நபி மொழி தொகுப்பு நற்சிந்தனை -குழந்தைகள் உரிமைகள்-20

சபீர் · சபீர் Sat Mar 27, 2010 1:16 pm

அண்ணல் நபி (ஸல்) அவர்கள் நவின்றார்கள்:
“எந்த வீட்டில் ஒர் அநாதை இருந்து, அவனுடன் நல்லவிதமாக நடந்துகொள்ளப்படுகின்றதோ அந்த வீடே முஸ்லிம்களின் வீடுகளிலேயே மிகச் சிறந்த வீடாகும். எந்த வீட்டில் ஓர் அநாதை இருந்து, அவனுடன் கோவமாக நடந்து கொள்ளப்படுகின்றதோ அந்த வீடுதான் முஸ்லிம்களின் வீடுகளிலேயே மிகக் கெட்ட வீடாகும். ;”(இப்னு மாஜா)
அறிவிப்பாளர் : அப+ஹ{ரைரா (ரலி)
ஒரு மனிதர் அண்ணல் நபி (ஸல்) அவர்களிடம் தன் கல்நெஞ்சம் பற்றி முறையிட்டார். அண்ணலார், “அநாதையின் தலையை இரக்கத்துடன் தடவுங்கள், ஏழை எளியவர்களுக்கு உணவளியுங்கள்! ;” என்று கூறினார்கள். (மிஷ்காத்)
விளக்கம் :
இந்த நபிமொழியிலிருந்து தெரிய வருவதாவது: எவரேனும் தம் கல் நெஞ்சத்திற்கு சிகிச்சை அளிக்க விரும்பினால், அவர் செயலளவில் இரக்கமும் கருணையும் மிளிரும் பணிகளைச் செய்யத் தொடங்கிவிட வேண்டும். தேவையுள்ளோர், ஆதவற்றோரின் தேவைகளை நிறைவு செய்திட வேண்டும், அவர்களின் பணிகளில் அவர்களுக்கு உதவிட வேண்டம். இப்படிச் செய்தால் அவருடைய கல்மனம் இரக்கமிகு நெஞ்சமாக மாறிவிடும்.