக
குடியேறுகின்றனர். அதற்காக, மலேசியா வழியாக, அவர்கள் பயணம்
மேற்கொள்கின்றனர். கடந்த ஆண்டு, மலேசிய பிரதமர் நஜீப் ரசாக் இதுபற்றி
கூறுகையில், சட்ட விரோதமாகக் குடியேறுபவர்களின் முக்கிய போக்குவரத்து
இடமாக மலேசியா மாறி வருவதாகக் கவலை தெரிவித்திருந்தார். இந்த ஆண்டில்
மட்டும் சட்டவிரோதமாக குடியேற வந்தவர்கள் 100 பேர் கைது
செய்யப்பட்டுள்ளனர். இந்நிலையில், ஒரு மாதம் முன்பு, ஆப்கானிஸ்தான்
நாட்டைச் சேர்ந்த 20 பேர், ஆஸ்திரேலியாவில் சட்ட விரோதமாகக்
குடியேறுவதற்காக மலேசியா வந்தனர். அப்போது அவர்களை மலேசிய போலீசார்
பிடித்து விமான நிலையத்திலுள்ள பாதுகாப்பு பலப்படுத்தப்பட்ட மையத்தில்
சிறை வைத்தனர். அவர்கள் 20 பேரும் நேற்று அந்த மையத்திலிருந்து தப்பி
விட்டதாக, மலேசிய போலீசார் தெரிவித்துள்ளனர். அவர்கள் மலேசியாவிலிருந்து
இந்தோனேசியா வழியாக ஆஸ்திரேலியாவிற்குச் செல்ல திட்டமிட்டுள்ளதால்,
அவர்களைத் தேடும் பணியில் தீவிரமாக ஈடுபட்டுள்ளனர். கடந்த மார்ச் மாதம்,
12 ஆப்கன் நாட்டவர் மற்றும் நான்கு மியான்மர் நாட்டவர், இதே
மையத்திலிருந்து தப்பி ஓடி விட்டனர் என்பது குறிப்பிடத்தக்கது.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1