இல்லற வாழ்க்கை நடத்தக் கூடாது: மைனர் பெண்ணுக்கு கலெக்டர் உத்தரவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

இல்லற வாழ்க்கை நடத்தக் கூடாது: மைனர் பெண்ணுக்கு கலெக்டர் உத்தரவு

#283777

arularjuna
இளையநிலா: பதிவுகள் : 436
இணைந்தது : 04/09/2009

Post arularjuna Thu May 27, 2010 9:17 am

திருச்சி: "திருமணம் செய்தாலும், இல்லற வாழ்க்கையில் ஈடுபடக் கூடாது' என, மைனர் பெண்ணுக்கு திருச்சி கலெக்டர் உத்தரவிட்டுள்ளார். திருச்சி துறையூர் அடுத்த புலிவலத்தை சேர்ந்தவர் நடராஜன். இவரது மகன் சண்முகராஜா (25); சைக்கிள் கடை உரிமையாளர். இவருக்கும், இதே பகுதியை சேர்ந்த ஜெயகுமார் மகள் காயத்ரிக்கும் திருமணம் நிச்சயம் செய்யப்பட்டது.

கடந்த 22ம் தேதி திருமணம் நடந்து கொண்டிருந்தது. இதற்கிடையே, "காயத்ரிக்கு இன்னும் 18 வயது பூர்த்தியடையவில்லை' என, பெண்ணின் உறவினர் ஒருவர் திருச்சி கலெக்டர் சவுண்டையாவிடம் புகார் கொடுத்தார். கலெக்டர் உத்தரவுப்படி, சமூக நலத்துறை அதிகாரிகள் மற்றும் போலீசார், திருமணத்தை நிறுத்தச் சென்றனர். அதற்குள் திருமணம் நடந்து முடிந்துவிட்டது. அதையடுத்து, கலெக்டர் அலுவலகம் வரவழைக்கப்பட்ட மணமக்களிடம், கலெக்டர் நேரடி விசாரணை நடத்தினார்.

அப்போது, காயத்ரிக்கு 18 வயது நிறைவடைய இன்னும் ஆறு மாதம் உள்ளதும், மணப்பெண்ணின் தாய் இறந்துவிட்டதும், தந்தை உடல்நலம் பாதிக்கப்பட்டுள்ளதும் தெரியவந்தது. குடும்ப சூழ்நிலை காரணமாக உடனடியாக திருமணம் செய்ததும், மணமகளை வற்புறுத்தி திருமணம் செய்யவில்லை என்பதும் விசாரணையில் தெரியவந்தது. "சட்டப்படி மணப்பெண்ணுக்கு 18 வயதாகும் வரை, குடும்ப வாழ்க்கையில் ஈடுபடக் கூடாது' என்று கலெக்டர் கேட்டுக் கொண்டார். அதையடுத்து, மணப்பெண்ணின் குடும்பத்தினர் காயத்ரியை கரூரில் உள்ள உறவினர் வீட்டுக்கும், ராஜாவை புலிவலத்திற்கும் அனுப்பி வைத்தனர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1