மதுரையில் ரூ.1 கோடி போலி டீ தூள் பறிமுதல்!

ரபீக் · ரபீக் Wed Jul 21, 2010 11:11 am

மதுரையை அடுத்த பொன்மேனி என்ற பகுதியில் போலி டீ தூள் தயாரிக்கப்படுவதாக, அப்பகுதியில் உள்ள தொண்டு நிறுவனம் ஒன்று காவல்துறைக்கு தகவல் கொடுத்திருந்தது. இந்த தகவலின் அடிப்படையில், காவல்துறையினர் அந்த பகுதியில் அதிரடி சோதனை மேற்கொண்டனர்.

சோதனையில் அங்கிருந்த ஒரு குடோனில் போலி டீத்தூள் தயாரிக்கப்படுவது கண்டுபிடிக்கப்பட்டது. காவல்துறையினர் வருவதை அறிந்த குடோன் உரிமையாளர்கள் ராமானுஜம் மற்றும் குமார் ஆகியோர் தலைமறைவானார்கள். பிரேம் என்ற ஊழியர் ஒருவர் கைது செய்யப்பட்டார். மேலும் ஒரு கோடி மதிப்புள்ள டீ தூள்கள் பறிமுதல் செய்யப்பட்டுள்ளன.

கைது செய்யப்பட்ட பிரேமிடம் காவல்துறையினர் விசாரணை நடத்தியதில், அசாம் கோல்டு டீ தூள் என்ற பெயரில் தென் மாவட்டங்கள் முழுவதும் விநியோகம் செய்தது தெரிய வந்தது. மேலும் கடந்த 5 வருடமாக இந்த தொழில் நடந்து வருவதாகவும் தெரிய வந்துள்ளது. தலைமறைவான ராமானுஜம் மற்றும் குமார் ஆகியோரை கைது செய்ய போலீசார் தீவிர முயற்சியில் ஈடுபட்டுள்ளனர்.

நவீன் · நவீன் Wed Jul 21, 2010 12:03 pm

மதுரையில் ரூ.1 கோடி போலி டீ தூள் பறிமுதல்!

மதுரையில் ரூ.1 கோடி போலி டீ தூள் பறிமுதல்!

Re: மதுரையில் ரூ.1 கோடி போலி டீ தூள் பறிமுதல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக